ZEKARIA 11:9 - Mara Bible RV (BSI)

⁹ Chavâta mietakuzy hnohta, “Cha vaih khao aw veih ei na. A thi awpa cha thi ei sala, a lei awpa lei ei sala, ahrohpazy cha âmo nata âmo ta ama sa a nie mawh ei sy,” tah na ta.

ZEKARIA 11:9 ပူးပေါင်းရင်းမြစ်များ

ZEREMIAH 19:9

Ama sawchapawzy nata ama sawchanôzy sa paniesa aw ei na ta, ama chariahpazy nata ama hrona la a chhuahpazy ta dôh aw ei ta, nôpopa ta ama paysa tita, mo to ta ama vaihzy sa ama nie aw.’

ZEREMIAH 23:33

“He phopi hry tawhta ahy ta tlyma, hrohso­pa ta tlyma, theihthaipa ta tlyma, ‘Abeipa phaohri cha khâpa ma a châ,’ tahpa ta ama cha hiahri khiahta cha, ‘Nâmo he phaohri cha châ ei chi ta, chavâta ei cha thy aw ei, Abeipa ta a tah,’ tahpa ta nâ chhy aw ei.

ZEREMIAH 23:39

moh teh u, cha my pathlah aw ei na ta, nâmo chhao, nâmo nata châ pathlatuhpazy hnohta ei cha piepa khihpi chhao heta, ei mohmô tawhta ei cha thy aw ei.

ZEREMIAH 43:11

Nebukaneza cha a vaw liepa ta Izi a dyuh aw ta, potlana ta thi awpa ta raopazy cha potlana lâ hlâ aw ta, seichâna lâ sie awpa ta raopazy seichâna lâ hlâ aw ta, zaozi ta thi awpa ta raopazy cha zaozi lâ a hlâ aw ei.

EZEKIA 5:10

“Chavâta pawzy ta ama sawzy khihpi chhôh liata nie aw ei ta, sawzy ta ama pawzy ama nie aw. Cha hrie aw na ta, na chyhsa laibâhpa zydua cha ziza liata ei hiepatla khai aw ei.

HÔSIA 4:6

Pahno leina vâta Ei phopi cha paraopa a châ; Pahnona na dythapa vâta, Ei theihthaipa na châna tawhta Ei cha dytha ha hra. Na Khazohpa ryhpa na mypa vâta, Kei chhao ta na sawzy ei my hra aw.

ZEKARIA 13:8

Râh pôhpalôhpa liata, Su thôh su no chhawh pathlahpa ta thi aw ei ta, Su thôh su kha ahrohpa ta pahlôhpa ama châ aw.

MATHAI 15:14

Âmo y ta y thlâh ha ei sa. Chhituhpa mochaopazy ama châ. Mochaopa ta mochaopa a chhihtha khiahta cha, khaohtlô liata hmaohkhata ama tla aw,” tah ta.

MATHAI 21:19

Lâpi kiah liata theiku kô hmô ta, kei pangai ta, a hna dei leipa ta cha khâpa hmah hmô leipa ta. Theiku kô hnohta, “Chhâzaw ta pathei khao khah y,” tah ta. Theiku kô cha thlai uah pâ ha ta.

MATHAI 21:43

“Chavâta ei cha chho ei, Khazohpa khinarâh cha nâmo tawhta lapa châ aw ta, a pathei awpa phopi hnohta piepa a châ aw.

ZAWHÂNA 12:35

Zisu ta ama hnohta, “Khaihpa cha buakhata nama hry liata a y chy. Khaihpa nama hnei chhôh heta charei teh u, chataleipatala zohna ta a cha pachhai pathlei aw ei. Zohna liata a chareipa cha a sie nawpa pahno vei.

ZAWHÂNA 8:21

Chatawhcha ama hnohta, “Sie aw na ta, eina tlua aw ei chi. Nama moleina liata nama thi aw. Nâmo la ei sie nawpa lâ vaw sie thei aw veih ei chi,” tah heih ta.

ZAWHÂNA 8:24

Chavâta nama moleina liata nama thi aw, ei cha tahpa ei a châ. Kei he Mesia ei châ tahpa nama zo leipa khiahta la, nama moleina liata nama thi aw,” tah ta.

BIEPHUAH 22:11

Moleipa cha moleina hmo tao lymâ sala, chyhsa puapa cha a puapa ta y lymâ sala, mosiapa cha a siapa ta y lymâ sala, mopathaihpa cha pathaihpa ta y lymâ mawh sy,” tahpa ta na chho ta.