ZAWSUA 9:20 - Mara Bible RV (BSI)

²⁰ Hetana heta ama chô liata tao sih la, pahlôh thlâh ha suh u. Chataleipatala ama hnohta bie a vaw taih ha tlôh pi ta, eima chô liata Abeipa hiehâhna a vaw tlô pathlei aw na,” tah ei ta.

ZAWSUA 9:20 ပူးပေါင်းရင်းမြစ်များ

2 THÂTIHZYRONA 36:13

Khazohpa moh ta bie a pataihsa hapa Bei Nebukaneza chhao â chariah. A rao pachyupa ta, a palôh kuh pachhasa ta, Abeipa, Izarei Khazohpa lâ a heih khoh vei.

BIESOZY 20:25

A chatlie baikhaipa ta Abeipa lâ hmo hlâ awpa bie a taihpa cha, Â taihtuhpa châta khoheih châ ta; Bietai tao khai tawhta pachâ pathi heihpa chhao, Â taihtuhpa châta khoheih a châ hra.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

RAWMA 1:31

ahrupa, ngiapâ leipa, palôh a hnei leipa nata zawngiahna a hnei leipazy ama châ.

1 TIMAWTHY 1:10

apatlana moleina a taopazy, chapaw nata chapaw a patlapazy, sei patupa nata zuapa ta sôhpaliepazy, haihthaipazy, haipa ta bie a taihpazy nata biezyhpa dopa a chakhiapa maih châta taopa a châ tahpa pahno teh u.

ZAWSUA 9:19

Hyutuhpazy ta zawpi zydua hnohta, “Zehôvah, Izarei Khazohpa moh reipa ta ama hnohta bie a vaw taih ha pi ta, chavâta âmo cha hria hraoh ma pi.

ZAWSUA 9:21

Hyutuhpazy ta, “Pahlôh thlâh ha suh u. Anodeikua zawpizy châta tho pakhytuhpa nata ti thaihtuhpa ta ama y aw,” tah ei ta. Chatanachata hyutuhpazy reipa hawhta tao ei ta.