ZEKARIA 1:6 - Mara Bible RV (BSI)

⁶ Nâ chakaotuhpa hrohsopazy hnohta ei biepiepa nata ei pachunazy ta châ pathlatuhpazy kha chhao ha veih ei ma? Chavâta âmo cha ro ei ta, ‘Eima taozie nata hrozie lymâ hawhta Pheisaihzy Abeipa ta eima chô liata tao a chhuah ta, a tao ha tlaipa a châ,’” ama tah.

ZEKARIA 1:6 ပူးပေါင်းရင်းမြစ်များ

2 ABEIZY 15:12

Abeipa ta Zehu hnohta, “Izarei beidyuchhai liata na sawchapawzy chhâ palihna taih amâ tyuh aw,” tahpa ta bie a taih ta. A bietai hawhta a vaw tlôpa a châ.

ZAWBÂ 6:29

Nama palôh a thla teh u; Hmo doleipa tao cheita khuh vy. Pachâ pathi tua u, Adoleina hnei cheita va na.

ISAI 21:17

Kedâ pathlazy hry liata likathaipa pasaipha laibâhpazy cha a chyhta ama châ aw. Abeipa, Izarei Khazohpa ta, cha cha a reih haw.”

ISAI 44:26

Nâ chakaotuhpazy bie pa-i na ta, Ei lyuhchâpazy ryhraopa a patlôsatuhpa ei châ. Zerusale kyh liata, ‘Cha liata chyhsa ama pahrâ heih aw,’ tah na ta, Zudâh khihpizy kyh liata, ‘Paduapathipa châ aw ei ta, Roryhrapa khihpizy ei paduapathi aw ei,’ A tahtuhpa ei châ.

ISAI 55:1

“Hy nâmo, dâhphipa zydua saih u, A vy u la, ti yna lâ a vy teh u. Tâkâ a hnei leipazy chhao a vy u la, Chalei u la, nie teh u! A vy u la, kresawhti nata sâhpiti zy cha, Tâkâ byuh leipa ta chalei u la, A mâ leipa ta chalei teh u.

ISAI 55:11

Cha hawhna hra chata ei bie chhao, Ei pakah tawhta pua aw ta; Aruapa ta kei lâ vaw kua aw vei. Ei chhuahpa patlô aw ta, Ei tuana chhâpa rai a pangoh aw.

ZEREMIAH 23:20

A palôh ta â chhuahpazy tao aw ta, A patlô hlâlei cha, Abeipa hiehâhna cha kua aw vei. Cha cha noh hnôhlâzy liata Nama pahnopasia aw.

ZEREMIAH 26:15

Eina thie khiah ei chi ta cha, thaileina a hnei leipa thisaih cha, nâmo nata he khihpi nata a khihsawzy chô liata nama patlôsa aw tahpa deikua a siapa ta pahno muh vy. Abeipa ta na ngâ ta, he bie zydua he nama nah theina liata reih awpa ta eina tuapa châ tlôh ta,” tah ta.

ZEREMIAH 28:17

Cha kô, thla sarina liata hrohsopa Hânaniah cha thi ha ta.

ZEREMIAH 32:24

Moh tua, khihpi la awpa ta dôhna alei pathlupazy â kaw sâh kaw bâ hih. Zaozi nata chakâhna nata potlana zy vâta khihpi he a dyuhtuhpa Kaldia mo ku liata piepa a châ ha hih. Na reipa kha vaw tlô ha ta, moh tua, na hmô hih.

ZEREMIAH 36:28

“Châbu hropa la la, Zudâh bei Zehôki ta a rao hapa châbu hmiatuapa liata bie zydua kha roh heih mah y.

ZEREMIAH 39:16

“Vawh la, Kusi chyhsa Ebemele hnohta, ‘Pheisaihzy Abeipa, Izarei Khazohpa ta hetana heta a tah: Pachâ teh, he khihpi kyh ei reipazy kha, phana lâ châ leipa ta, chhiena lâta vaw patlôsa aw na ta, cha noh liata nâma hmiakô liata tlai ta patlôsapa a châ aw.

ZEREMIAH 4:4

Hy Zudâh râhsawzy nata Zerusale khihsawzy saih u, Abeipa lâta nama chopaw tai u la, Nama palôh chopawzy tai teh u; Chataleipatala moleina hmo nama taopazy vâta, Ei hiehâhna mei hawhta pua aw ta, Ahy hmahta pachhai thei leipa ta a kâ pathlei aw na.”

ZEREMIAH 44:2

“Pheisaihzy Abeipa, Izarei Khazohpa ta hetana heta a tah: Zerusale nata Zudâh khihpi zydua chô liata chhiena ei patlôsapa zydua nama hmô. Moh tua u, tanoh chhao roryhrapa ta y ei ta, khihpizy liata a pahrâpa ama y khao vei hih.

ZEREMIAH 44:28

Zaozi a khôkhâhpa chyhsa chyhta cha, Izi râh tawhta Zudâh râh lâ a lie aw ei ta, chatanachata Izi râh liata pahrâ awpa ta a siepa Zudâh laibâhpazy ta ahy bie ma a duah aw, keima bie ma, âmo bie ma tahpa ama pahno aw.

ZEREMIAH 44:29

“He he nama châta ngiana a châ aw. Ei biezy cha nâmo pasasa awpa ta â duah tlai aw tahpa nama pahno thei nawpa ta, he su liata ei cha hrie aw ei, Abeipa ta a tah.

ZEREMIAH 44:6

Chavâta ei pathiiana nata ei hiehâhna cha, Zudâh khihpizy liata nata Zerusale khiliahzy liata lei thlupa châ ta, ia ha ta, tanoh duahmo hawhna heta, khihpi rypa nata roryhrapazy lâta amâ lie hapa a châ.

