ZAWSUA 9:9 - Mara Bible RV (BSI)

⁹ Âmo ta a hnohta, “Châ chakaotuhpazy he Abeipa na Khazohpa moh vâta râh hlapi tawhta a vypa eima châ. A thâtih vaw thei pi ta, Izi râh liata a hmotaopa zydua nata

ZAWSUA 9:9 ပူးပေါင်းရင်းမြစ်များ

1 ABEIZY 8:41

“Cha hawhna hra chata, chihropa chyhsa, na phopi Izarei saw a châ leipa chhao na moh vâta râh hlapi tawhta â vy aw.

NEHEMIAH 9:5

Chatawhcha Livai pathla Zesua, Kâdamie, Bâni, Hâsabâniah, Serebiah, Hôdiah, Sebaniah nata Pethâhiah zy ta, “A duah u la, Abeipa nama Khazohpa cha chhâzaw nata tlyzaw ta reithai teh u,” tah ei ta. Ezrâ ta, “Reithaina nata palyupalihna zydua hlâta chônô viapa ta cheihchalopa na moh rônahpa cha reithaipa ta y mawh sy.

HLAZY 148:13

Ano moh deita cheihchalo tlâhpa a châpa vâta, Abeipa moh cha reithai mawh ei sy; A rônahna cha alei nata avâ hlâta a sâh via.

HLAZY 72:19

A moh rônahpa cha chhâzaw ta reithaipa ta y sala, Leilô zydua he a rônahna ta bie mawh sy! Amen! Amen!

HLAZY 78:12

Ama pathlatuhpazy mohmô ta hmonoâhpazy tao ta, Izi râh Zônâ lyuzy liata hmonoâhpazy a taopa ei.

HLAZY 83:18

Nâ deita he Zehôvâh moh a phaohpa châ chi ta, Khizaw zydua liata Chônôchaipa na châ tahpa ama pahno aw.

PUASAINA 15:14

Phopizy ta thei ei ta, amâ chalyu; Philistia mo thlazohpa ta ama y.

PUASAINA 9:16

Châhrasala ei hmotaotheina cha pahmôsapa ta, khizaw zydua liata ei moh pathâhsapa a châ thei nawpa ta ei cha paduapa a châ.

ISAI 55:5

Abeipa na Khazohpa ta cha parônahsa ta, Izarei Mo Pathaihpa ta a cha parônahsapa vâta, Na pahno beih leipa phopi aw aw chi ta, Châ pahno beih leipa phopi ta nâ lâ â vaw râ aw.

ISAI 66:19

Ama hry liata ngiana soh aw na ta, ahrohpazy cha âmo tawhta râhzy lâta tuah aw ei na ta, libaw a chabapa Tâsi, Puli nata Ludi lâzy tuah aw ei na ta, tilaipi kiah râh hlapi liata a ypa, ei mohpathâhna a thei beih leipa nata ei rônahna a hmô beih leipa Tubâ nata Zavâ mozy lâ ei tuah aw ei. Chatanachata râhzy liata ei rônahna ama phuah aw.

MALUHREINA 14:15

Chavâta he zawpizy he chyhsa pakha thiepa hawhta na thie khai thlâh ha khiahta cha, na moh pathâhpa a theipa phopizy ta,

MALUHREINA 20:14

Mawsi ta Kâdesâ tawhta Edômâ bei lâ lyuhchâpa tuah ta, “Na unawhpa Izarei ta hetana heta a tah: Eima chô liata rairuna a tlôpa zydua na pahno khai.

HMOTAOPAZY 8:7

Thlahpa puapazy cha ao paro ngaitapa ta awhna chôta ama patupa chyhsa hluhpi chhôh tawhta vaw pua ei ta, asypa nata pheisypazy chhao patlâhpa châ ei ta.

RYHPACHANEINA 20:11

Khihpi ta châ vaw ryh ei sala, nama hnohta amâ vaw hlâ khiahta cha, cha liata a pahrâpa zydua cha nama rai hriatuhpa ta y aw ei ta, ama cha chakao aw.

RYHPACHANEINA 20:15

Cha hawhna chata nama yna tawhta lâhlapi ta a ypa khihpi zydua chô liata nama tao aw. Nama chheipâh râhzy liata khihpizy chô liata deikua cha, cha hawhta nama tao awpa châ vei.

ZAWSUA 9:10

Zawdâh haosâ liata Amawri bei pano, Hesbaw bei Sihaw nata Astarô liata a ypa Bâsanâ bei Ôkâ chô liata a hmotaopa zydua eima thei.

ZAWSUA 9:16

Kibiô mo hnohta aryhna biehrai a tao tawhta noh thôh a châ nahta, ama chheipâh liata a ypa châ ei ta, ama hry liata a pahrâpa ama châpa pahno ei ta.

ZAWSUA 9:17

Izarei sawzy cha sie lymâ ei ta, noh thôhna noh ta Kibiô mo khihpizy kei tlô ei ta. Ama khihpizy cha Kibiô, Kephirâh, Berô nata Kiriaziari zy a châ.

ZAWSUA 9:24

Âmo ta Zawsua cha a chhy ei ta, “Râh zydua he nâmo cha pie awpa nata râh liata a pahrâpa zydua nama hmiakô tawhta pahleipadia khai awpa ta, Abeipa na Khazohpa ta a chakaotuhpa Mawsi hnohta bie a pie tahpa a sia ngaitapa ta pahno pi ta, nâmo vâta eima hrona pahlei awpa eima chi ngaita. Chavâta kha hawhta eima taopa a châ.