ZAWSUA 8:3 - Mara Bible RV (BSI)

³ Chatanachata Zawsua nata pheisaih zydua cha Ai khihpi a dyuh awpa ta pua ei ta. Zawsua ta chyhsa thatlô riahphapa 30,000 a tlyh ta, âmo cha zâ ta pasiesa ta.

ZAWSUA 8:3 ပူးပေါင်းရင်းမြစ်များ

PUASAINA 17:9

Mawsi ta Zawsua hnohta, “Eima hry tawhta chapaw thokha a tlyh la, pua u la, Amale mo a kei dyuh teh u. Khazohpa chôchahrei chabapa ta, mylâ tlâh laki liata ei vaw duah aw,” tah ta.

MATHAI 24:39

Tipaua vaw tlô ta, ama zydua ta a pahlei khai hlâlei cha, khâpa hmah ama pahno leipa hawhna khata, Chyhsa Sawchapawpa avyheihna cha a châ aw.

MATHAI 24:50

cha chakaotuhpa zibeipa cha, a mokhâh leina noh nata a pahno leipa dawh liata a vy aw ta,

MATHAI 25:6

Zâcho ta, ‘Moh teh u, myuhneituhpa cha â vy haw! Dy awpa ta pua teh u,’ tahpa ta awhpa pyu vaw y ta.

1 THYSALAWNIKA 5:2

Abeipa Noh cha zâ ta parutuhpa hawhta a vaw tlô aw tahpa nâmo tlai ta a sia kawpa ta nama pahno.

ZAWSUA 10:7

Chatanachata Zawsua cha a pheisaih thatlôpa nata riahphapa zydua chhaota Kilkal tawhta khy ta.

ZAWSUA 8:2

Zerikô nata a khih bei chô liata na taopa hawhna khata, Ai khihpi nata a khih bei chô liata chhao na tao aw. Ai khihpi liata deikua cha hraona nata sahrohzy namâ la thei aw. Khihpi cha a hnôh lâ tawhta namâ byh aw,” tah ta.

ZAWSUA 8:4

Ama hnohta, “Nathlie teh u, khihpi cha a hnôh lâ tawhta namâ byh aw. Khihpi tawhta â hlapi ta y leipa aw ei chi ta, nama zydua ta amâ chiehpa ta nama y awpa a châ.

2 PITY 3:10

Abeipa Noh cha parutuhpa hawhta vaw tlô aw ta, cha noh liata avâzy cha thata arôhna chôta leidia aw ei ta, avâ liata hmo a ypazy cha mei ta pakâpa ta pahleipadiapa châ aw ta, alei nata a chhôh liata a ypa zydua chhao a leidia khai aw.

RYUREITUHPAZY 9:32

Chavâta nâ nata na hnohta a ypa chyhsazy azo ta thyu u la, lyu liata a byh teh u.