ZEKARIA 12:5 - Mara Bible RV (BSI)

⁵ Cha tina chata Zudâh chhituhpazy ta ama palôh liata, ‘Zerusale khihsawzy cha ama Khazohpa Pheisaihzy Abeipa vâta thatlôna ama hnei,’ ama tah aw.

ZEKARIA 12:5 ပူးပေါင်းရင်းမြစ်များ

HLAZY 144:1

Abeipa, ei lôpanô cha reithaipa ta y mawh sy, Ano ta ei kuzy he hrâsiezie pachu ta, Ei ku parozy he a dyuhzie a pachu.

HLAZY 18:32

Khazohpa cha thatlôna ta chai nâ saihtuhpa châ ta, Ei lâpi phapakipa ta a taotuhpa a châ.

HLAZY 18:39

Adyuhna châta thatlôna ta ei chai na saih chi ta, Nâ thyuhnaopazy ei ry liata na pazawh ei.

HLAZY 46:1

Khazohpa cha eimâ bohna nata thatlôna châ ta, Nôpona daihti liata baotuhpa a hnia thlâh hapa a châ.

ISAI 1:10

“Nâmo, Sawdawmâ ryureituhpazy saih u, Abeipa bie thei u la, Nâmo, Kawmawrâ mo saih u, Eima Khazohpa pachuna bie lâ nama nah pachôh teh u!

ISAI 1:23

Na beimachâzy cha chyhsa a chakhia thaipa châ ei ta, Parutuhpazy viasa ama châ. Chyhsa to ta panaopapana tlaichhai ei ta, Kuhriazy amâ chadai tyh. Paw hnei leipazy a duakhei leipa ei ta, Nôhmeizy aduakheina bie chhao ama hnohta tlô beih vei.

ISAI 1:26

Hnôhlâ daihti hawhna khata, Na ryureituhpazy padua heih aw ei na ta; Âthaona daihti hawhna khata, Na ryhraotuhpazy ei padua heih aw ei. Cha khai tawhta cha, siana khihpi tahpa châ aw chi ta, Ngâchhihpa khihpi tahpa na châ aw.”

ISAI 28:5

Cha noh liata, Pheisaihzy Abeipa cha, Rônahna lakho châ aw ta; A phopi laibâhpa châta, Beilakho a ngiapa a châ aw.

ISAI 28:6

Ryureina liata a tyuhpazy châta, Adona thlahpa châ aw ta; Thokhy chhikao liata chariah toh ta, A pakuasa awpazy châta thatlôna a châ aw.

ISAI 29:10

Abeipa ta nama chô liata Mokuna thlahpa cha hry ha ei ta, Hrohsopazy ta nama mo cha pasosapa ta, Hmôtheituhpazy ta nama luh ama cha khu haw.

ISAI 32:1

Pachâ teh u, siana ta ryu a reih awpa bei vaw pua aw ta, Beimachâzy ta adona ta ryu ama reih aw.

ISAI 45:24

Hetana heta ei thâtih ama reih aw: ‘Abeipa lia deita ta pahniena y ta, Ano lia deita ta thatlôna a y; Chyhsazy ano lâ a vy aw ei ta, A chô liata a ru a chhôpa zydua cha, Maophyuhpa ta ama y aw.

ISAI 60:17

Dawh vyuhpa ta ngôh vaw phaoh aw na ta, Thua vyuhpa ta tâkâ ei vaw phaoh aw. Tho vyuhpa ta dawh vaw phaoh aw na ta, Alô vyuhpa ta thua ei vaw phaoh aw. Thlalôhna cha, Châ vaotuhpa ta tao aw na ta; Siana cha, Na chô liata ryureituhpa ta ei tao aw.

ZEREMIAH 30:21

Ama chhituhpa cha, Âmo chyhsa tlai châ aw ta; Ama ryureituhpa chhao, Âmo hry tawhta a vaw pua aw; Âmo rei ta nâ hnia ngâh awpa ama y leipa vâta, Nâ hnia awpa ta ano cha tao aw na ta, Eina vaw pangai aw.

ZEREMIAH 33:26

Zakaw chipathlazy nata nâ chakaotuhpa Dâvi chipathlazy cha thy aw ei na ta, a chipathlazy hry liata pakha cha, Abarahâ nata Aisika nata Zakaw chipathlazy chô liata ryureituhpa châta a tlyh aw va na. Chavâta vânoh patosa heih aw ei na ta, zawh ei ngiah heih aw ei.”

ZÔELA 3:16

“Abeipa cha Zaio tawhta a rôhpa ta, Zerusale tawhta ao papua ta, Alei nata avâ amâ chalyu. Châhrasala Abeipa cha, A phopi châta amâ chhaina châ ta; Izarei sawzy châta ama thokhy a châ.”

ZEKARIA 10:12

Zudâh pathlazy cha, Abeipa liata thatlôpa ta tao aw ei na ta, Ano moh ta hmo ama tao aw,” Abeipa ta a tah.

ZEKARIA 10:6

“Zudâh pathlazy cha, Thapatlô aw ei na ta; Zawsi pathlazy chhao, Ei pachha aw ei. Ei ngia eina chhie kawpa vâ ei ta, Ei chhi pakhua heih aw ei; Ei thy beih leipa hawhta y heih aw ei ta, Abeipa ama Khazohpa ei châpa vâta, Ei chyh-ei aw ei.

ZEKARIA 12:4

Cha noh liata, arâ zydua ama no pamaoh aw na ta, a kiahpazy chhôh ei pazohsa aw. Zudâh pathlazy chô liata ei mo padeih aw na ta, phopizy arâzy deikua cha ama mo ei pachaosa khai aw ei.

ZEKARIA 12:6

“Cha noh liata, Zudâh chhituhpazy cha thoiah hry liata meithu a kâ ngâpa hawhta tao aw ei na ta, sapiahzy hry liata meirei hawhta ei tao aw ei. Chavei chachâh ta âmo a dôhpa phopizy cha kâ patlô khai aw ei ta, Zerusale cha a su liata, Zerusale lia tlai ta, â duah lymâ aw.

ZEKARIA 14:14

Zerusale liata adyuhna liata Zudâh chhao a hlao hra aw ta, a chheipâh phopizy hneirôna ngôh, tâkâ nata chysia hluhpi pahmaohpa a châ aw.

RYUREITUHPAZY 5:9

“Izarei ryureituhpazy lâta ei palôh sie ta, Zawpi hry tawhta âmo kho ta a vaw hlâpazy lâna tlai cha ei palôh a sie. Abeipa cha reithai teh u!