ZEKARIA 1:3 - Mara Bible RV (BSI)

³ Chavâta ama hnohta, Pheisaihzy Abeipa ta hetana heta a tah tahpa ta chho teh: ‘Kei lâ vaw kua teh u,’ Pheisaihzy Abeipa ta a tah; ‘Chatanachata kei chhao nâmo lâ ei vaw kua aw,’ Pheisaihzy Abeipa ta a tah.

ZEKARIA 1:3 ပူးပေါင်းရင်းမြစ်များ

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

2 THÂTIHZYRONA 15:4

Châhrasala ama nô vaw po ta, Abeipa, Izarei Khazohpa lâ a heipa ta ano cha ama tlua nahta, Abeipa ta âmo cha vaw hmô ta.

NEHEMIAH 9:28

Châhrasala ama thadâh tawhta, na hmiakô liata moleina hmo tao heih ei ta, chavâta âmo cha ama chariahzy ku liata siesai chi ta, ama chariahzy ta ama chô liata bie ama hnei haw. Chatahrasala nâ lâ vaw kua ei ta, ama cha pado nahta, vârâh tawhta vaw nathlie chi ta, na zawngiahna vâta ei hluhpi na pachha heih tyh ei.

ZAWBÂ 22:23

Atotaotheipa lâ na kua khiahta cha, Paduapathipa châ aw chi ta; Adoleina na poh o tawhta lâhlapi lâ thypa ta,

ISAI 31:6

Hy Izarei sawzy saih u, thata nama chakhia hapa lâ kua heih teh u.

ISAI 44:22

Na paraonazy meihdo hawhta papai ha na ta, Na moleinazy ameih hawhta ei papai haw. Cha chatlai ha na ta, Chavâta kei lâ vaw kua ha mah y.

ZEREMIAH 12:15

Ei phia khai tawhta âmo cha ngiachhie heih aw ei na ta, chyhsa to ama ryuto chyu lâta nata ama râh chyu lâta ei chhi heih aw ei.

ZEREMIAH 25:5

Hrohsopazy ta, ‘Chyhsa to nama moleina lâpi tawhta nata nama hmotaopa pha leipazy tawhta vaw kua u la, Abeipa ta nâmo nata châ pathlatuhpazy hnohta hlâno tawhta chhâzaw châta a cha piepa râh liana he pahrâ teh u.

ZEREMIAH 3:1

“Chyhsa ta a lapinô ma sala, A lapinô cha o tawhta pua ta, Vahpa hropa a hnei ha khiahta cha, A lapinô cha a hnei heih aw ma? Cha hawhta taopa cha, Thata râh papuapaleipa châ aw vei ma? Na khopaw hluhpi liata nâ zuah khai tawhta ma, Kei lâ vaw kua heih nâ chhuah?” Abeipa ta a tah.

ZEREMIAH 3:22

“Hy ngiapâ hnôhsypa sawzy saih u, Vaw kua ha muh vy. Namâ ngiapâna hnôhsyna tawhta ei cha pathyu heih aw ei.” “Moh tua, nâ cha Abeipa eima Khazohpa na châpa vâta, Nâ lâ eimâ vy hih.

ZEREMIAH 35:15

Nâ chakaotuhpa hrohsopa zydua nâmo lâ khâ vaw tuah ei na ta, nama hnohta, ‘Chyhsa to nama hrozie pha leipa tawhta vaw kua u la, nama hmotaopazy a phapa ta taopathi u la, khazoh hropazy pazi leipa u la, chakao khuh vy. Chatanachata nâmo nata châ pathlatuhpazy hnohta râh ei cha piepa liana heta nama pahrâ aw,’ tahpa ta khâ cha chho ei ta. Châhrasala nama nah pachôh leipa ei chi ta, na nathlie hra veih ei chi.

ZEREMIAH 4:1

“Hy Izarei y, na kua awpa khiahta la, Kei lâ vaw kua mah y,” Abeipa ta a tah. “Na pasichhihnazy ei mohmô tawhta pasie la, Na palôh a zawvaw leipa sala,

EZEKIA 18:19

“Chatanachôta, ‘Khazia sawchapaw­pa cha a paw paraona maoh a phaoh aw vei,’ nama tah ngâ thlâh ha chy. Sawchapawpa chata adona nata siana tao sala, ei bieraopa zydua a phapa ta a zyh khiahta cha, a hroh tlai awpa a châ.

EZEKIA 18:31

Moleina nama tao hapa zydua nâmo tawhta thy khai u la, palôh thiehpa nata pachâna thiehpa hneipa ta nâmosasyh â taopathi ha muh vy. Hy Izarei pathlazy saih u, khazia nama thi aw tly?

EZEKIA 18:32

Ahy thina liata hmahta a ly va na. Chavâta, a palie u la, hroh teh u,” Abeipa Zehôvâh ta a tah.

EZEKIA 33:11

Ama hnohta hetana heta reih teh: ‘Ei hrona reipa ta ei reih. Moleipa thina liata alyna rai hnei leipa na ta, moleipa ta a hrozie siesaipa ta a hroh awpa cha ei lyna tlao a châ. Nama hrozie pha leipa tawhta kua u la, kua ha teh u. Hy Izarei pathlazy saih u, khazia nama thi aw tly?’ Abeipa Zehôvâh ta a tah.

HÔSIA 14:1

Hy Izarei, kua la, Abeipa na Khazohpa lâ kua mah y; Na moleina vâta na pao ha hih!

HÔSIA 14:4

“Ama paosaina patlâh aw na ta, A saipa ta ama kyh ei pachâ aw; Ei hiehâhna ta a kuasai ha ei.

HÔSIA 6:1

“A vy teh u, Abeipa lâ kua heih suh u; Miah hriechheih khai ha hra sala, Miah a patlâh heih aw; Miah tuchheih ha hra sala, Miah a chahrypa heih aw.

ZÔELA 2:12

“Chatahrasala tahmâ tlai chhao he, Nama palôh tlokhuh ta kei lâ vaw kua teh u, Kâhvileipa ta y u la, Chana nata mâchhiesana chôta vaw kua teh u,” Abeipa ta a tah.

MALAKHAI 3:7

Châ pathlatuhpazy daihti tawhna khata, ei biepiepazy tleisai tyh ei chi ta, zyh veih ei chi. Kei lâ vaw kua u la, nâmo lâ ei vaw kua aw,” Pheisaihzy Abeipa ta a tah. “Châhrasala nâmo ta, ‘Kheihta ma eima vaw kua aw?’ nama tah.