ZAWSUA 9:14 - Mara Bible RV (BSI)

¹⁴ Izarei sawzy ta viahchhâ cha nie pachhi ei ta, Abeipa pachâna deikua hiahri tua veih ei.

ZAWSUA 9:14 ပူးပေါင်းရင်းမြစ်များ

2 SAMUELA 2:1

Cha hnôh lâ liata hetana heta vaw châ ta, Dâvi cha Abeipa a saohiah ta, “Zu­dâh khihpi miakha lâ chhâ ei khy aw ma?” tah ta. Abeipa ta a hnohta, “Khy mah y,” tah ta. Dâvi ta, “Khataih lâ ma ei khy aw?” tah ta. Abeipa ta, “Hebraw lâ,” tah ta.

2 SAMUELA 5:19

Dâvi cha Abeipa a saohiah ta, “Philistinâ mo a dyuh awpa ta ei khy aw ma? Âmo cha ei ku liata eina pie aw chi ma?” tah ta. Abeipa ta Dâvi hnohta, “Khy mah y, Philistinâ mo cha na ku liata ei cha pie tlai aw,” tah ta.

EZRÂ 8:21

Chatawhcha keimo nata eima sawzy nata eima hmohneipazy lâpi liata â bohpa ta eima sie thei nawpa ta hiah awpa ta, eima Khazohpa hmiakô liata a panawhpa ta, kâhvileipa ta thlahchhâ awpa ta, Ahavâ chavah liata phuah na ta.

PUASAINA 28:30

Pachiana chachôhna vyhphao liata Uri nata Thumi soh aw chi ta, Abeipa hmiakô lâ Arawna a vaw tita, cha cha a pathipalôh liata y aw ta, chatanachata Izarei sawzy pachiana cha Arawna ta a pathipalôh liata khatino rai ta a theipa ta, Abeipa hmiakô liata â dua tyh awpa a châ.

MALUHREINA 27:21

Ano cha theihthaipa Eliaza hmiakô liata a duah aw ta, theihthaipa Eliaza ta Abeipa hmiakô liata Uri hmâpa ta pachiana bie a hiahripa tyh aw. Ano nata a hnohta a ypa Izarei zawpi zydua ano rei sai ta pua aw ei ta, ano rei sai ta amâ ngia aw,” tah ta.

ZÂMIE 1:5

Nama hry liata ahy rai sona â phahla khiahta cha, Khazohpa lâ hiah mawh sy. Khazohpa cha chyhsa zydua hnohta riaphapa nata maochhie leipa ta sona a pietuhpa châ ta, sona a phahlapa hnohta sona piepa a châ aw.

ZAWSUA 9:13

Kresawhti savo titheihzy chhao he, eima ryh nota cha a thiehpa châ ei ta, moh tua u, a pyu khai ha hih. Eima chysia nata eima pheikyzy chhao, eima vaw siena â hla kawpa vâta ama chy khai ha hih,” tah ei ta.

RYUREITUHPAZY 1:1

Zawsua a thi tawhta Izarei sawzy ta, “Kâna mo siehnao awpa ta ahy eima châta sie tua chai aw ta, âmo cha a kaw dyuh aw?” tahpa ta Abeipa hiahri ei ta.

RYUREITUHPAZY 20:18

Izarei sawzy cha thyu ei ta, Bethel lâ khy ei ta, Khazohpa a saohiah ei ta, “Benzami sawzy a dyuh awpa ta ahy ma a khy tuachai aw?” tah ei ta. Abeipa ta, “Zudâh ta a khy tuachai aw,” tah ta.

RYUREITUHPAZY 20:28

Arawna sawchapawpa Eliaza sawchapawpa Phinehâ ta Khazohpa Biehrai Byh hmiakô liata a chakao daihti a châ. Izarei sawzy ta, “Eima unawhpa Benzami sawzy a dyuh awpa ta eima khy heih aw ma, eimâ chalih ha bâ hri aw ma?” tah ei ta. Abeipa ta, “Khy teh u, mylâ nama ku liata âmo ei cha pie aw ei,” tah ta.

1 SAMUELA 22:10

Ano châta Ahimele ta Abeipa a saohiahpa ta, niedozy pie ta, Philistinâ chyhsa Kôliathâ zaozi kha a pie,” tah ta.