ZEKARIA 12:4 - Mara Bible RV (BSI)

⁴ Cha noh liata, arâ zydua ama no pamaoh aw na ta, a kiahpazy chhôh ei pazohsa aw. Zudâh pathlazy chô liata ei mo padeih aw na ta, phopizy arâzy deikua cha ama mo ei pachaosa khai aw ei.

ZEKARIA 12:4 ပူးပေါင်းရင်းမြစ်များ

1 ABEIZY 8:29

Chatanachata he su lâ he a vaw heih la, châ chakaotuhpa ta he su lâ a heihpa ta a thlahchhâna he nathlie la, ‘Cha liata ei moh a y aw,’ na tahna su, he o lâ tlai he chhô nah zâ ta na mo tawpâ thlâh ha mah y.

2 ABEIZY 6:14

Chatanachata arâzy, talailihzy nata pheisaih hluhpi tuah ta, cha lâ cha zâ ta sie ei ta, khihpi cha dôh ei ta.

2 ABEIZY 6:18

Aramia mo ano lâ amâ zu nahta, Elaisâh cha Abeipa lâ thlahchhâ ta, a hnohta, “He chyhsazy he ama mo pachaosa mah y,” tah ta. Elaisâh thlahchhâna hawhta, cha chyhsazy cha Abeipa ta ama mo pachaosa ta.

2 THÂTIHZYRONA 6:20

Chatanachata he su lâ he a vaw heih la, châ chakaotuhpa ta he su lâ a heihpa ta a thlahchhâna he nathlie la, ‘Cha liata ei moh a y aw,’ na tahna su, he o lâ tlai he chhô nah zâ ta na mo tawpâ thlâh ha mah y.

2 THÂTIHZYRONA 6:40

Hy ei Khazohpa y, he thlahchhâna su lâ he ngiachhiepa ta na mo padeih la, na nah pachôh mah y.

2 THÂTIHZYRONA 7:15

He su liata thlahchhâna lâ cha ei mo tawpâ aw na ta, nah ei pachôh aw.

NEHEMIAH 1:6

Izarei sawzy moleina, na chô liata eima moleinazy reihpha ei cheina he na nah vaw pachôh la, na mo vaw padeih la, châ chakaotuhpa, na phopi Izarei sawzy châta, châ chakaotuhpa ta chhô nah zâ ta na hmiakô liata ei thlahchhâna he rie vaw nathlie mah y. Kei nata ei chiheihzy ta eima vaw molei haw.

ISAI 24:21

Cha noh liata, vâmo a palaipazy cha, Abeipa ta avâ liata hrie aw ta; Lei beizy chhao, Lei liata a hrie aw ei.

ISAI 37:17

Hy Abeipa y, na nah pachôh la, nathlie tua; Hy Abeipa y, na mo padeih la, moh tua. Senâkeri ta Khazohpa hrohpa pasipasawhna bie a vaw paphaopa he nathlie tua.

ZEREMIAH 24:6

Ama pha nawpa ta ama chô liata ei mo tawpâ aw ei na ta, he râh lâ he ei vaw chhi pakhua heih aw ei. Âmo cha padua aw ei na ta, phie khao aw veih ei na; loh aw ei na ta, phia khao aw veih ei na.

EZEKIA 38:4

Cha pahieh aw na ta, na kâh liata keipa ta cha paao aw na ta, ei châ chhi aw. Na pheisaih zydua a chhi khai aw ei na ta, chariah chhaichhi kipa ta tobipa arâzy nata arâ pheisaihzy, vyhphao laipa nata vyhphao chyhpa a chabapa ta, zaozi a pahiehpa pheisaih hluh ngaitapazy ei chhi khai aw ei.

EZEKIA 39:20

Arâzy nata arâ pheisaihzy, chyhsa thatlôpa nata pasaipha chi nanopazy cha, ei tlâhkhai liata lôhrâtlôpa ta nama nie aw,’ Abeipa Zehôvâh ta a tah.

DÂNIAH 9:18

Hy ei Khazohpa, na nah pachôh la, nathlie tua; na mo padeih la, keimo nata na moh a phaohpa na khihpi roryhra hapa he moh tua. Eima hiapazy he eima siana vâta na hmiakô liata a vaw tlôkheipa châ leipa pi ta, na zawngiahna rônah ngaitapa vâta tlao a châ.

ZEKARIA 10:5

Adyuhna liata pasaiphazy hawhta châ aw ei ta, Ama chariahpazy cha, Khiliah chiatlao liata ama tlypâ aw. A dyuh aw ei ta, Abeipa ama hnohta a ypa vâta, Arâ pheisaihzy cha nozapa ta ama soh aw.

ZEKARIA 12:11

Cha noh liata, Zerusale liata chaphôhtuna cha Mekidô by liata Hâdârimô chaphôhtuna tlu ta a rarôh a y aw.

ZEKARIA 12:3

Cha noh liata, Zerusale cha khizaw phopi zydua châta alô a hri ngaitapa ta tao aw na ta, a chalopa maih cha âmosasyh ta hmah amâ paphao lymâ aw. Chatawhcha khizaw râh zydua a paraoh aw ei ta, ano cha amâ dyuh aw.

ZEKARIA 12:5

Cha tina chata Zudâh chhituhpazy ta ama palôh liata, ‘Zerusale khihsawzy cha ama Khazohpa Pheisaihzy Abeipa vâta thatlôna ama hnei,’ ama tah aw.

ZEKARIA 12:6

“Cha noh liata, Zudâh chhituhpazy cha thoiah hry liata meithu a kâ ngâpa hawhta tao aw ei na ta, sapiahzy hry liata meirei hawhta ei tao aw ei. Chavei chachâh ta âmo a dôhpa phopizy cha kâ patlô khai aw ei ta, Zerusale cha a su liata, Zerusale lia tlai ta, â duah lymâ aw.

ZEKARIA 14:15

He hawhpa potlana he arâzy, sabaituzy, râraoseihpazy, alâzy nata riehmo liata sahroh zydua chô liata chhao a tlô aw.

ZEKARIA 9:8

Hrâsiepazy tawhta vaih awpa ta, Ei o liata riehmo ei paryh aw; Chatanachata ama siena lâta tlyma, Amâ liena lâta tlyma, A siehnaopa y khao aw veih ei. Tahmâ cha keima mo tlai ta ei vaih ha awpa vâta, Tlybaituhpa ta sie thlu khao aw vei.

HMOTAOPAZY 17:30

Pahno leina daihtizy kha cha Khazohpa ta pahno lei â pachâ tyh, tahmâ deikua cha su to liata chyhsa zydua ro awpa ta bie a pie haw.

RYHPACHANEINA 28:28

Abeipa ta hruna, mochaona nata palôh tymâna zy ta a cha hrie aw ei.