ZEKARIA 11:12 - Mara Bible RV (BSI)

¹² Chatawhcha ama hnohta, “Pha nama tah khiahta cha, ei hlao na pie u la; nama tah vei khiahta cha, na pie khuh vy,” tah na ta. Chatanachata ei hlao châta tâkâ tlaw sythôh na pie ei ta.

ZEKARIA 11:12 ပူးပေါင်းရင်းမြစ်များ

ÂTHAONA 23:16

Abarahâ ta Epharaw reipa cha a pyh ta, cha daihti liata sôdaohpazy khopathliahna hmâpa ta, tâkâ sekel 400 Epharaw hnohta pie ta.

ÂTHAONA 37:28

Midia mo sôhpaliepazy ta âmo cha vaw chapia ei ta, Zawsi cha khaohtlô tawhta thaoh ei ta, Ismela mo hnohta tâkâ sekel tlaw kih ta zuah ei ta. Ismela mo ta Zawsi cha Izi râh lâ a chhi ha ei ta.

1 ABEIZY 21:2

Ahabâ ta Nâbô hnohta, “Na kre sadô he ei o kiapâh liata a ypa a châpa vâta, âhnalasi taona sadô châta keima na pie teh, a vyuhpa ta kre sadô pha viapa ei cha pie aw. Na khoh via khiahta cha, a tâkâ lâta â phuhpa hawhta a mâ ei cha pie aw,” tah ta.

1 ABEIZY 5:6

Chavâta Lebanaw sidy thozy na thlupa awpa ta biepie mah y. Nâ chakaotuhpazy chhao châ chakaotuhpazy hry liata a vaw hlao aw ei ta, châ chakaotuhpazy hlao cha na reipa hawhta ei cha pie aw. Sidaw mo hawhta tho a thlu thaipa eima hry liata y veih ei tahpa na pahno,” tah ta.

2 THÂTIHZYRONA 30:4

Chavâta cha hawhta ama pachhuapanohpa cha, abei nata zawpi zydua ta hmo phapa a châpa ta ama pahno.

PUASAINA 21:32

Viahchao tôhpa ta seichapaw tlyma, seichanô tlyma a daihsao khiahta cha, viahchao hneituhpa ta seizy zibeipa hnohta tâkâ sekel sythôh pie aw ta, viahchao tôhpa cha alô ta vawhsao awpa a châ.

ZEREMIAH 32:9

“Chatanachata ei heinawhpa Hâname tawhta Anathô liata lyu cha chalei na ta, a râh mâ ziepa cha tâkâ khopathliahpa na ta, tâkâ sekel tlaw hrawh hleisari mâpa râh a châ.

THEIHTHAINA 27:4

Chanô a châ khiahta cha, sekel sythôh a châ aw.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

MATHAI 26:15

ama hnohta, “Ano cha, cha patusa aw ei sah la, khâpa eina pie aw ei chi?” tah ta. Tâkâ tlaw sythôh pie ei ta.

MATHAI 27:10

Abeipa ta bie eina piepa hawhta, beihvituhpa lyu mâ ta ama pie,” tahpa ta a reipa kha a vaw tlô hapa a châ.

MATHAI 27:9

Chatanachata hrohsopa Zeremiah ta, “Tâkâ tlaw sythôh, Izarei saw thokhazy ta ano mâ ama thliepa cha la ei ta,

ZAWHÂNA 13:2

Ahripa ta Saimaw sawchapawpa Zudâh Iskari cha, Zisu patusa awpa pachâna a palôh liata soh ta. Chatanachata zâpati ama dôh nota,