ZEKARIA 10:10 - Mara Bible RV (BSI)

¹⁰ Izi râh tawhta a chhi pakhua heih aw ei na ta, Asuria tawhta ei pakhy aw ei. Kilia râh lâ a chhi aw ei na ta, Lebanaw râh lâ ei chhi aw ei, A su ta â tlôh khao leina taihta.

ZEKARIA 10:10 ပူးပေါင်းရင်းမြစ်များ

ISAI 60:22

A nawh chaipa cha, Pho ta a duah aw ta; A chyh chaipa chhao, Phopi thatlôpa a vaw châ aw. Kei he Abeipa châ na ta, He hmo he a daihtita liata thlai ei tao aw.

ZEREMIAH 22:6

Abeipa ta Zudâh bei pathlazy kyh liata hetana heta a tah: “‘Ei châta Kilia hawhta châ chi ta, Lebanaw tlâh laki hawhta na châ; Chatahrasala râhchawhpa ta cha tao aw na ta, Khihpi rypa ta ei cha tao aw.

ZEREMIAH 50:19

Izarei cha a tlaih tyhna su lâ a chhi heih aw na ta, Kâmel nata Bâsanâ liata tlaih heih aw ta, Epharai tlâhzy nata Kilia liata Hro lôhrâtlôpa ta a y heih aw.

HÔSIA 11:10

Abeipa cha ama pazi aw; Chakeibarôhneipa hawhta a rôh aw ta, Â rôh tita, A sawzy a chalyuna chôta Notla lâ tawhta amâ vy aw.

HÔSIA 11:11

Pavaw hawhta a chalyupa ta Izi râh tawhta a khy aw ei ta; Vachhuh hawhta a chalyupa ta Asuria tawhta amâ zu aw. Chatanachata ama o chyu lâta ei padisa heih aw ei, Abeipa ta a tah.

ÔBADIA 1:20

Izarei saw pheisaih paipatlapazy ta Kâna râh Zarephâ taihta hnei aw ei ta, Zerusale chyhsa paipatlapa Sepharâ liata a ypazy ta, Neke khihpizy ama hnei aw.

MIKÂ 7:14

Na chôchahrei ta na phopi cha vaih la, Na ryuto mietaku zaw cha vaih mah y. Âmo cha lyurâhpa liata âmo dei ta a ypa châ ei ta, Sadô liata âmo dei ta a ypa ama cha. Hlâno hawhna khata, Bâsanâ nata Kilia liata ama lao bâ heih mawh ei sy.

ZEKARIA 8:7

Pheisaihzy Abeipa ta hetana heta a tah: Moh teh u, ei phopi cha nochhi râh nata notla râh zy tawhta pachha aw ei na ta,

ZEKARIA 8:8

Zerusale liah liata pahrâ awpa ta ei vaw chhi heih aw ei. Ei phopi châ aw ei ta, kei ama Khazohpa ei châ aw, ama Khazohpa ngâchhihpa nata siapa ei châ aw.”