ZEKARIA 11:2 - Mara Bible RV (BSI)

² Hy Meisah thozy, cha teh u, Sidy tho a pao ha hih, Tho phapapazy ama rao ha hih! Hy Bâsanâ ôkâ thozy, cha teh u, Râhmâhpa â mua khai ha hih!

ZEKARIA 11:2 ပူးပေါင်းရင်းမြစ်များ

EZEKIA 20:46

“Chyhsa sawchapawpa y, chho lâ a heih la, chho lâ cha bie chho la, Neke râhmâhpa râh hnohta hrohsona bie phuah mah y.

EZEKIA 27:6

Bâsanâ ôkâ thozy hmâpa ta na balyh hiana tao ei ta, Na balyh siphiah chhao, Kiti liahpahlô meisah tho châpa hmâpa ta phawpa châ ta, Sianaoh ta tobipa a châ.

EZEKIA 31:17

Zaozi ta thiepazy hnohta Athihkhih lâ zu ei ta, phopizy hry liata a nohdi ry liata a pahrâtuhpa a kupheizy hnohta Athihkhih lâ ama zu.

AMÔSÂ 6:1

Zaio liata huhiehpa ta a ypazy cha, Ama hu a po na; Samâri tlâh liata thlahlôhpa ta a ypazy chhao, Ama hu a po na; Râh a y tuapazy liata chyhsa rônahpazy Ama hu po ta, Izarei pathlazy vaw pangaipa râh cha, A hu a po na!

ZEKARIA 11:1

Hy Lebanaw, na ochhizy pahy teh, Na sidy thozy mei ta a kâ khaina hâh ta.

ZEKARIA 11:3

Ama sibie panyupa su phapazy a rao khai hapa vâta, Mietaku vaituhpazy chana ao theipa châ ta, Zawdâh râh panyupa a rao khai hapa vâta, Chakeibarôhneipazy a rôhpa pyu theipa a châ.

LUKA 23:31

Tho hrohpa chô lia hmahta cha hawhta ama tao khiahta cha, tho raohpa chô liata chhochhi cha, khatlu ta ma ama tao aw tly?” tah ta.