ZAWSUA 8:31 - Mara Bible RV (BSI)

³¹ Abeipa chakaotuhpa Mawsi ta Izarei sawzy hnohta bie a piepa, Mawsi ryhpa châbu liata ropa hawhta, alô khai leipa, ahy ta hmah thua chaihrai ama hmâ thlu leipa alô ta maisâh cha a tao. Cha liata Abeipa lâta raopa hlânazy hlâ ei ta, aryhna hlâna atheihnazy chhao ama hlâ.

ZAWSUA 8:31 ပူးပေါင်းရင်းမြစ်များ

2 ABEIZY 14:6

Châhrasala Mawsi Ryhpa Châbu liata, “Sawzy vâta pawzy thie awpa châ leipa ta, pawzy vâta sawzy thie awpa châ hra vei. Chyhsa to âmo moleina vâ chyu ta thie awpa a châ,” tahpa ta Abeipa ta bie a piepa hawhta, lianycheituhpa sawzy deikua cha thie vei.

2 ABEIZY 22:8

Theihthai beichaipa Hikia ta chârohtuhpa Sâphâ hnohta, “Abeipa o liata Ryhpa Châbu ei hmô haw,” tah ta. Hikia ta châbu cha Sâphâ pie ta, Sâphâ ta châbu cha reih ta.

2 THÂTIHZYRONA 25:4

Châhrasala Mawsi Ryhpa Châbu liata, “Sawzy vâta pawzy ama thi awpa châ leipa ta, pawzy vâta sawzy ama thi awpa châ hra vei. Chyhsa to âmo moleina vâta ama thi awpa a châ,” tahpa Abeipa biepiepa hawhta, ama sawzy deikua cha thie vei.

2 THÂTIHZYRONA 35:12

Mawsi Châbu liata ropa hawhta, vâtlâh châta Abeipa lâ hlâ awpa ta, a chhôh chhôh ta amâ pachhaihnazie hawhta raopa hlânazy ama rairuah. Viahchao tôhpazy chhao, cha hawna chata ama rairuah hra.

EZRÂ 6:18

Mawsi Châbu liata ropa hawhta, Zerusale liata Khazohpa chakao awpa ta theihthaipazy nata Livai pathlazy cha âmo py chyu liata y awpa ta raopa ama châ.

NEHEMIAH 13:1

Cha noh ta, zawpi theina liata Mawsi Châbu cha reih ei ta. Cha liata Amawna mo nata Môabâ mozy cha Khazohpa pakhypi liata amâ ngia cheita awpa châ vei tahpa ropa hmôpa châ ta.

PUASAINA 18:12

Mawsi puhpa Zetharô cha raopa hlâna nata Khazohpa lâta atheihnazy vaw cheih ta, Mawsi puhpa hnohta Khazohpa hmiakô liata viahchhâ nie awpa ta, Arawna nata Izarei machâ zydua a vy ei ta.

PUASAINA 24:5

Izarei sawzy hry ta satliazy tuah ta, âmo ta Abeipa lâ raopa hlâna hlâ ei ta, aryhna hlâna châta viahchao tôhpa ta a theih ei ta.

MATHAI 12:26

Sâtâ ta Sâtâ a papua khiahta cha, ano nata ano â dyuhpa châ ta, kheihta a khinarâh â duah thei aw?

RYHPACHANEINA 27:2

Abeipa nama Khazohpa ta râh a cha piepa ei lâ sie awpa ta Zawdâh nama chaka noh ta alô laipazy bô aw ei chi ta, alô baina ta nama patusa aw ei.

RYHPACHANEINA 27:8

He ryhpa bie zydua he, alôzy chô liana chata a sia ngaitapa ta nama roh awpa a châ,” tah ei ta.

ZAWSUA 1:8

Ryhpa Châbu heta na pakah a puasai awpa châ leipa ta, a chhôh liata bieropazy chhô nah zâ ta tlao na pachâ awpa a châ. Chatanachata ryhpa biezy cha pakhâta ta na zyh thei aw. Cha hawhta na tao khiahta cha, na lâpizy patlâ aw ta, na hlao a tloh aw.