ZEKARIA 12:8 - Mara Bible RV (BSI)

⁸ Cha noh liata, Abeipa ta Zerusale liata a pahrâpazy pabohsa aw ta, ama hry liata chyhsa chiehlei chaipazy chhao, cha noh liata cha Dâvi hawhta châ aw ei ta, Dâvi pathlazy cha Khazohpa hawhta châ aw ei ta, ama hmia lâta a siepa Abeipa vâlyuhchâpa hawhta ama châ aw.

ZEKARIA 12:8 ပူးပေါင်းရင်းမြစ်များ

HLAZY 8:5

Ano cha vâmozy hlâta a chyhta a hnai viapa ta tao chi ta, Rônahna nata palyupalihna lakho na pakho.

HLAZY 82:6

“Khazohzy hawhta cha vaw pachâ ei na ta, Nama zydua ta Chônôchaipa sawzy hawhta ei cha pachâ ei.

PUASAINA 14:19

Chatawhcha Izarei sawzy ama hmia lâta a chhihtha laihpa Khazohpa vâlyuhchâpa cha, ama hnôh lâ a pasie ta, meihdo tôh chhao ama hmia lâ tawhta a pasiepa ta ama hnôh lâta a duahpa ta,

PUASAINA 33:2

Ei vâlyuhchâpa nama hmia lâta tuah aw na ta, Kâna mo, Amawri mo, Hiti mo, Perizi mo, Hivi mo nata Zebu mozy ei papua aw ei.

ISAI 30:26

Cha dei châ vei, Abeipa ta a phopi hmahphaopa chahry ta, âmo a tuna hmah a patlâh noh liata, thlâpâ cha noh tlu ta khaih aw ta, noh chhao a lie sari ta khaih aw ta, noh sari chhôh a khaihpa zie a khaih aw.

ISAI 31:4

Abeipa ta hetana heta eina tah: “Chakeibarôhneipa nata chakeibarôhneipa lochopa zy ta, Sa ama taipazy chô liata a rôh ei ta; Mietaku vaituhpa sahlaozy ta amâ râhnaopa chhao ta, Ama awhsâhpa ta pachisa leipa ei ta, Ama pyu ta ama thlah a pazo leipa hawhta; Pheisaihzy Abeipa cha za chô aw ta, Zaio Tlâh liata zâ dyuh aw ta, A tlâh byuhpa liata a zâ dyuh aw.

ISAI 33:24

Khihsaw ahy hmahta, “Tlâh va na,” tah khao leipa aw ei ta; Cha liata a pahrâpa phopi cha, Ama moleina a ngiahthaipa a châ aw.

ISAI 49:7

Mohnao ngaitapa nata Babylaw râh ta a pasi kawpa, Ryureituhpazy chakaotuhpa Izarei phopi hnohta, Abeipa, Izarei Chatlaituhpa ta hetana heta tah ta, Izarei Mo Pathaihpa ta hetana heta a tah: “Abeipa ngâchhihpa vâta, Châ tlyhtuhpa Izarei Mo Pathaihpa vâta, Beizy ta a cha hmô ti ei ta a duah aw ei ta, Beimachâzy na hmiakô liata amâ bôh aw.”

ISAI 53:3

Ano cha chyhsazy ta mohnaopa ta dytha ei ta, Pachârôhnazy a hneipa chyhsa châ ta, Pachâchhienazy a pahnopa a châ. Chyhsazy ta ama hmia ama nyusaipa chyhsa hawhta, Mohnaopa ta y ta; Keimo chhao ta, Ano cha pasâhsa hlei hra ma pi.

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

ZEREMIAH 27:10

Nama râh tawhta lâhlapi lâ a chhipa nama châ thei nawpa ta, haipa ta hrohsona bie nama hnohta a phuahpazy ama châ. Cha to papua aw ei na ta, nama leidia aw.

HÔSIA 1:7

Zudâh chhôhkha hnohta deikua cha ei kyhpachâna ei palâsa aw. Pahniena pie aw ei na ta, libaw ta tlyma, zaozi ta tlyma, adyuhna ta tlyma, arâ nata a kiahtuhpazy vâta tlyma pahniena châ leipa aw ta, Abeipa ama Khazohpa vâta pahniena a châ aw,” tah ta.

HÔSIA 12:3

Chhi liata a y nota a unawhpa phei patu ta, Vaw pitloh ta Khazohpa â pia heih.

