ZEKARIA 10:3 - Mara Bible RV (BSI)

³ “Mietaku vaituhpazy chô liata ei hie a hâh ngaita, Chavâta mie tôhpazy cha ei hrie aw ei; A mietaku zaw Zudâh pathlazy cha, Pheisaihzy Abeipa ta pachâ kaw ta, Adyuhna arâ chahrapa hawhta a tao aw ei.

ZEKARIA 10:3 ပူးပေါင်းရင်းမြစ်များ

ZAWBÂ 39:25

Chiahmie a vaw paropa nahta, ‘Khaw, khaw, khaw!’ tah ta; Adyuhna roh lâhlapi tawhta thei ta, Pheisaih hyutuhpazy awhpa ao thei ta, Adyuhna pyu chhao a thei.

PUASAINA 4:31

Izarei phopi ta ama biereipa cha zo ei ta, Abeipa ta Izarei sawzy za tly ta, ama pasataonazy a za hmô haw tahpa ama thei nahta, ama luh a bôhpa ta Abeipa cha a chhy ei ta.

BIESOZY 21:31

Arâ cha adyuhna noh châta a mâ chiehpa ta y ta, Pahniena deikua cha Abeipa eih a châ.

HLAZY HLA 1:9

Hy ei lôhdunô, ei cha pakhopâ tyh, Phiraoh talailih arâ chanôpa nahta.

ISAI 10:12

Chatawhcha hetana heta a vaw châ aw. Abeipa ta Zaio Tlâh nata Zeru­sale chô liata a raihria zydua a paloh tita, Asuria bei cha a palôh laina bie nata a mo â pasâhsana vâta a hrie aw.

ISAI 24:21

Cha noh liata, vâmo a palaipazy cha, Abeipa ta avâ liata hrie aw ta; Lei beizy chhao, Lei liata a hrie aw ei.

ZEREMIAH 10:21

Mietaku vaituhpazy cha ahrupa châ ei ta, Abeipa a saohiahna châh pahno veih ei. Chavâta vânoh to leipa ei ta, Ama mietaku zawzy ama pai khai haw.

ZEREMIAH 11:22

Chavâta Pheisaihzy Abeipa ta hetana heta a tah: “Moh teh u, âmo cha ei hrie aw ei. Satliapazy zaozi ta thi aw ei ta, ama sawchapawzy nata ama sawchanôzy chakâhna ta ama thi aw.

ZEREMIAH 25:12

Kô sysari a tloh nahta, Babylaw bei nata a râh, Kaldia mo râh cha, ama moleina vâta hrie aw na ta, râh cha chhâzaw ta roryhrapa­ta ei paysa aw.

ZEREMIAH 25:34

“Nâmo, mietaku vaituhpazy saih u, Sâh u la, cha teh u; Nâmo, mietaku zaw zibeipazy saih u, Buchâh liata a hluah teh u; Thiepa ta nama y nawpa nohzy vaw tlô ha ta, Nama paipatla nawpa nohzy a vaw tlô haw; Hmobaoh sôhpa hawhta nama pao aw.

ZEREMIAH 50:6

“Ei phopi cha mietaku a leipa ama châ. Âmo vaituhpazy ta paviasa ei ta, Tlâhpizy lâta amâ chhi; Tlâhpi tawhta tlâhthlôh lâta viavi laih ei ta, Amâ syna mietaku o ama my haw.

EZEKIA 34:11

“Abeipa Zehôvâh ta hetana heta a tah: Pachâ teh, kei, keima tlai ta ei mietakuzy cha tlua aw na ta, ei hmô aw ei.

EZEKIA 34:12

Mietaku vaituhpa ta a mietaku zaw a vai nota mietaku a paipatlapazy a tluapa hawhta, ei mietakuzy cha tlua aw ei na ta, vâ panohna nata zohmyhna noh liata, ama paipatlana su zydua tawhta ei pachha aw ei.

EZEKIA 34:2

“Chyhsa sawchapawpa y, Izarei mietaku vaituhpazy hnohta hrohsona bie phuah teh. Mietaku vaituhpazy hnohta hrohsona bie cha phuah tlai la, ama hnohta hetana heta reih teh. Abeipa Zehôvâh ta hetana heta a tah: Nâmosasyh â pasapa Izarei mietaku vaituhpazy nama hu a po kaw dia! Mietaku vaituhpazy cha mietakuzy ama pasa awpa châ vei ma?

DÂNIAH 11:32

Reithai pakheina reikah ta biehrai a paraotuhpazy cha pahnie aw ta, châhrasala ama Khazohpa a pahnopazy cha â ipa ta a duah aw ei ta, amâ duah patlô aw.

ZEPHANIA 1:8

Abeipa atheihna hlâna noh liata, “Beimachâzy nata abei sawchapawzy hrie aw ei na ta, Chihropa chysia a tobipa zydua ei hrie aw ei.

ZEPHANIA 2:7

Cha râh cha Zudâh pathla laibâhpazy ta ama hnei aw; Cha liata ama sahrohzy pasa aw ei ta, Zâlâ ta Askelaw ozy liata amâ zia tyh aw. Abeipa ama Khazohpa ta âmo cha pachâ aw ta, Vânoh a patosa heih aw ei.

ZEKARIA 11:17

“Sahroh zaw a siesaipa Vaituhpa dyutlai leipa cha, A hu a po na! Zaozi ta a bâh chhawh sala, A mo chachâh lâ dy mawh sy! A bâh sy khai sala, A mo chachâh lâ tlokhuh chao mawh sy!” tah ta.

LUKA 1:68

“Abeipa Izarei Khazohpa cha, Reithaipa ta y mawh sy! A chyhsazy za tly ta, A pachha haw.

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.

RUTHI 1:6

Abeipa ta a chyhsazy za tly ta, niepa a pie ha ei tahpa Naomi ta Môabâ râh tawhta thei ta. Chavâta Môabâ râh tawhta a lie awpa ta a myuhnôzy chhaota a thao ei ta.