ZEKARIA 10:4 - Mara Bible RV (BSI)

⁴ Zudâh tawhta a ki liata alô vaw pua aw ta, Ano tawhta poh o tôh a pua aw; Ano tawhta adyuhna libaw pua aw ta, Ano tawhta ryureituhpa zydua ama vaw pua aw.

ZEKARIA 10:4 ပူးပေါင်းရင်းမြစ်များ

ÂTHAONA 49:24

Châhrasala Zakaw Khazohpa Thatlôpa ku ta, Vaituhpa Izarei Lôpanô baona ta, A libaw pachyu ta, A bâh thapatlôpa ta a y.

EZRÂ 9:8

Tahmâ deikua cha, Abeipa eima Khazohpa ta bohpi leipa chhôh khokheina miah patosa ta, laibâhpazy miah pahlôhpa ta, a su pathaihpa liata abohna miah pie ta. Eima mozy pavâ awpa nata seichâna tawhta a chyhta a hua awpa ta, eima Khazohpa ta miah pasaih ta.

HLAZY 118:22

O satuhpazy alô kho leipa kha, Abôna lô a vaw châ haw.

ISAI 19:13

Zônâ beimachâzy hru ha ei ta, Mephi beimachâzy dôveipa ta ama y. Izi chizy châta a ki liata alôzy ta Izi cha paochheichhâpa ta ama paysa haw.

ISAI 28:16

Abeipa Zehôvâh ta hetana heta a tah: “Moh teh u, Zaio liata alô bô na ta, Alô pasia chiehpa a châ; A ki liata alô sôhpa châ ta, Abôna a ipa a châ: ‘A ngiapâpa maih a chalyu aw veih ei.’

ISAI 49:2

Ei pakah he zaozi tiahpa hawhta tao ta, A ku nohpahli ry liata eina nyu; Châtai patliepa ta na tao ta, A châtai byh liata eina khô.

ISAI 54:16

Moh teh, syudaihpa paysa na ta, Ano ta syu zie ta; Hmâ nawpazie lymâ hawhta Chaihraizy a tao tyh. Keima lilaw ta paraona rai hria awpa ta, Paraotuhpa ei tao hra.

ZEREMIAH 1:18

Pachâ teh, he noh liana heta Zudâh râh zydua châta thokhy khihpi ta cha tao na ta, thua tôh nata dawh thokhyzy ta ei cha tao. Zudâh beizy, a beimachâzy, a theihthaipazy nata râhsawzy châta thokhy khihpi châ aw chi ta, thua tôh nata dawh thokhyzy na châ aw.

ZEREMIAH 51:20

“Hy Babylaw, nâ cha ei chariah tuna ahrei châ chi ta, Ei adyuhna chaihrai na châ; Nâma hmâpa ta phopizy chaphie ei na ta, Nâma hmâpa ta khinarâhzy ei pahleipadia ha ei.

ZEKARIA 9:10

Epharai tawhta talailih chhawh pathlah aw na ta, Zerusale tawhta adyuhna arâ ei chhawh pathlah aw; Adyuhna libaw thlie pachhôpa châ aw ta, Phopizy hnohta adyhna bie a phuah aw; A ryureina cha tilaipi tawhta tilaipi taihta châ aw ta, Chavah tawhta khizaw kaokih chhâna taihta a châ aw.

ZEKARIA 9:8

Hrâsiepazy tawhta vaih awpa ta, Ei o liata riehmo ei paryh aw; Chatanachata ama siena lâta tlyma, Amâ liena lâta tlyma, A siehnaopa y khao aw veih ei. Tahmâ cha keima mo tlai ta ei vaih ha awpa vâta, Tlybaituhpa ta sie thlu khao aw vei.

MALUHREINA 24:17

Ano cha hmô na ta, Châhrasala tahmâ châ vei; Moh na ta, Châhrasala a hnia vei; Zakaw tawhta awhsi vaw pua aw ta, Izarei tawhta bei a vaw pua aw. Môabâ râh zydua pahnie aw ta, Sethâ saw zydua a pahleipadia khai aw.

MATHAI 9:38

Chavâta sâh hria awpa ta hriatuhpazy a vaw tuah thei nawpa ta, sâh hria Beipa lâ hiah teh u,” tah ta.

LUKA 20:17

Zisu ta âmo cha moh ta, “Cha khiahta cha, he bie ropa he khâpa ma a châ tly? “‘O satuhpazy alô kho leipa cha, A ki lô a vaw châ haw,’ tahpa hih,” tah ta.

EPHESI 2:20

Krista Zisu cha a ki liata alô peimawh chaipa châ ta, lyuhchâpazy nata hrohsopazy lôbôpa chô liata sapa nama châ.

2 TIMAWTHY 2:4

Pheisaih ahy hmahta a dyuh nota hrochhôh khihsana a tymâkhei beih leipa ta, pheisaih châ awpa ta a tlyhtuhpa palysa tlao â chhuah.

1 PITY 2:6

Chavâta Biehrai liata, “Moh teh u, Zaio liata alô paryh na ta, Ano cha a ki liata alô sôhpa nata atlyhpa châ ta; Ahy rai ano a ngiapâpa cha, Maophyuh aw vei,” tahpa ta ropa a châ.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.

1 SAMUELA 14:38

Chatawhcha Sawla ta, “Nâmo Izarei phopi chhituhpa zydua kha he lâ a vaw hnia u la, tanoh he khâpa moleina ma eima tao haw tahpa a laichadai u la, pahno a chhuah teh u.