ZAWSUA 8:4 - Mara Bible RV (BSI)

⁴ Ama hnohta, “Nathlie teh u, khihpi cha a hnôh lâ tawhta namâ byh aw. Khihpi tawhta â hlapi ta y leipa aw ei chi ta, nama zydua ta amâ chiehpa ta nama y awpa a châ.

ZAWSUA 8:4 ပူးပေါင်းရင်းမြစ်များ

2 ABEIZY 7:12

Abei cha zâ ta thyu ta, a chakaotuhpazy hnohta, “Aramia mo miah ama taonazie ei cha chho aw ei. Eima nodizie he pahno ei ta, chavâta ‘Khihpi tawhta ama vaw pua tita, ahrohpa ta patu aw pi ta, khihpi chhôh lâ eimâ ngia aw,’ tahpa pachâpa ta, lyurâhpa liata a nyu awpa ta ama riehmo ama puasaipa a châ hih,” tah ta.

2 THÂTIHZYRONA 13:13

Châhrasala Zerôbaw ta Rehôbaw pheisaihzy cha ama hnôh lâ tawhta pua thlu awpa ta a pheisaihzy pabyhsa ta. Zerôbaw pheisaih thokha cha Zudâh pheisaihzy hmia lâta y ei ta, thokha ta Zudâh pheisaihzy cha ama hnôh lâ tawhta a byh ei ta.

BIECHHOTUHPA 7:19

Khihpi liata ryureituhpa pahrawh hlâta, Chyhsa sopa cha sona vâta a tha a tlô via.

BIECHHOTUHPA 9:16

Chyhsa sipasapa sona cha mohnaopa ta, a biezy nathlie vei hra ei sala, kei la, “Thatlôna hlâta sona a pha via,” ei tah pyly.

HMOTAOPAZY 23:21

Châhrasala ama bie vaw zo khah y. Ama chyhsa sypalih hlâta hluh via ta amâ byh thlâh haw. Cha chyhsazy chata Pawla ama thie hlâlei cha khâpa hmah nie leipa nata doh lei awpa ta bie a taih ei ta, tahmâ he na paryhsana hâpa ta amâ chiehpa ta ama y thlâh haw,” tah ta.

ZAWSUA 8:16

Khihpi liata a ypa zydua Izarei sawzy a chadai awpa ta a awpakhy ei ta. Zawsua cha a chadai ei ta, khihpi tawhta lâhlapi taih a chadai ei ta.

ZAWSUA 8:3

Chatanachata Zawsua nata pheisaih zydua cha Ai khihpi a dyuh awpa ta pua ei ta. Zawsua ta chyhsa thatlô riahphapa 30,000 a tlyh ta, âmo cha zâ ta pasiesa ta.

RYUREITUHPAZY 20:29

Chatawhcha Izarei ta Kibia khih chaby liata a byhtuhpazy soh ta.

RYUREITUHPAZY 20:33

Chatawhcha Izarei pheisaih zydua cha ama yna su tawhta thyu ei ta, Bâlâtamâ liata a pachyh ei ta, arulâta a byhtuhpa Izarei pheisaihzy chhao ta amâ byhnâ su Mârekebâ tawhta vaw pua ei ta.

RYUREITUHPAZY 20:36

Chatanachata Benzami sawzy cha ama nawh haw tahpa a pahno ha ei ta. Kibia chaby liata a byhtuhpa ama sopazy ama ngâpa vâta, Izarei pheisaihzy cha hnôh lâ a sypa ta, Benzami châta lâpi ama pahypa a châ.

RYUREITUHPAZY 9:25

Chatanachata Sekhe khih nôpawzy ta arulâta Abimele a byh awpa ta tlâh lakizy liata chyhsazy soh ei ta. Cha lâpi lâ tawhta âmo a vaw chapiapa maih ama hrao lymâ. Cha kyh cha Abimele chhopa châ ta.

RYUREITUHPAZY 9:32

Chavâta nâ nata na hnohta a ypa chyhsazy azo ta thyu u la, lyu liata a byh teh u.

1 SAMUELA 15:2

Abeipa Atotaotheipa ta hetana heta a tah: ‘Izarei chô liata Amale hmotaopa, Izi râh tawhta a kaw pua nota lâpi liata â vaw byhpa kha ei thei ngâ thlâh ha.

1 SAMUELA 15:5

Sawla cha Amale khihpi lâ sie ta, saikao liata a byh ta.