ZEKARIA 1:9 - Mara Bible RV (BSI)

⁹ Kei ta, ‘Ei Zibeipa, hezy he khâpazy ma ama châ tly?’ tah na ta. Bie nâ chhotuhpa vâlyuhchâpa ta, ‘Hezy he khâpazy ma ama châ tahpa ei cha pahmô aw,’ tah ta.

ZEKARIA 1:9 ပူးပေါင်းရင်းမြစ်များ

ÂTHAONA 31:11

Ei mâsana liata Khazohpa vâlyuhchâpa ta, ‘Zakaw,’ na vaw tah ta, kei ta, ‘He liata ei y!’ tah na ta.

DÂNIAH 7:16

Cha liata a duahpazy hry liata pakha a kei hnia na ta, aluahna zydua yzie dopa kyh hiahri na ta. Ano ta, cha hmozy chhopasiana cha na chho ta, eina pahnosa.

ZEKARIA 1:13

Abeipa ta bie nâ chhotuhpa vâlyuhchâpa cha, bie pha kawpa nata thlalôh chhih kawpa ta a chhy ta.

ZEKARIA 1:19

Bie nâ chhotuhpa vâlyuhchâpa hnohta, “Hezy he khâpa maw?” tah na ta. Ano ta, “Hezy he Zudâh, Izarei nata Zerusale a papaituhpa sakizy ama châ hih” tahpa ta nâ chhy ta.

ZEKARIA 2:3

Chatawhcha bie nâ chhotuhpa vâlyuhchâpa kha pua ta, vâlyuhchâpa hropa ta ano a tyh awpa ta a vy ta,

ZEKARIA 4:1

Chatawhcha bie nâ chhotuhpa vâlyuhchâpa kha vaw kua ta, chyhsa â môpa pahrapa hawhta na vaw pahra ta.

ZEKARIA 4:11

Chatawhcha kei ta a hnohta, “Meiôh tôh kiapâh chavei chachâh liata ôli tho kô nopazy he zaw, khâpa tahna ma a châ tly?” tah na ta.

ZEKARIA 5:5

Bie nâ chhotuhpa vâlyuhchâpa kha hmia lâ vaw pua ta ei hnohta, “Avâ lâ ua la, a vaw pua ngâpa hmo khi khâpa ma a châ tahpa moh teh,” tah ta.