ZEKARIA 10:2 - Mara Bible RV (BSI)

² Nothlahpa khazohzy ta dôveina bie reih ei ta, Pachaothaipazy ta aluahna doleipa ama hmô; Mâsathaipazy ta haipa mâzy sa ei ta, Thlalôhna bie ruapazy ama reih tyh. Chavâta chyhsazy cha, Mietaku hawhta viavi ei ta; Vaituhpa hnei leipa vâta Pasa ama tao tyh.

ZEKARIA 10:2 ပူးပေါင်းရင်းမြစ်များ

ÂTHAONA 31:19

Mietaku hmi ngyu awpa ta Lâbâ a sie chhôh ta, Râkheli ta a paw khazoh nothlahpa paru ta.

1 ABEIZY 22:17

Mikai ta, “Izarei zydua cha vaituhpa a hnei leipa mietakuzy hawhta, tlâhzy liata viavipa ta ama ypa hmô na ta, Abeipa ta, ‘He sahlaozy he hyutuhpa hnei khao veih ei, chyhsa to ama o chyu lâta thlalôhpa ta a di mawh ei sy,’ a tah,” tah ta.

ZAWBÂ 13:4

Nâmo deikua cha, Nama bie liata haipa rôh hnia thlu ei chi ta; Nama zydua ta, Hmâ tlâh leipa dawhtyzy nama châ.

ZAWBÂ 21:34

Cha hawhta a châpa tlai ta, Khazia bie ruapa ta thlah eina palôh ei chi? Biedoleipa tah leipa ta la, Namâ chhyna liata khâpa hmah y vei,” tah ta.

ISAI 41:29

Moh tua u, apakheipa sai châ ei ta, Ama raihria chhao hraoleipa sai a châ; Ama nothlahpa leihpazy chhao, Ziza ruapa dei a châ.

ISAI 44:25

Hrohso pakheipazy maoh paphyuhpa ta, Ama chhochhieliena biezy â do leizie a palâsatuhpa châ na ta, Peihthaipazy ahrupa ta a taotuhpa ei châ. Asopazy hnôh lâ paheihsa na ta, Ama pahnona hruna lâta a paliesatuhpa ei châ.

ISAI 44:9

Khazoh nothlahpa a taotuhpa zydua cha, Khâpa hmah châ leipa ei ta; Ama pasôpa hmozy chhao, Phahnaina hnei veih ei. Âmo tlai ta ama pahno; Châhrasala a phapa ta moh leipa ei ta, Pachâ hra veih ei; Chavâta maophyuhpa ta sopa ama châ aw.

ISAI 46:5

“Ahy ma na palyusa aw ei chi ta, Ahy nata ma eina pakho aw ei chi tly? Ahy na palyusa chi ta, Ahy nata ma eina pakhopâ aw ei chi tly?

ZEREMIAH 10:8

Âmo cha ahrupa nata angâpa châ ei ta, Tho ama châpa kyh dei leipa ta cha, Nothlahpazy ta pachu awpa hropa hnei veih ei.

ZEREMIAH 14:13

Chatawhcha kei ta, “Âh, Abeipa Zehôvâh, pachâ tua, hrohsopazy ta ama hnohta, ‘Zaozi a tyh leipa aw ei chi ta, chakâhna y hra leipa aw ta, he su liata thlalôhna tlao ei cha pie aw ei,’ ama tah tyh,” tah na ta.

ZEREMIAH 14:22

Pho hropa khazohzy hry liata, Avâ a pasuasa theipa ama y ma? Avâzy khi ta avâ ama pasuasa thei ma? Hy Abeipa eima Khazohpa, Avâ a pasuasa theipa cha nâ deita châ va chi ma? He hmo zydua he nâma taopa a châpa vâta, Nâma lia deita ta eima hnabeiseihna a y.

