ZEKARIA 10:7 - Mara Bible RV (BSI)

⁷ Epharai pathlazy cha, Pasaipha hawhta vaw châ aw ei ta; Kresawhti do no hawhta Ama palôh â ly kaw aw. Ama sawzy ta hmôpa ta ama thapha aw ta, Abeipa liata ama palôh â ly aw.

ZEKARIA 10:7 ပူးပေါင်းရင်းမြစ်များ

ÂTHAONA 18:19

Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.

ÂTHAONA 43:34

Ama nie vyuhzy cha Zawsi tlâhkhai tawhta rai ei ta, Benzami vyuh cha mohropazy vyuh hlâta a lie pangawh ta a hluh via. Chatanachata niepa ta doh ei ta, Zawsi hnohta a ly ngaitapa ta y ei ta.

HLAZY 102:28

Châ chakaotuhpazy cha, Ama pathlazy â bohpa ta y ei sala, Ama chipathlazy cha, Na hmiakô liata pa-ipa ta y mawh ei sy.

HLAZY 104:15

Chyhsa palôh palysa nawpa ta kresawhti papua chi ta, A hmia patliena châta sathaw papuapa ta, Chyhsa palôh thapatlô nawpa ta viahchhâ na papua.

HLAZY 13:5

Châhrasala kei la na ngâchhihna ngâ na ta, Na pachhana liata ei palôh â ly aw.

HLAZY 28:7

Abeipa cha ei thatlôna nata ei vyhphao châ ta, Ei palôh ta ano cha ngâ ta, eina bao tyh; Ei palôh a ly kaw ta, Reithaina hla ano lâ ei hlâ tyh.

HLAZY 33:21

A moh pathaihpa eima ngâpa vâta, Ano liata eima palôh â ly.

HLAZY 90:16

Châ chakaotuhpazy ta na hmotaopa hmô ei sala, Ama pathlazy ta na hmotaotheina rônahpa hmô mawh ei sy!

ISAI 25:9

Cha noh liata hetana heta ama tah aw: “Moh teh u, he he eima Khazohpa cha châ ta, Miah pachha awpa ta eima hâpa Khazohpa cha a châ hih. He he Abeipa cha châ ta, Ano tlai he eima hâpa a châ hih. A pachhana liata a ly ei sih la, Thaphapa ta y ei suh u.”

ISAI 38:19

Tanoh ta ei taopa hawhna heta, Ahrohpa, a châ na, ahrohpa deita ta Alyna bie cha hlâ thei aw ta; Paw ta sawzy hnohta Na ngâchhihna a pahnosa aw ei.

ISAI 54:13

Abeipa ta na saw zydua pachu aw ta, Na sawzy cha ama thlah a lôh ngaita aw.

ISAI 66:14

Cha cha hmô aw ei chi ta, Nama palôh a ly aw ta, Nama ruzy sibie hrohpa hawhta a laiseih aw. Chatanachata Abeipa ku cha, A chakaotuhpazy ta pahno aw ei ta, A chariahpazy chô liata a ruchhôna a palâsa aw.

ZEREMIAH 32:39

Âmo pha nawpa nata âmo hnôhlâ ta ama pathlazy pha nawpa ta chhâzaw ta eina chi thei nawpa ei ta, palôh miakha paphaosa aw ei na ta hrozie miakha ei pahneisa aw ei.

EZEKIA 37:25

Nâ chakaotuhpa Zakaw hnohta râh ei piepa, châ pathlatuhpazy vaw pahrâ tyhna râh liata ama pahrâ aw. Cha liata âmo nata ama sawzy nata ama samohzy chhâzaw ta pahrâ aw ei ta, nâ chakaotuhpa Dâvi cha chhâzaw ta ama bei a châ aw.

ZÔELA 2:23

“Hy Zaio sawzy saih u, Thaphapa ta y u la, Abeipa nama Khazohpa liata a ly teh u. Namâ dona palâsa nawpa ta, Abeipa ta khihti hmiatuapa cha pie ei ta, Nama châta khihti a paphasa ha hih; Hlâno daihti hawhna khata, Khihti hmiatuapa cha pie heih ei ta, Khihti hnôh chaipazy a cha pie heih ei hih.

HABAKU 3:18

Abeipa liata a ly aw na ta, Ei pachhana Khazohpa liata khâ ei ly aw.

ZEPHANIA 3:14

Hy Zaio Sawchanô y, hla sa la, Hy Izarei, thata awh teh! Hy Zerusale Sawchanô, Na pathipalôh zydua ta a ly la, Thaphapa ta y mah y!

ZEKARIA 12:8

Cha noh liata, Abeipa ta Zerusale liata a pahrâpazy pabohsa aw ta, ama hry liata chyhsa chiehlei chaipazy chhao, cha noh liata cha Dâvi hawhta châ aw ei ta, Dâvi pathlazy cha Khazohpa hawhta châ aw ei ta, ama hmia lâta a siepa Abeipa vâlyuhchâpa hawhta ama châ aw.

ZEKARIA 9:15

Pheisaihzy Abeipa ta âmo cha vaih aw ta, Cheisiah lôzy hmâpa ta ama chariahzy pahnie aw ei ta, Ama parao aw; Doh aw ei ta, Kresawhti paripa hawhta ama palopasah aw; Biebuh hawhta ti ta pabiepa châ aw ei ta, Maisâh kizy hawhta dâ kaniehpa ta ama y aw.

ZEKARIA 9:17

Kho amâ chhih awpazie nata amâ ngia awpazie rimâ cha! Kôvei phapa ta satliazy pasosâhsa aw ta, Kresawhti thiehpa ta laihsazy a pasosâhsa aw.

LUKA 1:47

Khazohpa nâ Pachhatuhpa liata ei thlahpa â ly,

ZAWHÂNA 16:22

Cha hawhna chata nâmo chhao, tahmâ pachârôhpa ta y hra u la, cha hmô heih aw ei na ta, nama palôh a ly aw ta, namâ lyna cha ahy hmahta cha lapa aw veih ei.

HMOTAOPAZY 13:33

Cha bietai cha Khazohpa ta Zisu a pathyuna liata, keimo ama pathlazy liata a vaw tlôpa a châ. Hlazy nuby mianona lia chhao ta, “‘Ei Sawchapawpa châ chi ta, Tanoh he na paw ei châ,’ tahpa ropa a châ.

HMOTAOPAZY 2:26

Chavâta ei palôh thapha ta, Ei paleih a ly ta, Ei sapa ta a hnabei a seih.

HMOTAOPAZY 2:39

Bietai cha nâmo châta châ ta, nama sawzy châta châ hra ta, lâhlapi ta a ypa zydua châta chhao châ ta, Abeipa eima Khazohpa ta a awpa zydua châta a châ,” tah ta.

PHILIPI 4:4

Abeipa liata khâ a ly teh u; ei tah heih aw, a ly teh u.

1 PITY 1:8

Krista cha nama hmô leipa chhao ta a kyh pachâ ei chi ta, tahmâ hmô hra vei u la, a ngiapâ ei chi ta, pakah ta rei khai thei leipa alyna nata rônahna ta biepa ta,

1 SAMUELA 2:1

Chatawhcha Hânâ cha hetana heta thlahchhâ ta, “Abeipa liata ei palôh a ly ta, Abeipa liata ei ki chaluahpa ta a y. Na pachhana liata ei lypa vâta, Ei chariahpazy chô liata ei pakah a kawh thei bâ aw.