ZAWSUA 8:1 - Mara Bible RV (BSI)

¹ Abeipa ta Zawsua hnohta, “Chi leipa la, thlazohpa ta y hra khah y. Adyuhna lâ a sie thei awpa chyhsa zydua na hnohta a chhi la, thyu la, Ai khihpi lâ sie teh. Pachâ teh, Ai khih bei nata a chyhsazy, a khihpi nata a râh na ku liata ei cha pie haw.

ZAWSUA 8:1 ပူးပေါင်းရင်းမြစ်များ

HLAZY 27:1

Abeipa cha ei khaihna nata ei pachhana châ ta, Ahy ei chi aw? Abeipa cha ei hrona thokhy châ ta, Ahy ei chi aw?

HLAZY 44:3

Ama zaozi ta râh he pahnie leipa ei ta, Ama bâh ta pachhana tlôkhei hra veih ei; Ama chô liata nâ lypa vâta, Na ku chachâh lâ nata nâma bâh tlai ta âmo cha pachha chi ta, Na hmia khaihna ta na pachha ei.

HLAZY 46:11

Pheisaihzy Abeipa eima hnohta y ta, Zakaw Khazohpa cha eimâ bohna thokhy a châ. Selah

ISAI 12:2

Moh teh u, Khazohpa cha ei pachhana châ ta, Ano cha ngâ aw na ta, chi aw va na. Abeipa, Abeipa tlai cha ei tha­tlôna nata ei hla châ ta, Ano cha ei pachhana a châ.”

ISAI 43:2

Tizy na chaka nota, Na hnohta y awh na ta; Chavahzy na chaka nota, Cha vao aw veih ei. Mei hry liata na sie nota, Cha kâ leipa aw ta, Meipaleih ta cha palâ aw vei.

ZEREMIAH 46:27

“Nâ deikua cha, Hy Zakaw, Nâ chakaotuhpa y, chi leipa la, Hy Izarei, riahchhiepa ta y khah y. Pachâ teh, lâhlapi tawhta cha pachha aw na ta, Na chipathlazy cha, Ama seichâna râh tawhta ei pachha aw ei. Zakaw cha vaw kua aw ta, Sidiapa nata chhôhmohpa ta a y aw; Ahy ta hmah pachisa khao aw veih ei.

ZEREMIAH 49:3

“Hy Hesbaw, sâh teh, Ai khihpi paraopa ta a y ha hih! Râbâ sawchanôzy saih u, cha teh u! Mikô cha seichâna lâ a sie aw, A theihthaipazy nata a beimachâzy chhaota. Chavâta latho poh a bupa ta chaphôh tu u la, Thokhyzy chhôh liata a râhreih teh u!

DÂNIAH 2:21

Daihti nata khihchâh zy panano ta, Abeizy pabâ ta, abeizy a padua; Asopazy hnohta sona pie ta, Pahno thaipazy hnohta novâhna a pie.

DÂNIAH 4:25

Chyhsa hry tawhtapa papuapa ta y aw chi ta, na pahrâna cha râhsazy hry liata a châ aw. Viahchao hawhta sibiepa pabâsapa châ aw chi ta, avâ diati ta padâpa na châ aw. Chônôchaipa ta chyhsa khinarâhzy chô liata ryureih ta, a pie khohpa hnohta khinarâh a pie tyh, tahpa na pahno hlâlei cha na châta daihti mia sari a khô aw.

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

MATHAI 8:26

Zisu ta ama hnohta, “Ngiapâna chyhpa saih u, khazia nama chi?” tah ta. Thyu ta thlihzy nata tichatlaopa cha ra ta, sidia ha ta.

RYHPACHANEINA 1:21

Moh teh u, Abeipa nama Khazohpa ta nama hmiakô liata râh a cha sopa ei. Khy u la, Abeipa, châ pathlatuhpazy Khazohpa ta a cha chhopa hawhna ei khata, râh cha kaw pahrâ teh u. Chi leipa u la, riahchhiepa ta y hra khuh vy,’ cha tah ei na ta.

RYHPACHANEINA 31:8

Abeipa nama hmia lâta sie aw ta, nama hnohta y aw ta, cha siesai beih leipa aw ei ta, cha pathlua beih aw veih ei. Chi leipa u la, a ngiaroh hra khuh vy,” tah ta.

RYHPACHANEINA 7:18

Âmo cha nama chi awpa châ vei. Phiraoh nata Izi râh zydua chô liata Abeipa nama Khazohpa hmotaopa kha a thei thlâh ha teh u.

RYHPACHANEINA 7:21

Âmo cha nama chi awpa châ vei. Abeipa nama Khazohpa, Khazoh rônahpa nata chichhihpa nama hnohta a y.

ZAWSUA 1:9

Bie cha pie va na mâ? Thatlôpa nata riahphapa ta y teh. Chi leipa la, ngiarohpa ta y hra kha. Abeipa na Khazohpa cha na siena maihta na hnohta a y lymâ aw,” tah ta.

ZAWSUA 10:7

Chatanachata Zawsua cha a pheisaih thatlôpa nata riahphapa zydua chhaota Kilkal tawhta khy ta.

ZAWSUA 10:8

Abeipa ta Zawsua hnohta, “Kha chyhsazy kha chi khah y. Âmo cha na ku liata ei cha pie haw. Na hmiakô liata a duah thei awpa ama hry liata pakha hmah y aw veih ei,” tah ta.

ZAWSUA 2:24

Zawsua hnohta, “Abeipa ta râh zydua eima ku liata miah a vaw pie ha tlai na. Cha râh liata a pahrâpa zydua keimo vâta ama zao khai haw,” tah ei ta.

ZAWSUA 6:2

Abeipa ta Zawsua hnohta, “Moh teh, Zerikô khihpi cha a khih bei nata a chyhsa thatlô riahphapazy chhaota na ku liata ei cha pie haw.

ZAWSUA 7:9

Cha thâtih cha Kâna mo nata a râh liata a pahrâpa zydua ta thei aw ei ta, miah dôh aw ei ta, alei chô tawhta eima moh ama pahlei ha aw he zaw! Chata a châ khiahta cha, na moh rônahpa pabohsa awpa ta kheihta ma na tao khao aw?” tah ta.