ZEREMIAH 5:14

Chavâta Zehôvâh, Pheisaihzy Khazohpa ta hetana heta a tah: “Cha hawpa bie cha ama reipa vâta, Pachâh teh, ei biezy cha na pakah liata mei pachâsapa ta, He phopi he tho pachâsa aw ei na ta, Mei ta a kâ khai aw ei.

CHAPHÔHTUNA 1:18

“Abeipa cha a siapa châ ta, A bie a zyh leipa cha keima he ei vaw châ; Chatahrasala Hy phopi zydua saih u, nathlie u la, Ei pasataona he moh tua u; Ei satlia laihsa zy Seichâna lâ ama sie khai ha hih.

CHAPHÔHTUNA 2:17

Abeipa ta â chhuahpa tao ha ta, A bie a patlô haw; Hlâno tawhta parao awpa ta a vaw rao hapa cha, Ngiachhiena hnei leipa ta a parao haw; Chariahpa a ly awpa ta cha parao ta, Na khakhaipazy ki a pasisa.

CHAPHÔHTUNA 3:42

“Hmoparao pi ta eima châ dyuh, Chavâta miah a ngiahthai va chi.

EZEKIA 20:43

Cha liata nama hroziezy nata nama hmotaopazy ta namâ papuapaleipa zydua kha a thei aw ei chi ta, hmo pha leipa nama taopa zydua vâna khata nâmosasyh ta namâ pasi kaw aw.

EZEKIA 37:11

Chatawhcha ei hnohta, “Chyhsa sawchapawpa y, he ruzy he Izarei pathlazy ama châ hih. Pachâ teh, Izarei pathlazy ta, ‘Eima ruzy chawhkaraipa ta, eima hnabeiseihna lei khai ha ta, chhawh pathlahpa ta eima y haw,’ ama tah.

DÂNIAH 4:28

He zydua he Bei Nebukaneza chô liata vaw tlô ta.

HÔSIA 5:9

Hriena noh liata Epharai cha roryhrapa ta a y aw, Izarei chizy chô liata a tlô thlyu awpa ei phuah.

HÔSIA 9:15

Ama moleina zydua Kilkal liata y ta, Cha su liata ei hao tua ei. Moleina hmo ama taopa zydua vâta, Ei o tawhta papua aw ei na ta, Kyhpachâ khao aw veih ei na; Ama beimachâ zydua cha, Chhorupa sai ama châ.

AMÔSÂ 9:10

‘Chhiena ta miah chadai leipa aw ta, Miah tlô thlu aw vei,’ a tahtuhpa, Ei phopi liata moleipa zydua cha, Zaozi ta ama thi khai aw.”

ZEKARIA 1:7

Dâria abeina kô nona, thla hrawh hleikhana, noh kih nata noh palihna noh, Shevat thla liata Idô sawchapawpa Berekiah, Berekiah sawchapawpa hrohsopa Zekaria hnohta Abeipa bie vaw tlô ta:

MALAKHAI 3:18

Chatanachata mosiapa nata moleipa likah ananona nata Khazohpa a chakaopa nata a chakao leipa likah ananonazy nama hmô heih aw.

MALUHREINA 23:19

Khazohpa cha chyhsapa a châ leipa vâta, Haih beih leipa ta; Chyhsa sawchapawpa a châ leipa vâta, A palôh panano beih vei. A rei hapa tao leipa ta a y aw ma? A chho hapa patlô leipa ta a y aw ma?

MALUHREINA 32:23

Cha hawhta nama tao leipa khiahta deikua cha, pachâ teh u, Abeipa chô liata moleipa châ aw ei chi ta, nama moleina ta a cha hmô papua aw ei tahpa pahno muh vy.

MALUHREINA 33:56

Ama chô liata tao awpa ei pachâpa cha, nama chô liata ei tao aw,’ tah mah y,” tah ta.

MATHAI 24:35

Lei nata vâ a lei aw, ei biezy deikua lei aw vei.

RYHPACHANEINA 28:15

“Abeipa nama Khazohpa ao nathlie leipa u la, Abeipa biepiepa nata a bieraopa tanoh ta ei cha piepazy ei he zyh leipa ta, nama tao leipa khiahta deikua cha, he chhiesana zydua he nama chô liata vaw tlô aw ta, nama hmia lâta a cha siekhâh lymâ aw ei.

RYHPACHANEINA 28:2

Abeipa nama Khazohpa ao nama nathlie khiahta cha, he byhnâ zydua heta cha zi aw ei ta, nama hmia lâta a sie lymâ aw.

RYHPACHANEINA 28:20

“Hmo pha leipazy taopa ta, Abeipa nama tleisaipa vâta, Abeipa ta nama ku raihria zydua liata chhiesana, tymâna nata palôh chhâna zy vaw tuah aw ta, pahleipadiapa châ aw ei chi ta, thlai nama leidia aw.

RYHPACHANEINA 28:45

“Abeipa nama Khazohpa ao nathlie leipa ei chi ta, zyh awpa ta bie a cha piepa ei a biepiepazy nata a bieraopazy nama zyh leipa vâta, pahleipadiapa nama châ hlâlei, he chhiesana zydua he nama chô liata a vaw tlô aw. Chhiesanazy ta châ chadai aw ei ta, ama cha pha aw.

1 THYSALAWNIKA 5:4

Châhrasala unawh saih u, cha noh liata parutuhpa hawhta pachhai awpa ta, nâmo la zohna liata y veih ei chi.