ZAWSUA 8:29 - Mara Bible RV (BSI)

²⁹ Ai khih bei cha zâlâ taih thokô liata pangieh ta, noh a tla nahta Zawsua ta biepie ta, a ri cha thokô tawhta la ei ta, khihpi angiana thokhy chhikao liata thy ei ta, a chô liata alô hluhpi pacho thlu ei ta, cha cha tanoh taihta a y thlâh haw.

ZAWSUA 8:29 ပူးပေါင်းရင်းမြစ်များ

2 SAMUELA 18:17

Absalaw ri cha la ei ta, râhmâhpa liata khaohtlô a thu ngaitapa liata thy ei ta, a chô liata alô hluhpi pacho thlu ei ta. Izarei zydua cha ama poh o chyu lâta a râ ha ei ta.

ESTHERI 7:10

Chatanachata Hâmâ cha Môdekai paaosao nawpa ta a taopa liata paaosao ei ta. Cha khai tawhta abei pathiiana cha dia ha ta.

HLAZY 107:40

Ama chhituhpazy chô liata mohnaona lei thlu ta, Lâpi y leina râhchawhpa liata a paviavisa ei.

HLAZY 110:5

Ei Beipa cha na chachâh lâta y ta, A hiehâhna noh liata beizy a chhawh pathlah aw.

ZAWHÂNA 19:31

Pachynoh châ ta, rizy cha Pahânoh ta kraws liata y thlâh awpa a châ leipa vâta, cha Pahânoh cha noh rônahpa châ tlôh ta, Zuzy ta Pilâ hnohta ama pheizy thliepa ta, ama ri cha la ha awpa ta a haw ei ta.

HMOTAOPAZY 12:23

Herawda cha Khazohpa hnohta palyupalihna a pie leipa vâta, eikhapi ta Abeipa vâlyuhchâpa ta vaw tu ta, alôpa ta nie ta, thi ha ta.

ZAWSUA 10:30

Abeipa ta Libnâ cha a khih bei chhaota Izarei ku liata pie ta. Khihpi cha a dyuh ta, a chhôh liata a ypa chyhsa zydua cha zaozi ta thie khai ta, chyhsa pakha hmah khihpi chhôh liata pahlôh vei. Zerikô bei chô liata a taopa hawhta, cha khih bei chô liata chhao tao ta.

ZAWSUA 10:33

Keze bei Hôrâ cha Lakhi khihpi bao awpa ta khy ta. Zawsua ta ano nata a sahlaozy cha pakha hmah pahlôh leipa ta thie khai ta.

ZAWSUA 12:9

Bei a pahniepazy cha Zerikô bei pakha, Bethel kiapâh ta Ai bei pakha,

ZAWSUA 7:26

A chô liata alô hluhpi pacho thlu ei ta, cha cha tanoh taihta a y thlâh haw. Chatanachata Abeipa cha a pathiiana ru ngaitapa tawhta â palie haw. Chavâta cha su cha tanoh taihta Akhôrâ Saikao tahpa a châ.

ZAWSUA 8:23

Ai khih bei cha ahrohpa ta patu ei ta, Zawsua lâ a vaw chhi ei ta.