ZEKARIA 12:11 - Mara Bible RV (BSI)

¹¹ Cha noh liata, Zerusale liata chaphôhtuna cha Mekidô by liata Hâdârimô chaphôhtuna tlu ta a rarôh a y aw.

ZEKARIA 12:11 ပူးပေါင်းရင်းမြစ်များ

2 ABEIZY 23:29

Zôsia â bei nota, Izi bei Phiraoh Nekô cha Asuria bei a dyuh awpa ta Ufrâti chavah lâ khy ta. Bei Zôsia cha sie ta, Phiraoh Nekô cha Mekidô khih liata a kei duakhâh ta. Phiraoh Nekô ta Zôsia cha hmô ta, a thie haw.

2 THÂTIHZYRONA 35:22

Châhrasala Zôsia ta kuasai khoh leipa ta, Nekô cha a dyuh awpa ta â lânazie a panano ta. Khazohpa pakah tawhta Nekô bie reipa cha nathlie khoh leipa ta, a dyuh awpa ta Mekidô bypi lâ sie ta.

2 THÂTIHZYRONA 35:24

A chakaotuhpazy ta talailih tawhta la ei ta, ano talailih hropa liata soh ei ta, Zerusale lâ siekhei ei ta. Bei Zôsia cha thi ta, a pathlatuhpazy thlâsu liata pabu ei ta. Zudâh nata Zerusale mo zydua ta Zôsia mâchhie sa ei ta.

ZEKARIA 12:12

“Râh ta mâchhiesa aw ta, pho to ano eih ta mâchhie amâ sa chyu aw: Dâvi pathla phozy ano eih ta mâchhie sa aw ei ta, ama chanôzy ano eih ta mâchhie ama sa aw. Nâthâ pathla phozy ano eih ta mâchhiesa aw ei ta, ama chanôzy ano eih ta mâchhie ama sa aw.

MATHAI 24:30

Chatawhcha Chyhsa Sawchapawpa ngiana avâ liata a vaw lâ aw ta, alei liata chi to mâchhiesapa ta y aw ei ta, Chyhsa Sawchapawpa cha hmotaotheina nata rônah ngaitapa ta vâ meihdo chô liata â zupa ama hmô aw.

BIEPHUAH 1:7

Nathlie teh u, Krista cha meihdo hry liata a zu aw ta, mokhaoh to ta ano cha ama hmô aw. Ano a chôtuhpazy chhao khata hmô aw ei ta, khizaw phopi zydua ano vâta mâchhiesapa ta ama y aw. Châ tlai mawh sy. Amen.

BIEPHUAH 16:16

Chatanachata ahripa thlahpazy ta khizaw bei zydua cha Hebrai reih ta Harmakedaw ama tahpa su liata awpakhy ei ta.