ZAWSUA 7:21 - Mara Bible RV (BSI)

²¹ Hraona sôhzy hry liata Sinâ poh pha ngaitapa nata tâkâ sekel za no nata ngôh tlo sekel sypangawh a hripa hmô na ta, ei hia na tlia ngaita ta, ei vaw la haw. Ei poh o chhôh liata alei ry liata nyu na ta, a ry chai liata tâkâ a y,” tah ta.

ZAWSUA 7:21 ပူးပေါင်းရင်းမြစ်များ

ÂTHAONA 10:10

Ano râh athaona cha Sinâ râh liata Babylaw, Ere, Akadâ nata Kalne khihzy ama châ.

ÂTHAONA 3:6

Chanô ta tho theipa cha moh ta, nie awpa châta phapa nata mo la ngaitapa a châpa ta hmô ta, sona hnei thei nawpa tho thei hiatlia chhihpa a châzie a pahno nahta, a thei cha lyu ta, nie ta, a hnohta a ypa a vahpa chhao pie ta, ano chhao nie hra ta.

ÂTHAONA 34:27

Zakaw sawchapawzy cha ama thiepazy lâ vawh ei ta, ama sietanô ama papuapaleipa vâta, khihpi cha hrao ei ta.

ÂTHAONA 6:2

Khazohpa sawchapawzy ta chyhsapa sawchanôzy cha chhithai tah kaw ei ta, ama khopa chyu lapinô ta hnei ei ta.

2 SAMUELA 11:2

Noh kha cha zâlâ nohtla chy ta Dâvi cha a rakhô tawhta thyu ta, abei o vâphuh liata a hlaihlâ ta, vâphuh tawhta chanô pakha a ngai a si ngâpa za hmô ta, cha chanô cha a chhithai ngaitapa châ ta.

2 ABEIZY 7:8

Phawhpazy cha riehmo tytuapa ama kei tlô nahta, poh o miakha chhôh lâ a ngia ei ta, niepa ta doh ei ta. Cha liata tâkâ nata ngôh nata chysiazy la ei ta, pua ei ta, kei nyu ei ta. Vaw kua ei ta, poh o hropa liata a ngia heih ei ta, cha liata hmozy cha la ei ta, pua ei ta, kei nyu ei ta.

ZAWBÂ 31:1

“Ei mo châta biehrai tao ha na ta, Kheihta ma laihsa kôpa cha ei moh thei aw?

HLAZY 119:37

Ei mo he hraoleipa hmozy mona tawhta paheisaisa la, Na lâpizy achhihna liata hrona na pie mah y.

PUASAINA 20:17

“Na vaih o na uahva awpa châ vei. Na vaih lapinô na uahva awpa châ leipa ta, a seichapaw tlyma, a seichanô tlyma, a viahchao tôhpa tlyma, a alâ tlyma, na vaih hmo kheihawhpa rai na uahva awpa châ vei,” tah ta.

BIESOZY 1:19

He he avyuhna ta athôhna a chadaipa karâypa chyhsa zydua chhâna a châ, Avyuhna ta hneipa sôh chata a hneituhpazy hrona a pahlei tyh.

BIESOZY 23:31

Kresawhti a saih nota moh leipa la, Nyu liata a rôh â ngia kawpa chhao moh hra leipa la, A loh zaolao ngâpa chhao moh hra khah y.

BIESOZY 28:22

Chyhsa riakhiehpa cha hneirôh awpa ta a para ta, Leina ta a vaw tlô thlu aw tahpa pahno vei.

BIESOZY 4:23

Na palôh pakhâta ta vaih mah y, Hrona tihnawh vaw puana châ tlôh ta.

ISAI 28:15

“Thina nata bie hraih ha pi ta, Athihkhih nata bie eimâ taih hawh; Eima boh nawpa ta haipa bie reih pi ta, Bie doleipa liata eimâ chhai hapa vâta, Tisaih a tlô tita chhao miah pha aw vei,” Nama tahpa vâta,

ISAI 29:15

Ama ryhraopa Abeipa tawhta nyu awpa ta, Su a thu ngaitapa lâ a pangaipazy cha, Ama hu a po na! Zohna ry liata hmo tao ei ta, “Ahy ma miah a hmô aw? Ahy ma miah a pahno aw?” Ama tah tyh.

HABAKU 2:9

“Chhiena ku thatlôna tawhta a boh awpa ta, Su sâhpa liata a bu a tu thei nawpa ta, A chhôhkha châta athôhna doleipa a tluapa cha, A hu a po na!

LUKA 12:15

Ama hnohta, “A chado u la, uahvana kheihawhpa lia rai ta a vaih teh u. Sôh hluhpi hneipa he chyhsapa hrona chhâpa châ vei,” tah ta.

LUKA 12:2

A lâ lei awpa ta khupa khâpa hmah y leipa ta, pahno lei awpa ta nyupa khâpa hmah y vei.

EPHESI 5:3

Mopathaihpazy nama châ tawhta cha, apatlana, puana zydua nata uahvana zy nama hry liata a rei chhao reipa châ khah sy.

EPHESI 5:5

He he a siapa ta pahno teh u: Apatlana moleina a taopa tlyma, chyhsa puapa tlyma, uahvana a hneipa tlyma, cha hawhpa chyhsazy chata Krista nata Khazohpa khinarâh liata ryu to hnei aw veih ei. Uahvana a hneipa cha nothlahpa achhypa a châ.

RYHPACHANEINA 7:25

Ama khazoh nothlahpazy mei ta rao aw ei chi ta, cha liata a ypa tâkâ tlyma, ngôh tlyma, nama uahva awpa châ leipa ta, nama châta namâ la awpa châ hra vei. Chataleipatala khazoh nothlahpazy liata namâ ao pathlei aw, khazoh nothlahpa cha Abeipa nama Khazohpa châta pasichhihpa châ tlôh ta.

KAOLAOSÂ 3:5

Chavâta khizaw hro nâmo liata a ypa, apatlana, puana, parâna, molei khona nata uahvana zy cha thie teh u. Uahvana cha nothlahpa achhyna a châ.

HEBRAI 13:5

Nama hro cha tâkâ sôh tlaichhaina a hlao leipa châ sala, nama hneipa rakha liata palôhtlâh a pao muh vy. Abeipa ta, “Cha pathlua beih leipa aw ei na ta, cha siesai beih aw veih ei na,” a tah.

ZÂMIE 1:15

Aohraohna ta saw phaoh ta, moleina sa ta, moleina cha a vaw pitloh nahta, thina a tlôkhei tyh.

ZAWSUA 7:20

Âkhâ ta Zawsua cha a chhy ta, a hnohta, “Zehôvah, Izarei Khazohpa chô liata hmo ei vaw parao ha tlai. He he ei hmotaopa cha a châ:

ZAWSUA 7:22

Zawsua ta lyuhchâpazy tuah ta, poh o lâ cha a râ ei ta, hraona sôhzy cha a poh o liata nyupa châ ta, a ry chai liata tâkâ vaw y thlâh ha ta.

2 PITY 2:15

Lâpi dopa tleisai ei ta, ama pavia haw. Hmo doleipa taopa tawhta athôhna hmô a tlaichhaipa Beô sawchapawpa Bâlâma lâpi amâ chhih.