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

ZÔELA 3:10

Nama leipaliena thua pazaopazy cha, Zaozi lâta daih u la; Theilâ kô nama taina tâkôzy cha, Asei lâta daih teh u. Chyhsa chiehleipa chhao ta, “Thatlôpa ei châ,” tah mawh sy.

THEIHTHAINA 26:8

Papangawh ta za kha a chadai aw ei chi ta, za kha ta thy kha a chadai aw ei chi ta, nama chariahpazy nama hmiakô liata zaozi ta ama pao aw.

MIKÂ 5:8

Zakaw laibâhpazy cha, Râhsazy hry liata chakeibarôhneipa hawhta Râhzy hry liata y aw ei ta, Mietaku zaw hry liata chakeibarôhneipa lochopa hawhta Phopizy hry liata ama y aw. A chapia ti ei ta, Âmo cha alei liata a tlypabai aw ei; Âmo cha hriechheih khai aw ta, A pachha thei awpa y veih ei.

MIKÂ 7:16

Phopizy ta hmô aw ei ta, Thatlô amâ tah kawna zydua ama zakhei aw; Ama pakahzy a chahu aw ei ta, Ama nahzy a pâ aw.

MIKÂ 7:8

Hy ei chariahpa y, Na palôh nâ eih khah y; Ei paopa chhao ta, Ei thyu heih aw; Zohna lia ei tyupa chhao ta, Abeipa cha ei khaihna a châ aw.

ZEKARIA 10:7

Epharai pathlazy cha, Pasaipha hawhta vaw châ aw ei ta; Kresawhti do no hawhta Ama palôh â ly kaw aw. Ama sawzy ta hmôpa ta ama thapha aw ta, Abeipa liata ama palôh â ly aw.

ZEKARIA 2:5

keima tlai he Zerusale châta mei thokhy châ aw na ta, a chhôh liata a rônahna ei châ aw,’ Abeipa ta a tah tahpa ta kei chho teh,” tah ta.

ZEKARIA 9:14

Abeipa ama chô liata a vaw luah aw ta, A châtai dôhla hawhta a pathli aw; Abeipa Zehôvâh ta chiahmie tô aw ta, Chho khisôzy chhaota hrâ a sie aw.

ZEKARIA 9:8

Hrâsiepazy tawhta vaih awpa ta, Ei o liata riehmo ei paryh aw; Chatanachata ama siena lâta tlyma, Amâ liena lâta tlyma, A siehnaopa y khao aw veih ei. Tahmâ cha keima mo tlai ta ei vaih ha awpa vâta, Tlybaituhpa ta sie thlu khao aw vei.

MALAKHAI 3:1

“Moh teh u, ei hmia lâta lâpi a chhuahdy awpa ta, ei lyuhchâpa ei vaw tuah aw. Nama tluapa Abeipa cha ano Achhyna o lâ eikhapi ta â vy aw. Moh teh u, nama tlaichhaipa biehrai lyuhchâpa cha â vy hai,” Pheisaihzy Abeipa ta a tah.

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

RAWMA 9:5

Pathlatuhzy kha ama mapawzy châ ei ta, sapa kyh lâta cha Krista tlai chhao cha, âmo chi tawhta a vaw puapa a châ. Ano cha ato zydua chô liata Khazohpa châ ta, chhâzaw ta reithaipa ta y mawh sy. Amen.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

HEBRAI 11:34

Mei hmotaotheina pachhai ei ta, zaozi tiahpa khôkhâh ei ta, chiehleina tawhta thatlôpa ta taopa ama châ. Adyuhna liata pasaipha châ ei ta, chihropa pheisaihzy a chadai ei ta amâ râpai.

ZAWSUA 23:10

Abeipa nama Khazohpa ta bie châ taih ei ta, ano tlai ta nâmo châta â dyuhpa vâta, nâmo chyhsa pakha ta chyhsa sâh kha namâ chadaipai aw.

BIEPHUAH 22:13

Kei he Alphâ nata Ômekâ, hmiatuapa nata hnôhchaipa, âthaona nata achhâna ei châ.

BIEPHUAH 22:16

“Kei, Zisu ta, he biezy he Awnanopazy pahnosa awpa ta ei vâlyuhchâpa nâmo lâ ei vaw tuah. Dâvi thari nata a pathla, deiva awhsi khaih ngaitapa ei châ,” tah ta.