ZEKARIA 11:6 - Mara Bible RV (BSI)

⁶ “Chavâta râh liata a pahrâpazy cha ngiachhie khao aw veih ei na,” Abeipa ta a tah. Chyhsa to a vaih ku liata nata ano bei ku liata ei pie aw. Râh parao khai aw ei ta, châhrasala râh cha ama ku tawhta pachha aw va na.

ZEKARIA 11:6 ပူးပေါင်းရင်းမြစ်များ

HLAZY 50:22

“Chavâta nâmo, Khazohpa a mypa saih u, A phapa ta pachâ teh u; Chataleipatala cha hriechheih aw ei na ta, Châ pachha awpa y aw veih ei.

ISAI 27:11

A chiahzy cha ama uah tita tlie ei ta, Chanôzy a vy ei ta tho châta ama pakhy tyh. Pahnona a hnei leipa phopi châ ei ta, Chavâta âmo a taotuhpa ta zawh a ngiah leipa aw ei ta, Âmo a paduatuhpa ta khohkhei aw veih ei.

ISAI 3:5

Chyhsazy amâ tlybai raihrie aw: Ama chyhsa châ lâhpazy tlybai aw ei ta, Ama vaihzy ama tlybai aw. Thyutliapa ta machâpa chô liata sâlâ kaw aw ta, Chyhsa nawhpa chhao zachhihpa chô liata a sâlâ kaw aw.

ZEREMIAH 13:14

Âmo nata âmo pasukhysa aw ei na ta, pawzy nata sawchapawzy amâ sukhy aw. Âmo pahleipadia lei awpa ta, ngiachhie leipa aw ei na ta, pahlôh hra leipa aw ei na ta, ei tha pasa aw veih ei,’” Abeipa ta a tah.

CHAPHÔHTUNA 2:21

Khiliah dohlei hry liata, Hawti machâ amâ zawh; Ei satlia laihsa zy Zaozi ta ama pao haw; Na hiehâhna noh liata thie ei ta, Ngiachhiena rai hnei leipa ta ama thie khai haw.

CHAPHÔHTUNA 5:8

Seizy ta eima chô liata ryureih bâ ei ta, Ama ku tawhta miah a pachha awpa y veih ei.

EZEKIA 8:18

Chavâta kei chhao ta pathi iapa ta hmo ei tao aw. Ei mo ta pahlôh leipa aw ei ta, ngiachhie aw veih ei na. Ao paro ngaitapa ta ei nah liata awh hra ei sala, nathlie aw veih ei na,” tah ta.

EZEKIA 9:10

Chavâta kei chhao ta pahlôh leipa aw ei na ta, ngiachhie aw veih ei na. Ama hmotaopazy ama luh chô liata ei vaw patlôsa aw,” tah ta.

HÔSIA 1:6

Cha khai tawhta Kôme cha saw phaoh heih ta, sawchanô sa ta, Abeipa ta Hôsia hnohta, “A moh ta Lôruhâmâ bi teh, Izarei chhôhkha hnohta ei kyhpachâna palâsa khao leipa aw na ta, ei ngiahthai beih khao lei awpa vâta.

HÔSIA 2:10

A khopawzy mohmô lia tlai ta, Thluahruapa ta soh aw na ta, Ahy ta hmah ei ku tawhta pachha thei aw vei.

MIKÂ 5:8

Zakaw laibâhpazy cha, Râhsazy hry liata chakeibarôhneipa hawhta Râhzy hry liata y aw ei ta, Mietaku zaw hry liata chakeibarôhneipa lochopa hawhta Phopizy hry liata ama y aw. A chapia ti ei ta, Âmo cha alei liata a tlypabai aw ei; Âmo cha hriechheih khai aw ta, A pachha thei awpa y veih ei.

MIKÂ 6:14

Nie aw chi ta, Châhrasala na rih bie leipa aw ta, Na chhôh liata nodina khâ a y aw; A papai sai ta papai aw chi ta, Pachô thei aw va chi; Na pachô tlakaihpa cha, Zaozi hnohta ei pie aw.

