ZEKARIA 1:17 - Mara Bible RV (BSI)

¹⁷ ‘Kei awh via heih teh, Pheisaihzy Abeipa ta hetana heta a tah: Ei khihpizy cha sivâphana ta khô pathlah heih aw ta, Abeipa ta Zaio cha thlah palôh heih aw ta, Zerusale â tlyh heih aw.’”

ZEKARIA 1:17 ပူးပေါင်းရင်းမြစ်များ

2 THÂTIHZYRONA 6:6

Tahmâ deikua cha, ei moh y nawpa châta Zerusale a tlyh ha na ta, ei phopi Izarei chhituhpa châta Dâvi ei tlyh haw,’ tahpa ta reih ta.

NEHEMIAH 11:20

Izarei saw hropazy nata theihthaipa nata Livai pathla hropazy cha Zudâh râh liata ama khihzy liata ama ryuto râh chyu liata ama pahrâ.

NEHEMIAH 11:3

Hezy he Zerusale liata a pahrâpa râh chhituhpazy ama châ. Izarei saw hropazy, theihthaipazy, Livai pathlazy, Achhyna o chakaotuhpazy nata Sawlawmaw chakaotuhpa pathlazy deikua cha Zudâh râh liata ama khihzy liata ama o chyu liata ama pahrâ.

HLAZY 69:35

Khazohpa ta Zaio cha pachha aw ta, Zudâh khihpizy a padua aw; Cha liata a chyhsazy pahrâ aw ei ta, Râh cha ama hnei aw.

ISAI 14:1

Abeipa ta Zakaw ngiachhiepa ta, Izarei a tlyh heih aw ta, ama râh tlai liata a paysa heih aw ei. Chihropazy ta âmo cha a bai aw ei ta, Zakaw pathlazy cha amâ pazao aw.

ISAI 44:26

Nâ chakaotuhpazy bie pa-i na ta, Ei lyuhchâpazy ryhraopa a patlôsatuhpa ei châ. Zerusale kyh liata, ‘Cha liata chyhsa ama pahrâ heih aw,’ tah na ta, Zudâh khihpizy kyh liata, ‘Paduapathipa châ aw ei ta, Roryhrapa khihpizy ei paduapathi aw ei,’ A tahtuhpa ei châ.

ISAI 49:13

Hy avâzy saih u, thaphapa ta hla sa u la, Hy leilô y, a lypa ta y mah y. Hy tlâhpizy saih u, Lyna hla paryh teh u! Abeipa ta a phopi thlah palôh ha ta, A chyhsa pasa a taopazy a ngiachhie aw ei.

ISAI 51:12

“Kei, kei tlai he nâmo thlah châ palôhtuhpa cha ei châ; Thi theipa chyhsapa tlai a chi thlâh hapa chi cha, Ahy ma na vaw châ ha tly? Sibiepa hawhta taopa chyhsa sawchapawpa tlai a chi thlâh hapa chi cha, Ahy ma na vaw châ ha tly?

ISAI 51:3

Abeipa ta Zaio cha thlapalôh ta, A su rypa zydua thlah a palôh haw. A râhchawhpa cha Idâh hawhta tao ta, A sadi bypi chhao Abeipa sadô hawhta a tao haw. Cha liata alyna nata thaphana y aw ta, Alyna bie reina nata hla sana pyu zy a y aw.

ISAI 52:9

Hy Zerusale su rypazy saih u, Hmaohkha ta ly hla paryh teh u, Abeipa ta a phopi thlapalôh ha ta, Zerusale a chatlai haw.

ISAI 54:8

Bohpi leipa hiehâhna chyhta vâta, Ei hmia cha vaw nyu sai ha na ta, Châhrasala chhâzaw nôphana ta Ei cha ngiachhie heih aw,” Abeipa, châ Chatlaituhpa ta a tah.

ISAI 66:13

A nô ta thlah a palôhpa saw hawhta, Thlah cha palôh aw ei na ta, Zerusale liata thlah ei cha palôh aw ei.

ZEREMIAH 31:13

Chatawhcha laihsa kôpazy a lypa ta lâh aw ei ta, Satliapazy nata machâpazy thaphapa ta ama y aw; Ama mâchhiesana cha, Alyna pachâsa aw na ta; Thlapalôh aw ei na ta, Pachârôhna vyuhpa ta thaphana ei pie aw ei.

ZEREMIAH 33:13

Mietaku zawzy cha, tlâh râh khihpizy, Sephelâ bypi khihpizy, Neke chho râh khihpizy, Benzami râh, Zerusale chheipâh suzy nata Zudâh khihpizy liata ama moh a pakituhpazy ku ry liata ama sie heih aw,” Abeipa ta a tah.

ZEREMIAH 33:9

Zudâh nata Izarei châta hmo phapa ei taopa thâtih a thei awpa khizaw phopi zydua hmiakô liata, he khihpi he ei châta thaphana, palyupalihna nata rônahna a châ aw. Khihpi châta hmo phapa to nata ativyna ei piepa vâta chipa ta amâ chalyu aw.

EZEKIA 36:33

“Abeipa Zehôvâh ta hetana heta a tah: Nama paraona zydua tawhta ei cha pathaisana noh liata, khihpizy cha chyhsa pahrâna ta tao aw na ta, su rypazy paduapathipa a châ aw.

AMÔSÂ 9:14

Ei phopi Izarei cha, Vânoh ei patosa heih aw; Khih rypazy paduapathi aw ei ta, Cha liata ama pahrâ heih aw; Kre sadôzy tao aw ei ta, Kresawhti ama doh heih aw; Sadôzy tao aw ei ta, A theizy ama nie heih aw.

ÔBADIA 1:20

Izarei saw pheisaih paipatlapazy ta Kâna râh Zarephâ taihta hnei aw ei ta, Zerusale chyhsa paipatlapa Sepharâ liata a ypazy ta, Neke khihpizy ama hnei aw.

ZEKARIA 1:14

Chatawhcha bie nâ chhotuhpa vâlyuhchâpa chata, ‘Awh teh, Pheisaihzy Abeipa ta hetana heta a tah: Zerusale nata Zaio chô liata ei hiatlia a pasa ngaita.

ZEKARIA 1:18

Chatawhcha avâ lâ kaw moh na ta, saki ki palih hmô na ta.

ZEKARIA 2:12

Abeipa ta Zudâh cha Râh Pathaihpa liata a ryu patosa aw ta, Zerusale cha â tlyh heih aw.”

ZEKARIA 2:4

a hnohta, “A râ la, kha thyutliapa hnohta, ‘Zerusale cha a chhôh liata a pahrâpa chyhsa nata sahrohzy ama hluh ngaita awpa vâta, thokhy ta dôh byuh leipa khihpi châ aw ta,

ZEKARIA 3:2

Abeipa ta Sâtâ hnohta, “Nâ Sâtâ, Abeipa ta a cha ra! Zerusale a tlyhtuhpa Abeipa ta a cha ra! Kha chyhsa kha mei tawhta thothu a daophipa châ vei ma?” tah ta.

EPHESI 1:4

A hmiakô liata pathaihpa nata seina hnei leipa ta eima y thei nawpa ta, leilô y hlâ tawhta Krista liata miah a tlyh ta. Kyhpachâna ta,