ZEKARIA 10:5 - Mara Bible RV (BSI)

⁵ Adyuhna liata pasaiphazy hawhta châ aw ei ta, Ama chariahpazy cha, Khiliah chiatlao liata ama tlypâ aw. A dyuh aw ei ta, Abeipa ama hnohta a ypa vâta, Arâ pheisaihzy cha nozapa ta ama soh aw.

ZEKARIA 10:5 ပူးပေါင်းရင်းမြစ်များ

2 SAMUELA 22:43

Alei dohlei hawhta phy padi ei na ta, Khiliah chiatlao hawhta tly ei na ta ei pazao khai ha ei.

2 SAMUELA 22:8

“Alei he a chathopa ta a chalyu ta, A hie a hâhpa vâta, Avâzy abôna a chachhao ta â sih.

2 ABEIZY 9:33

Zehu ta, “Kha chanô kha za thy pathla teh u,” tah ta. Za thy pathla ei ta. Pâhchhô nata arâzy liata a thi a pie ta, arâzy ta ama tlysao haw.

HLAZY 18:42

Thlih ta a phao pahaipa dohlei hawhta phy padi ei na ta, Khiliah chiatlao hawhta ei thiah ha ei.

HLAZY 20:7

Thokha ta talailihzy ngâ ei ta, Ahropazy ta arâzy ama ngâ; Keimo deikua cha Abeipa eima Khazohpa moh eima ngâ.

HLAZY 33:16

Abei cha a pheisaih hluh ngaitapa vâta pachhapa ta y leipa ta, Pasaipha chhao a thatlô ngaitapa vâta pachhapa ta y vei.

HLAZY 44:5

Nâma vâta eima khakhaipazy chati pathlah pi ta, Na moh vâta miah thyuhnaopazy eima tlysao haw.

HLAZY 45:3

Hy pasaipha, na zaozi na chai liata a saih la, Rônahna nata abeina ta a tobi mah y.

ISAI 10:6

Hraona sôh lapa ta, Ama hneipazy chhu ta, Khiliah chiatlao hawhta tlypâ awpa ta, Ano cha Khazohpa a pachâ leipa phopi lâ tuah na ta, Ei hie nâ pahâhpa phopi a dyuh awpa ta bie ei pie.

ISAI 25:10

He tlâhpi liata Abeipa ku a pahâ aw ta, Viahchao ie liata sawphao tlypâpa hawhta, Môabâ cha ano su liata tlypâpa a châ aw.

ISAI 31:1

Baona hia awpa ta Izi râh lâ zu ta, Arâzy liata a pahniehpazy cha, Ama hu a po na! Izarei Mo Pathaihpa lâ moh leipa ei ta, Abeipa a saohiah hra veih ei; Talailih hluhpi hneina liata ama ngâna tlao pahnieh ei ta, Arâ pheisaih thatlôpazy liata tlao amâ pahnieh.

ISAI 41:12

Châ teituhpazy tlua aw chi ta, Hmô aw va chi; Châ dyuhtuhpazy chhao, Khâpa hmah châ aw veih ei.

ISAI 41:25

Maw lâ tawhta chyhsa pakha pathyu na ta, A vaw tlô haw; Nochhi lâ tawhta ei moh na vaw pado aw ta, Ryureituhpazy cha chiatlao hawhta tlypâ aw ta, Beihvituhpa ta beihlei a tlypa hawhta a tly aw ei.

ISAI 8:9

Phopizy saih u, paraopa ta y u la, Pakeichheihpa ta y teh u. Râh hlapa zydua saih u, Nama nah pachôh teh u; Chariah chhaichhi a tao u la, Pakeichheih khaipa ta y teh u; Chariah chhaichhi a tao u la, Pakeichheih khaipa ta y teh u.

EZEKIA 38:15

Maw lâ râh chhâna, na yna su tawhta a vy aw chi ta, nâ nata na hnohta a ypa phopi hluhpi namâ vy aw. Ama zydua ta arâ a kiahpazy châ ei ta, pheisaih hluh ngaitapa nata thatlôpa ama châ.

AMÔSÂ 2:15

Likathaipa a duah thei leipa aw ta, A phei lâsie a chatlie kawpa hmahta A pabohsa thei aw vei; Arâ a kiahpa chhao ta, A hrona pabohsa thei aw vei.

MIKÂ 5:8

Zakaw laibâhpazy cha, Râhsazy hry liata chakeibarôhneipa hawhta Râhzy hry liata y aw ei ta, Mietaku zaw hry liata chakeibarôhneipa lochopa hawhta Phopizy hry liata ama y aw. A chapia ti ei ta, Âmo cha alei liata a tlypabai aw ei; Âmo cha hriechheih khai aw ta, A pachha thei awpa y veih ei.

MIKÂ 7:10

Chatanachata, “Abeipa na Khazohpa cha, Khataih liata ma a y haw?” Nâ tahtuhpa ei chariahpa ta hmô aw ta, Nozana ta a khu aw. Ei mozy ta panawhpa ta a ypa cha moh aw ta, Lâpi chiatlao hawhta tlypâpa a châ bâ aw.

