ZAWSUA 8:2 - Mara Bible RV (BSI)

² Zerikô nata a khih bei chô liata na taopa hawhna khata, Ai khihpi nata a khih bei chô liata chhao na tao aw. Ai khihpi liata deikua cha hraona nata sahrohzy namâ la thei aw. Khihpi cha a hnôh lâ tawhta namâ byh aw,” tah ta.

ZAWSUA 8:2 ပူးပေါင်းရင်းမြစ်များ

2 THÂTIHZYRONA 13:13

Châhrasala Zerôbaw ta Rehôbaw pheisaihzy cha ama hnôh lâ tawhta pua thlu awpa ta a pheisaihzy pabyhsa ta. Zerôbaw pheisaih thokha cha Zudâh pheisaihzy hmia lâta y ei ta, thokha ta Zudâh pheisaihzy cha ama hnôh lâ tawhta a byh ei ta.

2 THÂTIHZYRONA 20:22

Reithaina hla ama sa pathaopa nahta, Abeipa ta Zudâh a dyuh awpa ta a vaw puapa Amawna mo, Mô­abâ mo nata Seirâ Tlâh mo a byh awpazy soh ta, âmo cha ama pahnie haw.

HLAZY 39:6

A châ na, chyhsapa he la, Nohpahlipa hawh dei ta khizaw liata charei ta, Hraoleipa hmo liata a tymâpa ta, A chhâna lâta ahy ma a pakhy aw tahpa pahno leipa ta, Sôh hluhpi a pachô.

BIESOZY 13:22

Chyhsa phapa cha a samohzy to awpa taihta ryu siesai ta, Moleipa sôh deikua cha mosiapa châta pachôpa a châ.

BIESOZY 28:20

Chyhsa ngâchhihpa cha byhnâ hluhpi to aw ta, Hneirôh patoh a chhuahpa deikua cha hrie leipa ta pua aw vei.

ZEREMIAH 17:11

Hmo doleipa taopa ta a hneirôhpa cha, Ano tih leipazy tlô ta a pakeisapa Bykheihpa hawhta a châ; A lochona daihti liata ano cha siesai aw ei ta, A chhâna lâta cha ahrupa lâta a pua aw.

ZEREMIAH 51:12

Babylaw thokhyzy cha ngiana poh chaluah chie u la, Khihpi vaina cha thapatlô teh u; Vaituhpazy soh u la, A byh nawpazy a chhuanoh teh u; Babylaw chyhsazy kyh a reipa kha, Abeipa ta a chhuanoh ta a tao ha hih.

RYHPACHANEINA 2:35

Eima lapa khihpizy eima hraona sôhthih nata sahrohzy deita keimo châta eimâ la.

RYHPACHANEINA 20:14

Chanôzy, hawtizy, sahrohzy nata khihpi liata hmo a ypa zydua deikua cha, hraona sôh ta a la aw chi ta, chariahzy nama hraona sôh, Abeipa na Khazohpa ta a cha piepa ei cha nama châta a châ aw.

RYHPACHANEINA 3:2

Abeipa ta ei hnohta, ‘Ano kha chi khah y, ano nata a chyhsa zydua nata a râh na ku liata ei cha pie haw. Hesbaw liata a pahrâpa Amawri bei Sihaw chô liata na taopa hawhna khata, ano chô liata chhao na tao aw,’ tah ta.

ZAWSUA 10:1

Zerusale bei Adônizede ta Zawsua ta Ai khihpi la ta, parao khai ta, Zerikô nata a khih bei a paraopa hawhta, Ai khihpi nata a khih bei chhao a parao khai hapa thâtih thei ta. Kibiô khihsawzy cha Izarei nata aryhna biehrai tao ei ta, Izarei hry liata ama pahrâ hapa thâtih chhao thei ta.

ZAWSUA 10:28

Cha noh ta Zawsua ta Mâkedâ khihpi cha la ta. Khihsawzy nata ama khih bei cha zaozi ta thie ta, cha khihpi liata a ypa zydua pamo khai ta, pakha hmah pahlôh vei. Zerikô bei chô liata a taopa hawhta, Mâkedâ bei chô liata chhao tao ta.

ZAWSUA 11:14

Cha khihpizy hraona sôh zydua nata sahrohzy cha, Izarei sawzy ta hraona sôh châta a la ei ta, chyhsapa deikua cha ama pahleipadia khaina taihta zaozi ta thie ei ta, husona a hneipa khâpa hmah pahlôh veih ei.

ZAWSUA 6:21

Khihpi liata a ypa zydua, chanô chapaw, hawti machâ, viahchao, mietaku nata alâ zy zaozi ta ama thie khai haw.

ZAWSUA 8:12

Pheisaih 5,000 a chhi ta, khihpi notla lâ chhâh Bethel nata Ai likawh liata pabyhsa ta.

ZAWSUA 8:14

Ai khih bei ta Izarei pheisaihzy cha a hmô nahta, ano nata a khihsawzy cha a parapa ta mydi ta thyu ei ta, Arabâ dady su raopa liata Izarei a dyuh awpa ta pua ei ta. Châhrasala khihpi hnôh lâ tawhta amâ vaw byhpa pahno leipa ta.

ZAWSUA 8:19

Abyhtuhpazy ta ama yna tawhta thlai vaw thyu ei ta, Zawsua ta a ku a pazawhpa nahta, a râ ei ta, khihpi liata a ngia ei ta. Khihpi cha la ei ta, mei ta thlai ama rao pâ haw.

ZAWSUA 8:24

Izarei sawzy ta Ai khihpi chyhsa zydua cha amâ vaw chadaina lyurâhpa nata râhchawhpa suzy liata thie ei ta, ama zydua ta zaozi ta ama thie khai nahta, Izarei saw zydua cha Ai khihpi lâ a lie ei ta, khihpi chhôh liata a ypazy cha zaozi ta thie ei ta.

ZAWSUA 8:3

Chatanachata Zawsua nata pheisaih zydua cha Ai khihpi a dyuh awpa ta pua ei ta. Zawsua ta chyhsa thatlô riahphapa 30,000 a tlyh ta, âmo cha zâ ta pasiesa ta.

ZAWSUA 8:7

Chatawhcha namâ byhna su tawhta vaw pua aw ei chi ta, khihpi cha nama chho aw. Abeipa nama Khazohpa ta nama ku liata a cha pie aw ei.

ZAWSUA 8:8

Khihpi nama lapa nahta, khihpi cha mei ta nama tô aw. Abeipa bie hawhta nama tao awpa a châ. Pachâ teh u, bie ei cha pie ei hih,” tah ta.

ZAWSUA 8:9

Chatawhcha Zawsua ta âmo cha pasiesa ta. Abyhna su lâ cha sie ei ta, Ai khihpi notla lâta Bethel nata Ai likawh liata y ei ta. Zawsua deikua cha, cha zâ cha zawpizy hnohta a rie ta.

ZAWSUA 9:3

Châhrasala Kibiô khihsawzy ta Zerikô nata Ai khihpizy chô liata Zawsua hmotaopazy ama thei nahta,