ZEREMIAH 23:17

Abeipa bie khâpa saw ta a reih leipazy hnohta, ‘Nama châta a pha aw,’ tah ei ta, âmo palôh khopa a taopa chhorupa zydua hnohta, ‘Nama chô liata chhiena vaw tlô aw vei,’ ama tah tyh.”

ZEREMIAH 23:32

“Mâ phichhyhpazy reipa ta hrohsona bie a phuahpazy ei dyuh ei,” Abeipa ta a tah. “Âmo cha ei tua leipa pi tlai ei nata bie ei pie leipa pi tlai ei ta, ama haipa biezy nata amâ palaina biezy ta ei phopi a paviasapazy châ ei ta, he phopi châta phahnaina rai a hnei leipazy ama châ,” Abeipa ta a tah.

ZEREMIAH 27:10

Nama râh tawhta lâhlapi lâ a chhipa nama châ thei nawpa ta, haipa ta hrohsona bie nama hnohta a phuahpazy ama châ. Cha to papua aw ei na ta, nama leidia aw.

ZEREMIAH 27:14

‘Babylaw bei nama chakao awpa châ vei,’ châ tahtuhpa hrohsopazy bie nathlie khuh vy. Haipa ta hrohsona bie ama cha chhopa a châ.

ZEREMIAH 27:9

“Chavâta, ‘Babylaw bei nama chakao awpa châ vei,’ châ tahtuhpa nama hrohsopazy, peihthaipazy, mâsathaipazy, moliethaipazy nata dyuthaipazy bie nama nathlie awpa châ vei.

ZEREMIAH 28:15

Chatawhcha hrohsopa Zeremiah ta hrohsopa Hânaniah hnohta, “Hânaniah, nathlie teh, Abeipa ta cha tuah vei, he phopi he haipa bie na pazosa hih.

ZEREMIAH 29:8

Pheisaihzy Abeipa, Izarei Khazohpa ta hetana heta a tah: Nama hry liata hrohsopazy nata pachaothaipazy a padôveisa leipa u la, mâ ama sapazy nathlie khuh vy.

ZEREMIAH 37:19

Na hnohta, ‘Nâ nata he râh he a dyuh awpa ta, Babylaw bei a vy aw vei,’ tahpa ta hrohsona bie châ chhopazy kha, khataih liata ama y khai haw?

ZEREMIAH 50:17

“Izarei cha mietaku pai patlapa châ ta, Chakeibarôhneipa ta â chadai pai hapa a châ. Asuria bei ta ano cha palâ tua ta, Tahmâ Babylaw bei Nebukaneza ta a ruzy a thlie haw.

ZEREMIAH 51:23

Nâma hmâpa ta mietaku vaituhpa nata a mietaku zaw ei chaphie ha ei; Nâma hmâpa ta lyutaopa nata a viahchao tôhpa bao chaphie na ta, Nâma hmâpa ta râhvaotuhpazy nata beimachâzy ei chaphie ha ei.

ZEREMIAH 6:14

Ei phopi hmah cha, Naosiata ta patlâh a chhuahpa ta; Thlalôhna rai y leina daihti lia chhao ta, ‘Thlalôhna, thlalôhna,’ ama tah tyh.

ZEREMIAH 8:11

Ei phopi hmah cha, Naosiata ta patlâh a chhuahpa ta, Thlalôhna rai y leina daihti lia chhao ta, ‘Thlalôhna, thlalôhna,’ ama tah tyh.

CHAPHÔHTUNA 2:14

Na hrohsopazy ta na châta Aluahna phichhyhpa nata dôveina zy ama hmô; Vânoh na to heih thei nawpa ta, Na moleina palâhâh veih ei; Aluahna phichhyhpa nata paviana zy Na châta tlao ama hmô tyh.

EZEKIA 21:21

Pachao awpa ta Babylaw bei cha lâpi miano atyhna lâtlei liata a duah ta, châtaizy chatho ta, terâfizy a saohiahpa ta, sa pathi moh ta.

