ZAWSUA 9:27 - Mara Bible RV (BSI)

²⁷ Cha noh ta Zawsua ta Kibiô mo cha zawpi châta nata Abeipa ta a maisâh y nawpa ta a raopa su châta tho pakhy awpa nata ti thaih awpa ta rao ta, cha hawhna chata tanoh taihta ama y.

ZAWSUA 9:27 ပူးပေါင်းရင်းမြစ်များ

2 THÂTIHZYRONA 2:16

Lebanaw tawhta tho cha nâ ngiahpa hawhta vaw thlu aw pi ta, tilaipi lâta Zôpâ taihta apâzy ta vaw siekhei aw pi ta, nâ ta Zerusale lâ na paly aw,” tah ta.

MALUHREINA 31:28

Adyuhna lâ a siepa pheisaihzy tawhta Abeipa châta thyuna khei aw ei chi ta, za pangawh liata miakha lymâ ta, chyhsapazy, viahchaozy, alâzy, mietakuzy nama khei aw.

MALUHREINA 31:30

Izarei sawzy ta khophie ama topa tawhta, sypangawh liata miakha lymâ ta, chyhsapazy, viahchaozy, alâzy, mietakuzy, miezy nata sahroh zydua khei aw ei chi ta, Abeipa achhyna byureih mohôhtuhpa Livai chizy nama pie aw,” tah ta.

MALUHREINA 31:47

Abeipa ta Mawsi bie a piepa hawhta, Izarei sawzy ta khophie ama topa tawhta, Mawsi ta chyhsapa nata sahrohzy tawhta, sypangawh liata miakha lymâ ta la ta, Abeipa achhyna byureih mohôhtuhpa Livai chizy hnohta a pie ei.

RYHPACHANEINA 12:11

Hmohlâpa kyh liata nama hnohta ei biepiepa zydua, nama raopa hlânazy, namâ theihnazy, nama su hrawh su khazy, nama chalopa hlânazy nata Abeipa lâta bie namâ taihpa hmo phapazy cha, Abeipa nama Khazohpa ta a moh y nawpa ta â tlyh awpa su liata nama hlâ tyh aw.

RYHPACHANEINA 12:14

Nama raopa hlânazy cha, nama chizy hry tawhta Abeipa ta â tlyh awpa chi pahrâna su liata hlâ tyh aw ei chi ta, cha liata nama hnohta ei biepiepa zydua nama tao tyh aw.

RYHPACHANEINA 12:5

“Abeipa nama Khazohpa ta nama chi zydua hry liata a moh y nawpa ta â tlyhpa, a pahrâ nawpa su tlua aw ei chi ta, cha su lâ cha nama pangai tyh aw.

ZAWSUA 9:21

Hyutuhpazy ta, “Pahlôh thlâh ha suh u. Anodeikua zawpizy châta tho pakhytuhpa nata ti thaihtuhpa ta ama y aw,” tah ei ta. Chatanachata hyutuhpazy reipa hawhta tao ei ta.

ZAWSUA 9:26

Chatanachata Zawsua ta pha a tahnazie hawhta tao ta, âmo cha Izarei sawzy ku tawhta pachha ta, Izarei sawzy ta thie khao veih ei.