ZEKARIA 1:8 - Mara Bible RV (BSI)

⁸ “Zâ ta aluahna hmô na ta, pachâ teh u, chyhsa pakha tlai cha arâ saihpa kiah ta, saikao liata mierâ thozy hry liata a duah ta, a hnôh lâta arâ saihpa, arâ peipa nata arâ râhpazy y ei ta.

ZEKARIA 1:8 ပူးပေါင်းရင်းမြစ်များ

ÂTHAONA 20:3

Châhrasala Khazohpa ta Abimele hnohta zâ ta a mâ lâta a vaw luah ta, a hnohta, “Pachâ teh, lapinô ta na hneipa chanô vâna khata na thi aw. Ano kha chyhsa lapinô a châ,” tah ta.

ÂTHAONA 46:2

Khazohpa ta zâ ta a mâ lâta Izarei cha bie chho ta, “Zakaw, Zakaw,” tah ta. Ano ta, “He liata ei y,” tah ta.

1 ABEIZY 3:5

Kibiô liana chata Abeipa cha Sawlawmaw hnohta zâ ta a mâ lâta a vaw luah ta. Khazohpa ta, “Hiah teh, khâpa ei cha pie aw,” tah ta.

NEHEMIAH 8:15

Byureih kyhchhi kyh Ryhpa liata, “Tlâhzy lâ sie u la, Ryhpa liata ropa hawhta, byureihzy sa nawpa ta ôli chiahzy, lyurâhpa ôli chiahzy, tho hroh kôzawpa chiahzy, thiahrâ kuahzy nata tho buh rôhpa chiahzy vaw cheih muh vy,” tahpa ta ama khih zydua nata Zerusale liata phuahpa ta ama pathâhsa awpa a châzie ropa hmô hra ei ta.

ZAWBÂ 4:13

Zâ saduthlienazy hry liata, Chyhsazy mokuh pahâpa ta amâ mô chhôh ta,

HLAZY HLA 2:16

Ei lôhdupaw cha kei eih châ ta, Kei chhao ano eih ei châ; Ei lôhdupaw cha lilipawzy hry liata A mietaku zawzy a patlaihsa tyh.

HLAZY HLA 6:2

Ei lôhdupaw cha a sadô lâ sie ta, Ropahâhpa rakhôzy yna lâ a sie haw. A sadô liata a mietaku zaw patlaihsa awpa ta sie ta, Lilipawzy lyu awpa ta a sie haw.

ISAI 41:19

Râhchawhpa liata sidy tho loh aw na ta, Akeisia, mytlia nata ôli thozy ei loh aw. Râh raohpa liata meisah vyhpa bô aw na ta, Tho hna phiapa nata meisah thozy ei bô aw.

ISAI 55:13

Ahloh vyuhpa ta meisah vyhpa pyuh aw ta, Diahsai vyuhpa ta mytlia kô a pyuh aw. Cha cha Abeipa moh pha nawpa châta châ aw ta, Chhawh pathlahpa ta y beih leipa aw ta, Tlyzaw châta ngiana ta a y lymâ aw.”

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

DÂNIAH 2:19

Chatanachata bienyupa cha zâ ta aluahna liata Dâniah hnohta palâhâhpa châ ta. Dâniah ta avâ Khazohpa cha reithai ta.

DÂNIAH 7:13

“Zâ ta aluahna liata hmô na ta, Moh teh u, avâ meihdo hry liata, Chyhsa sawchapaw a lyupa a vy ta; Hlôthlâhpa hnohta a vy ta, A hmiakô liata amâ vaw chhi.

DÂNIAH 7:2

Dâniah ta hetana heta phuah ta, “Zâ ta aluahna liata hmôpa hnei na ta, moh teh u, avâ thlih miapalihpazy ta tilaipi rônahpa cha thata vaw chatlao ei ta.

ZEKARIA 1:10

Chatawhcha Mierâ thozy hry liata â duahpa chyhsa ta, ‘Hezy he alei zydua vaih ta chahryh khai awpa ta Abeipa tuapazy ama châ,’ tahpa ta nâ chhy ta.

ZEKARIA 1:11

Abeipa tuapazy chata mierâ thozy hry liata â duahpa Abeipa vâlyuhchâpa hnohta, ‘Alei chô zydua vaipa ta chahryh khai ha pi ta, pachâ teh, alei he sidiapa ta a thlalôh ngaita,’ tahpa ta a chhy ei ta.

ZEKARIA 1:7

Dâria abeina kô nona, thla hrawh hleikhana, noh kih nata noh palihna noh, Shevat thla liata Idô sawchapawpa Berekiah, Berekiah sawchapawpa hrohsopa Zekaria hnohta Abeipa bie vaw tlô ta:

ZEKARIA 13:7

“Hy Zaozi, a hra teh; Ei mietaku vaituhpazy a dyuh la, Nâ chakaotuhpa a dyuh teh,” Pheisaihzy Abeipa ta a tah. “Mietaku vaituhpa tu la, Mietakuzy pai aw ei ta, Mietakutawzy chô liata ei ku ei pazawh aw.

MALUHREINA 12:6

Abeipa ta, “Ei bie nathlie teh u: Nama hry liata hrohsopa a y khiahta cha, kei, Abeipa ta aluahna ta a hnohta a pahnosa na ta, mâ lâta bie ei chho tyh.

ZAWSUA 5:13

Zawsua cha Zerikô khihpi kiapâh liata a y nota, mohmia pasaih ta, a hmiakô liata chyhsa pakha, zaozi a paih tawhta phia chiehpa a chabapa ta a vaw duah thlâh ha ta. Zawsua ta kei pangai ta, a hnohta, “Keimo chhâh a châpa ma na châ, eima khakhaipazy chhâh a châpa chi maw?” tah ta.

BIEPHUAH 2:1

“Ephesi Awnanopa vâlyuhchâpa hnohta hetana heta roh teh: ‘A ku chachâh lâta awhsi miasari chaba ta, ngôh meiôh patyuna miasarizy hry liata a hlai ngâpa khata he biezy he a reih.

BIEPHUAH 6:2

Kaw moh na ta, arâ râhpa hmô na ta. A chô liata a kiahpa cha libaw a chaba ta, a hnohta lakho piepa châ ta, pahnietuhpa châ awpa nata pahnie lymâ awpa ta pua ha ta.

BIEPHUAH 6:4

Arâ hropa, asaihpa vaw pua ta. A chô liata a kiahpa cha, chyhsazy âmo nata âmo pathiesa ta, khizaw tawhta adyhna lapapua awpa ta pasaina piepa châ ta, a hnohta zaozi laipa piepa a châ.