ZAWSUA 7:4 - Mara Bible RV (BSI)

⁴ Chatanachata zawpi hry tawhta chyhsa sâh thôh rachhôh khy ei ta, châhrasala Ai khihsawzy hmiakô liata amâ râpai haw.

ZAWSUA 7:4 ပူးပေါင်းရင်းမြစ်များ

HLAZY 89:43

A zaozi hâh pakosa chi ta, Adyuhna liata a duah thei awpa ta tao khao va chi.

ISAI 30:17

Chyhsa pakha pachhiparypa ta, Sâh kha a râ aw ei ta; Chyhsa papangawh pachhiparypa ta, Namâ râ khai aw. Achhâna lâta cha, Tlâhpi laki liata pohraipa tôh hawhta, Siesaipa châ aw ei chi ta; Tlâhthlôh liata ngiana poh hawhta, Siesaipa nama châ aw.

ISAI 59:2

Châhrasala nama paraonazy ta Nama Khazohpa nata cha pachhaih ei ta; Nama moleinazy ta A hmia a khu haw; Chavâta nama thlahchhâna thei vei.

THEIHTHAINA 26:17

Châ heihnao aw ei na ta, nama chariahpazy hmiakô liata nama nawh aw. Châ haotuhpazy ta nama chô liata ryureih aw ei ta, ahy hmahta châ chadai leipa ta namâ râpai aw.

RYHPACHANEINA 28:25

“Abeipa ta nama chariahzy hmiakô liata cha panawh aw ei ta, âmo a dyuh awpa ta lâpi miakha a chhih aw ei chi ta, lâpi miasari lâta ama hmiakô liata namâ râpai aw. Chatanachata khizaw khinarâh zydua chipa ta a paysatuhpa nama châ aw.

RYHPACHANEINA 32:30

Kheihta ma pakha ta sâh kha a chadai thei aw ta, Pano ta thy kha ama parâpaisa thei aw? Ama Lôpanô ta âmo cha zuah ha ta, Abeipa ta a uasa khao leipa vâ ei ta châ vei ma?

ZAWSUA 7:3

Zawsua lâ zâ lie ei ta, a hnohta, “Chyhsa zydua khy hlei khah ei sy. Chyhsa sâh no tlyma, sâh thôh tlyma khy ei sala, Ai khihpi cha a kaw dyuh mawh ei sy. Ai khihpi cha maluh chyhta dei châ ei ta, chavâta chyhsa zydua rie pathei awpa byuh vei,” tah ei ta.