HÂKAI 2:22

Khinarâh beidyuchhaizy thy pathlah aw na ta, phopi to khinarâh thatlônazy ei parao khai aw. Arâ talailih nata a chô liata a kiahpazy papao aw ei na ta, arâ nata a kiahtuhpazy cha ama unawhpa zaozi ta ama pao aw.

ZEKARIA 11:14

Chatawhcha ei chôchahrei Pôhkha cha la na ta, Zudâh nata Izarei a unawhna phiena châta bo no ta thlie pachhô heih na ta.

ZEKARIA 11:5

A chaleituhpazy ta chado leipa ta thie ei ta, hriena a tyh hlei leipa ei ta. A zuahtuhpazy ta, ‘Ei hneirôh haw, Abeipa cha reithaipa ta y se!’ tah ei ta, âmo vaituhpazy dâhdei chhao ta ngiachhie veih ei.

ZEKARIA 11:9

Chavâta mietakuzy hnohta, “Cha vaih khao aw veih ei na. A thi awpa cha thi ei sala, a lei awpa lei ei sala, ahrohpazy cha âmo nata âmo ta ama sa a nie mawh ei sy,” tah na ta.

ZEKARIA 14:13

Cha noh liata, Abeipa tawhta tymâna lai ngaitapa ama chô liata tlô aw ta, tu awpa ta chyhsa to ta ama vaih ku patu aw ei ta, chyhsa to ta ama vaih chô liata ama ku ama hy aw.

ZEKARIA 8:10

Kha daihti hlâta cha, chyhsazy châta hria hlao hmô nawpa y leipa ta, sahrohzy châta chhao, hria hlao hmô nawpa y vei. Âmo nata âmo ei padyuhsa khai hapa vâ ei ta, chariahpazy tawhta a boh leipa ei ta, ama tao awpazy thlalôhpa ta tao thei veih ei.

MALAKHAI 4:6

Ano chata pawzy palôh cha ama sawzy lâta paheisa aw ta, sawzy palôh chhao ama pawzy lâta a paheisa aw; chataleipata la, a vy aw na ta, râh he chhiesapa ta ei parao pathlei aw na,” Pheisaihzy Abeipa ta a tah.

MATHAI 10:21

Thie awpa ta, unawhpa ta a unawhpa patusa aw ta, paw ta a saw a patusa aw. Sawzy ta nôpawzy a dyuh aw ei ta, ama pathiesa aw.

MATHAI 22:7

Abei cha a hiehâh ngaita ta, a pheisaihzy tuah ta, cha liany cheituhpazy cha pahleipadia ei ta, ama khih chhao rao ei ta.

MATHAI 24:10

Chavâta chyhsa hluhpi amâ ngiapâna pahlei aw ei ta, âmo nata âmo a patusa aw ei ta, amâ hao raihrie aw.

ZAWHÂNA 19:15

Âmo ta, “Pahleipadia teh, pahleipadia teh, khaipâ teh!” tahpa ta awh ei ta. Pilâ ta ama hnohta, “Nama Beipa he ei khaipâ aw ma?” tah ta. Theihthai beizy ta a chhy ei ta, “Kaisarâ leipa ta bei hropa hnei ma pi,” tah ei ta.

1 THYSALAWNIKA 2:16

Zenitaizy pachha ama châ thei nawpa ta ama hnohta bie chho awpa miah pakhâ ei ta, chatanachata ama moleina panuana ama pabie lymâ. Achhâna liata cha Khazohpa hiehâhna ama chô liata a vaw tlô haw.

HEBRAI 2:3

he tlu ta pachhana rônahpa he diathlâ ei sih la, kheihta e eimâ boh thei aw? Cha pachhana bie cha Abeipa ta phuah tua ta, a theituhpazy ta keimo châta ama pa-i.

ZÂMIE 2:13

Zawngiahna a hnei leipa chyhsa cha, pachiana ta ano cha zawh a ngiah hra aw vei. Zawngiahna cha pachiana hlâta a rônah via.