ZEKARIA 11:5 - Mara Bible RV (BSI)

⁵ A chaleituhpazy ta chado leipa ta thie ei ta, hriena a tyh hlei leipa ei ta. A zuahtuhpazy ta, ‘Ei hneirôh haw, Abeipa cha reithaipa ta y se!’ tah ei ta, âmo vaituhpazy dâhdei chhao ta ngiachhie veih ei.

ZEKARIA 11:5 ပူးပေါင်းရင်းမြစ်များ

2 ABEIZY 4:1

Hrohsopa sahlao lapinôzy hry liata chanô pakha ta Elaisâh hnohta, “Châ chakaotuhpa ei vahpa thi ha ta, châ chakaotuhpa kha Abeipa a chipa a châ tahpa na pahno. Leibâh â bâhpa chyhsa a vy ta, ei saw panozy cha sei ta a chhi awpa â chhuah,” tahpa ta a nôpona kyh chho ta.

NEHEMIAH 5:8

ama hnohta, “Keimo ta phopizy lâta zuapa eima unawh Zu chyhsazy eima theina hawhta chatlai pi ta, nâmo deikua cha, nama unawhzy zuah ei chi ta, eima hnoh cheingei ta zuapa ama châ hih!” tah na ta. A thlih thlâh ha ei ta, rei awpa khâpa hmah pahno leipa ei ta.

ZEREMIAH 2:3

Izarei cha Abeipa châta pathaihpa châ ta, A sâh hria a daih tuachaipazy a châ. A niepa maihta thailei châ ei ta, Chhiena ta a tlô thlu ei,” Abeipa ta a tah.

ZEREMIAH 50:7

A hmôpa maihta âmo cha palâ ei ta, Ama chariahpazy ta, ‘Keimo thaileina châ vei, Âmo tlai ta siana pahrâna Abeipa chô liata molei ei ta, Âmo pathlatuhpazy hnabeiseihna Abeipa chô liata ama moleipa vâta a châ,’ ama tah.

EZEKIA 34:10

Abeipa Zehôvâh ta hetana heta a tah: Pachâ teh, mietaku vaituhpazy ei dyuh ei. Ei mietakuzy leidiana kyh liata âmo ku liata maophaohna soh aw na ta, mietakuzy ama mohôhna chhao ei pachhâsa aw. Chatanachata mietaku vaituhpazy cha âmosasyh a pasa khao aw veih ei. Mietakuzy cha ama pakah tawhta pachha aw ei na ta, âmo nie awpa châ khao aw veih ei.

EZEKIA 34:21

Mietaku chiehleipazy cha nama papai hlâlei nama kâ nata nama ngiatlâh ta chakho ei chi ta, nama kizy ta nama daihpa vâta,

EZEKIA 34:6

Tlâhpi to liata viavi ei ta, tlâh sâhpa to liata ama viavi. Ei mietakuzy cha alei chô zydua liata paipatlapa ta y ei ta, a tluatuhpa nata a pachâtuhpa rai y veih ei.

HÔSIA 12:8

Epharai cha a palai kawpa ta, “Âh, hneirôh ha na ta, Sôh nah thih ei hnei haw; Ei raihria zydua liata moleina hmô khao leipa aw ei ta, Paraona keima liata hmô khao aw veih ei,” a tah.

HÔSIA 12:9

Izi râh tawhna khata, Kei he Abeipa na Khazohpa châ na ta; Kyhchhi nohzy hawhna khata, Poh ozy liata ei cha pahrâsa heih aw.

AMÔSÂ 2:6

Abeipa ta heta na heta a tah: “Izarei moleina miathôh vâta, Âh, miapalih vâ chhao rai ta, Hriena chalihsa aw va na; Chyhsa siapazy tâkâ ta zuah ei ta, Phahlapazy pheiky bao kha ta ama zuapa vâta.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

ZAWHÂNA 10:1

“Hmeiseihta ta, hmeiseihta ta ei cha chho ei, ahy rai mietaku sadô ochhi liata a ngia leipa ta, su hro lâ tawhta kiah ta a ngiapa cha, cha chyhsa cha parutuhpa nata hraotuhpa a châ.

ZAWHÂNA 16:2

Pakhyna ozy tawhta cha papua aw ei ta, châ thiepa maihta Khazohpa chakaona rai a hriapa hawhta amâ pachâ nawpa daihti a vaw tlô hai.

2 PITY 2:3

Sôh tlaichhaina vâta haipa biezy reih aw ei ta, sôhpalie nawpa ta ama cha hmâh aw. Ama thaileichâna cha hlâno tawhta y chakhyh thlâh ha leipa ta, ama leidiana chhao a mô vei.

BIEPHUAH 18:13

lôiasohpa, ia-ô, ropahâhpa raopa, myrâ, sathaw ropahâhpa, kresawhti, sathaw, viahdie dipa, âtâ sâh, viahchao nata mietaku, arâ nata talailih zy nata sei ta chyhsa hrona ama zuapazy a chalei awpa y khao veih ei.

BIEPHUAH 3:17

“Sôh hluhpi a pachô ha na ta, ei hneirôh haw, khâpa hmah a phahla va na,” tah chi ta, châhrasala rietheipa, ngiachhiechhihpa, dyhchhiepa, mochaopa nata thluahruapa na châ tahpa a pahno va chi.