ZAWSUA 7:26 - Mara Bible RV (BSI)

²⁶ A chô liata alô hluhpi pacho thlu ei ta, cha cha tanoh taihta a y thlâh haw. Chatanachata Abeipa cha a pathiiana ru ngaitapa tawhta â palie haw. Chavâta cha su cha tanoh taihta Akhôrâ Saikao tahpa a châ.

ZAWSUA 7:26 ပူးပေါင်းရင်းမြစ်များ

2 SAMUELA 18:17

Absalaw ri cha la ei ta, râhmâhpa liata khaohtlô a thu ngaitapa liata thy ei ta, a chô liata alô hluhpi pacho thlu ei ta. Izarei zydua cha ama poh o chyu lâta a râ ha ei ta.

2 SAMUELA 21:14

Sawla ruzy nata a sawchapawpa Zawnathâ ruzy cha Benzami râh Zelâ khih liata a paw Kisâ thlâ liata pabu ei ta. Abei biepiepa zydua tao lymâ ei ta. Cha khai tawhta cha, Khazohpa ta râh châta thlahchhâna cha chyh-ei ha ta.

2 THÂTIHZYRONA 29:10

Keimo tawhta a hiehâhna ru ngaitapa pakuasapa ta a y thei nawpa ta, Abeipa Izarei Khazohpa hnohta biehrai tao khona palôh ei hnei.

EZRÂ 10:14

Eima beimachâzy ta Zawpi zydua vyuhpa ta a duah ei sala, eima khihpizy liata chihropa lapinô a hneipa zydua cha, khihpi to liata machâzy nata ryureituhpazy chhaota, amâ vy nawpa daihti raopa liata a vy lymâ ei sala, chihropa lapinô ta hneipa vâta eima chô liata Khazohpa pathiiana ru ngaitapa cha pakuasapa a châ hlâlei, cha hawhta tao lymâ mawh ei sy,” tah ei ta.

HLAZY 85:4

Hy eima pachhana Khazohpa, Miah paduapathi heih la, Eima chô liata na ruchhôna papai mah y!

PUASAINA 32:12

Izi mo ta, ‘Izarei sawzy cha tlâhzy liata thie ta, alei chô tawhta âmo pamuapa ta, ama chô liata chhiena patlôsa awpa ta, Khazohpa ta â chhi papua ei,’ ama cha tah aw mâh tâh? Na hiehâhna ru ngaitapa cha padia la, na palôh panano la, na phopi chô liata chhiena patlôsa nâ chhuahpa cha, rie patlôsa khah y.

ISAI 40:2

Zerusale cha bie pha a chho u la, A hnohta, Â dyuhna chhâ ha ta, A paraona a ngiahthaipa a châ haw; A moleina zydua vyuhpa ta, Abeipa ku tawhta a lie no ta a hmô haw, Tahpa ta chho teh u.

ISAI 65:10

Saraw bypi cha, Nâ tluatuhpa ei phopi châta Mietaku zawzy tlaihna châ aw ta, Akhaw Saikao chhao, Viahchao hrizy abyuna su a châ aw.

CHAPHÔHTUNA 3:53

Ahrohpa ta khaohtlô liata na pathla ei ta, Alô ta eina vawh ei;

HÔSIA 2:15

Cha liata a kre sadôzy pie pakhua aw na ta, Akhaw Saikao cha, Hnabeiseihna ochhi ta ei tao aw. A thyutlia daihti hawhna khata, Na chyh-ei heih aw ta; Izi râh tawhta a kaw puana no hawhna khata, Eina chyh-ei heih aw.

HÔSIA 2:17

“Bâlâ mohzy a pakah tawhta thy aw na ta, Ama mohzy reipa châ beih khao aw vei.

ZÔELA 2:13

“Nama poh châ leipa ta, Nama pathipalôh hrie teh u,” Abeipa ta a tah. Abeipa nama Khazohpa lâ kua teh u, Ano cha ngiachhiena nata zawngiahna a hneipa châ ta, Nônaina nata kyhpachâna ta a biepa a châ; Chhiena patlôsa lei awpa ta A palôh a panano theipa a châ.

ZÔELA 2:18

Chatawhcha Abeipa ta A râh cha a hiatlia ta, A phopi cha ngiachhie heih ta.

ZAWNA 1:15

Chatawhcha Zawna cha chalo ei ta, tilaipi lâ pazaw ei ta, tilaipi a chatlaopa cha a chalih ha ta.

ZEKARIA 6:8

Chatawhcha Vâlyuhchâpa ta ei hnohta, “Moh teh, maw râh lâta a siepazy khata, maw râh liata ei Thlahpa ama pahâsa haw,” tahpa ta na chho ta.

MALUHREINA 25:8

Izarei chyhsa cha poh o chhôh lâ a ngiahnao ta, Izarei chyhsa nata chanô cha ama pano ta ama py liata a chô ta. Chatanachata potlana cha Izarei sawzy tawhta a pai haw.

RYHPACHANEINA 13:17

Hraona sôh hmoziehpazy kheihawhpa hmah nama hria awpa châ vei. Chatanachata Abeipa cha a hiehâhna ru ngaitapa tawhta a palôh pananopa ta, a zawngiahna nama chô liata palâsa aw ta, châ pathlatuhpazy hnohta bie â taihpa hawhta, cha ngiachhie aw ei ta, a cha papôh aw ei.

RYHPACHANEINA 13:18

Cha hawhta a châ thei nawpa ta, Abeipa nama Khazohpa ao nathlie aw ei chi ta, a mohmô liata hmo dopa taopa ta, tanoh ta ei cha piepa ei Abeipa nama Khazohpa biepiepa zydua he nama zyh khai awpa a châ.

ZAWSUA 10:27

Noh a tla nahta, Zawsua ta biepie ta, thokô tawhta la ei ta, amâ nyuna lôpu liata thy ei ta, lôpu paka cha alô laipazy ta pamai ei ta, cha hawhna chata tanoh taihta a y thlâh haw.

ZAWSUA 7:24

Zawsua nata Izarei saw zydua ta Zerâ sawchapawpa Âkhâ cha tâkâ, poh, ngôh tlo, a sawchapawzy, a sawchanôzy, a viahchaozy, a alâzy, a mietakuzy, a poh o nata a hneipa zydua chhaota a chhipa ta, Akhôrâ Saikao lâ khykhei ei ta.

ZAWSUA 8:29

Ai khih bei cha zâlâ taih thokô liata pangieh ta, noh a tla nahta Zawsua ta biepie ta, a ri cha thokô tawhta la ei ta, khihpi angiana thokhy chhikao liata thy ei ta, a chô liata alô hluhpi pacho thlu ei ta, cha cha tanoh taihta a y thlâh haw.