HÂKAI 2:22

Khinarâh beidyuchhaizy thy pathlah aw na ta, phopi to khinarâh thatlônazy ei parao khai aw. Arâ talailih nata a chô liata a kiahpazy papao aw ei na ta, arâ nata a kiahtuhpazy cha ama unawhpa zaozi ta ama pao aw.

ZEKARIA 12:4

Cha noh liata, arâ zydua ama no pamaoh aw na ta, a kiahpazy chhôh ei pazohsa aw. Zudâh pathlazy chô liata ei mo padeih aw na ta, phopizy arâzy deikua cha ama mo ei pachaosa khai aw ei.

ZEKARIA 12:8

Cha noh liata, Abeipa ta Zerusale liata a pahrâpazy pabohsa aw ta, ama hry liata chyhsa chiehlei chaipazy chhao, cha noh liata cha Dâvi hawhta châ aw ei ta, Dâvi pathlazy cha Khazohpa hawhta châ aw ei ta, ama hmia lâta a siepa Abeipa vâlyuhchâpa hawhta ama châ aw.

ZEKARIA 14:13

Cha noh liata, Abeipa tawhta tymâna lai ngaitapa ama chô liata tlô aw ta, tu awpa ta chyhsa to ta ama vaih ku patu aw ei ta, chyhsa to ta ama vaih chô liata ama ku ama hy aw.

ZEKARIA 14:3

Cha khai tawhta Abeipa cha vaw pua aw ta, adyuhna noh liata â dyuh tyhpa hawhta, phopizy cha â dyuh aw ei.

ZEKARIA 9:13

Zudâh cha ei libaw châta a kei na ta, Epharai cha a châtai ta ei tao haw. Hy Zaio, na sawchapawzy ei pathyu aw, Hy Krikâh, na sawchapawzy ei dyuh aw, Pasaipha zaozi hawhta ei cha pahieh aw.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

MATHAI 4:3

Reipasaotuhpa a vy ta, a hnohta, “Khazohpa Sawchapawpa na châ khiahta cha, alôzy he viahchhâ lâta a vaw lie awpa ta biepie teh,” tah ta.

LUKA 24:19

Ano ta ama hnohta, “Khâpa hmozy maw?” tah ta. Âmo ta a hnohta, “Nâzari Zisu, Khazohpa nata chyhsa zydua mohmô liata bie nata hmotaopa liata hrohsopa thatlô ngaitapa thâtih a châ.

HMOTAOPAZY 18:24

Alezandria khihpa Zu chyhsa Apawlôsâ ama tahpa Ephesi lâ a vy ta. Ano cha a pakah paleih a thlâzi kawpa nata Biehrai a pahno kawpa a châ.

HMOTAOPAZY 7:22

Mawsi cha Izi chyhsa sona zydua pachu ei ta, a bie nata a hmotaopa liata thatlô ngaitapa châ ta.

2 KAWRINI 10:4

Eima chariah chhaichhizy cha khizaw chariah chhaichhizy châ leipa ei ta, thokhy a i ngaitapazy parao nawpa ta Khazohpa hmotaotheina a châ.

RYHPACHANEINA 20:1

“Nama chariahzy a dyuh awpa ta nama sie tita, nâmo hneipa hlâta hluh viapa arâzy, talailihzy nata pheisaihzy nama hmô nahta, âmo cha nama chi awpa châ vei. Izi râh tawhta châ kaw chhi papuatuhpa Abeipa nama Khazohpa nama hnohta a y aw.

2 TIMAWTHY 4:17

Châhrasala keima hmâpa ta thâtihpha chho pakipa ta a y thei nawpa nata Zenitai zydua ta ama thei thei nawpa ta, Abeipa tlai ta nâ duakhei ta, tha eina patlô. Chatanachata chakeibarôhneipa pakah tawhta pachhapa ta ei y haw.

2 TIMAWTHY 4:7

Adyuhna phapa a dyuh khai ha na ta, ei râpasuana patlô ha na ta, ngiapâna cha ei vao thlâh haw.

ZAWSUA 10:14

Cha hawhta Abeipa ta chyhsapa ao a nathliena noh cha, cha hlâta y beih leipa ta, cha khai tawhta chhao y beih khao vei. Abeipa ta Izarei â dyuhkheipa vâta a châ.

ZAWSUA 10:42

Abeipa, Izarei Khazohpa ta Izarei cha â dyuhkheipa vâta, cha bei zydua nata ama râhzy cha Zawsua ta ei kha ta a la khai thei ha ei.

BIEPHUAH 19:17

Chatawhcha vâlyuhchâpa pakha, noh liata a duah thlâh hapa hmô na ta. Ano chata avâ liata pavaw a zawpa zydua hnohta ao paro ngaitapa ta, “A vy u la, Khazohpa zâpati rônahpa châta a vaw hmaoh u la,

1 SAMUELA 16:18

Satlia pakha ta a chhy ta, a hnohta, “Pachâ teh, Bethlehe khihpa Zese sawchapawpa pakha hmô na ta, ano cha totâ tô thai ngaitapa, chyhsa riahphapa, adyuhpa chyhsa, bierei a thai kawpa nata hmipha ngaitapa châ ta, Abeipa ta a ypâpa chyhsa a châ,” tah ta.