ZAWSUA 9:13 - Mara Bible RV (BSI)

¹³ Kresawhti savo titheihzy chhao he, eima ryh nota cha a thiehpa châ ei ta, moh tua u, a pyu khai ha hih. Eima chysia nata eima pheikyzy chhao, eima vaw siena â hla kawpa vâta ama chy khai ha hih,” tah ei ta.

ZAWSUA 9:13 ပူးပေါင်းရင်းမြစ်များ

MATHAI 9:17

Savo titheih parohpa liata kresawhti thiehpa ryh beih hra veih ei. Ama ryh khiahta cha, savo titheih cha pa aw ta, kresawhti a leih aw ta, savo titheih cha a parao ha aw. Kresawhti thiehpa cha savo titheih thiehpa liata ama ryh tyh, chatanachata amâ boh raihrie aw,” tah ta.

MÂKA 2:22

Ahy hmahta savo titheih parohpa liata kresawhti thiehpa ryh beih hra veih ei. Ama ryh khiahta cha, kresawhti ta savo titheih cha tôhchheih aw ta, kresawhti a leih aw ta, savo titheih chhao a rao aw. Kresawhti thiehpa cha savo titheih thiehpa liata ama ryh tyh,” tah ta.

LUKA 5:37

Ahy hmahta savo titheih parohpa liata kresawhti thiehpa ryh beih veih ei. Ama ryh khiahta cha, kresawhti thiehpa ta savo titheih cha tôhchheih aw ta, kresawhti cha a leih aw ta, savo titheih chhao a rao aw.

RYHPACHANEINA 29:5

Râhchawhpa liata kô sypalih cha chhihtha ei na ta, nama pôhpa liata nama chysiazy chy leipa ta, nama phei liata nama pheikyzy chy hra vei.

ZAWSUA 9:12

Nâmo lâ a vy awpa ta eima o tawhta eima vaw pua nota, eima viahchhâzy he a sah hôlôpa ta a vaw phao pi ta, châhrasala tahmâ cha moh tua u, chawhkarai khai ha ta, a maoh khai ha hih.

ZAWSUA 9:14

Izarei sawzy ta viahchhâ cha nie pachhi ei ta, Abeipa pachâna deikua hiahri tua veih ei.

ZAWSUA 9:4

piehpiepa ta hmotao ei ta. Sykhao nata kresawhti savo titheih chy karaopa, ahriepa nata baithlapazy ama alâzy paphaosa ei ta, lyuhchâpa hawhta a taopa ta Zawsua a kei tyh ei ta.

ZAWSUA 9:5

Pheiky chypa baithlapazy a ky ei ta, chysia parohpa ta a tobi ei ta, nie awpa ta amâ phaopa viahchhâzy chhao a chawhkaraipa nata a maohpazy a châ.