EZEKIA 21:29

Nâma kyh liata aluahna doleipa hmô ei ta, haipa ta ama pachao. Thie awpa ta raopa molei puapazy rao tlao na chhawh aw. Ama noh vaw tlô ha ta, âmo hrie pachie nawpa daihti a vaw tlô haw.

EZEKIA 34:5

Chavâta mietakuzy pai ei ta, vaituhpazy ama y leipa vâta, sahrâhpazy nie awpa lâta amâ lie haw. Ei mietakuzy ama pai haw.

EZEKIA 34:8

Ei hrona reipa ta ei reih, Abeipa Zehôvâh ta a tah. Mietaku­ vaituhpazy y leipa ei ta, ei mietaku vaituhpazy ta ei mietakuzy tlua hra leipa ei ta, mietaku vaituhpazy ta âmo tlao a pasa ei ta, ei mietakuzy ama pasa leipa vâta, ei mietakuzy cha tai awpa dei châ ei ta, sahrâhpazy nie awpa lâta amâ lie haw.

HÔSIA 3:4

He he Izarei sawzy ta noh hluhpi bei tlyma, beisaw tlyma hnei leipa ta ama y awpa nata atheihna tlyma, panana tôh tlyma, ephaw nata terâfi zy hnei leipa ta ama y awpa pamosana a châ aw.

MIKÂ 2:12

Hy Zakaw y, nama zydua ta cha awpakhy tlai aw ei na ta, Izarei laibâhpazy cha ei pakhy aw; Mietaku o liata mietakuzy hawhta Cha pahmaohpakhy aw ei na ta, Sibiepa su liata mietakuzy hawhta Ei pahmaohpakhy aw ei; Zasâh manôh ama châpa vâta, Kalihpi ama to aw.

HABAKU 2:18

“Chyhsapa tao chhyhpa nothlahpa cha, Khâpa phahnaina ma a hnei? Nothlahpa deita châ ta, Haipa bie pachutuhpa a châ. A taotuhpa ta ano kuzô ta tao ta, Bie a reih thai leipa nothlahpazy cha, A ngâ kaw cha!

ZEKARIA 11:17

“Sahroh zaw a siesaipa Vaituhpa dyutlai leipa cha, A hu a po na! Zaozi ta a bâh chhawh sala, A mo chachâh lâ dy mawh sy! A bâh sy khai sala, A mo chachâh lâ tlokhuh chao mawh sy!” tah ta.

MALUHREINA 27:17

Ano chata zawpizy hmia lâta pua aw ta, a tlôkhei aw ei. Zawpizy chhihtha aw ta, â ngiakhei aw ei. Chatanachata Abeipa chyhsa zawpizy cha vaituhpa hnei leipa mietaku hawhta y aw veih ei,” tah ta.

MATHAI 9:36

Zawpizy a hmô nahta, vaituhpa hnei leipa mietakuzy hawhta, nôpopa nata baotuhpa hnei leipa ta ama ypa vâta, âmo cha a thapasa ngaita ta.

MÂKA 6:34

Zisu cha ngiahkâ lâ a pua nahta, zawpi hluhpi hmô ta, vaituhpa hnei leipa mietaku hawhta ama châpa vâta, âmo cha a tha pasa ngaita ta. Âmo cha hmo hluhpi pachu ta.

RYHPACHANEINA 13:2

ngiana nata hmonoâhpa ama cha chhopazy cha vaw tlô sala, nama hnohta, “Khazoh hropazy pazi sih la, âmo cha chakao ei suh u,” tahpa ta nama pahno beih leipa khazohzy pazi awpa ta ama cha chho khiahta cha,

RYUREITUHPAZY 18:14

Laisâh râh mohparu awpa ta chyhsa papangawh a siepazy ta ama unawhzy hnohta, “He ozy liana heta ephaw, terâfi, nothlahpa khaipa nata nothlahpa leihpa zy a y tahpa nama pahno ma? Chavâta khâpa ma nama tao aw tahpa tahmâ pachâ teh u,” tah ei ta.