ZEKARIA 1:16 - Mara Bible RV (BSI)

¹⁶ Chavâta Abeipa ta hetana heta a tah: Zawngiahpa ta Zerusale lâ kua heih aw na ta, cha liata ei o sapa châ aw ta, Zerusale chô liata thliena ri parai heihpa a châ aw,’ Pheisaihzy Abeipa ta a tah.

ZEKARIA 1:16 ပူးပေါင်းရင်းမြစ်များ

ZAWBÂ 38:5

Khatlu ta laipa ta tao awpa ma tahpa ahy ta pachâ ta, A chô liata thliena a paraipa cha ahy ma a châ tly? Na pahno kha zaw!

ISAI 12:1

Cha noh liata hetana heta na tah aw: “Hy Abeipa, alyna bie ei cha hlâ; Ei chô liata na hie vaw hâh ha hra sala, Na hiehâhna chalihsa chi ta, Thlah eina palôh ha chi.

ISAI 34:11

Râh cha vawpô nata sawku ta hnei aw ei ta, Cha liata vaku nata raawh ama pahrâ aw. Abeipa ta Môabâ chô liata tymâna ri parai aw ta, Ruana ri a parai thlu aw.

ZEREMIAH 30:18

“Abeipa ta hetana heta a tah: Moh tua, Zakaw poh ozy cha, Vânoh patosa heih aw na ta, A pahrâna suzy ei ngiachhie aw; Khihpi cha a raona â pachona su liata padua pathipa châ aw ta, Abei o chhao a y tyhna su liata â duah heih aw.

EZEKIA 40:3

Cha lâ cha nâ chhi ta, moh teh u, dawh hmia a phaopa chyhsa pakha vaw y ta, lari nata thliena chôchahrei a chabapa ta, chhikao liata a duah ta.

EZEKIA 47:3

Chyhsa chata thliena ri chabapa ta nochhi lâ sie ta. Dy sâh kha thlie ta, ti cha na chakasa ta, lobyuh taih a pha.

EZEKIA 48:35

“Khihpi padôpa ta a seihna zie cha dy 18,000 châ aw ta, cha noh tawhta cha, khihpi moh chhao, Zehôvâh Sâmâ tahpa a châ bâ aw.”

HÂKAI 1:14

Abeipa ta Siati sawchapawpa Zudâh râh ryureituhpa Zerubâbe palôh nata Zehôzadâ sawchapawpa theihthai beichaipa Zawsua palôh nata phopi laibâhpa zydua palôh cha pathyu ta. Chatanachata pua ei ta, Pheisaihzy Abeipa ama Khazohpa o cha,

ZEKARIA 10:6

“Zudâh pathlazy cha, Thapatlô aw ei na ta; Zawsi pathlazy chhao, Ei pachha aw ei. Ei ngia eina chhie kawpa vâ ei ta, Ei chhi pakhua heih aw ei; Ei thy beih leipa hawhta y heih aw ei ta, Abeipa ama Khazohpa ei châpa vâta, Ei chyh-ei aw ei.

ZEKARIA 2:4

a hnohta, “A râ la, kha thyutliapa hnohta, ‘Zerusale cha a chhôh liata a pahrâpa chyhsa nata sahrohzy ama hluh ngaita awpa vâta, thokhy ta dôh byuh leipa khihpi châ aw ta,

ZEKARIA 2:5

keima tlai he Zerusale châta mei thokhy châ aw na ta, a chhôh liata a rônahna ei châ aw,’ Abeipa ta a tah tahpa ta kei chho teh,” tah ta.

ZEKARIA 2:6

“Pua teh u! Pua teh u! Avâ thlih miapalih hawhta cha vaw hiepatla ha hra ei sah la, maw lâ râh tawhna khata a râ syulyu ha teh u,” Abeipa ta a tah.

ZEKARIA 4:9

“He o pathaona lôbô he Zerubâbe ku ta bôpa châ ta, ano ku ta a patlô aw. Chatanachata Pheisaihzy Abeipa ta nama hnohta eina tuah tahpa nama pahno aw.

ZEKARIA 8:3

Abeipa ta hetana heta a tah: Zaio lâ kua aw na ta, Zerusale liah liata ei pahrâ aw. Chatanachata Zerusale cha Khihpi Ngâchhihpa tahpa ta bipa châ aw ta, Pheisaihzy Abeipa tlâh cha Tlâh Pathaihpa tahpa a châ aw.