ZAWSUA 7:15 - Mara Bible RV (BSI)

¹⁵ Ahy rai châ sala, pahleipadia awpa hmo a hnohta hmôpa a châ khiahta cha, Abeipa biehrai parao ta, Izarei liata hmo pha lei ngaitapa a taopa vâta, cha chyhsa cha, a chhôhkha nata a hneipa zydua chhaota mei ta rao awpa a châ,” tah ta.

ZAWSUA 7:15 ပူးပေါင်းရင်းမြစ်များ

ÂTHAONA 34:7

Thâtih ama pahnopa nahta, Zakaw sawchapawzy cha râh lâ tawhta vaw tlô ei ta. Sekhe ta Zakaw sawchanô a ziakhei ta, Izarei sahlao chô liata hmo molei ngaitapa, hmo tao chachei lei awpa a taopa vâta, ama palôh pasapa ta, ama hiehâh ngaita ta.

2 SAMUELA 13:13

Kei he ei noh vaw zao ha sala, ahy hnohta ma ei tlôkhei khao aw? Nâ chhao, Izarei liata chyhsa hrupa ta pachâpa na châ aw mâh tâh. Chavâta tahmâ, ngiachhiepa ta abei chho mah y, eina hnei awpa chi cha paryhsa leipa ta y aw vei,” tah ta.

ZAWSUA 7:11

Izarei ta hmo a parao haw. Ama hnohta bie ei piepa, ei biehrai parao ei ta, pahleipadia awpa hmo thokha amâ la haw. Hmo paru ei ta, haipa bie reih ei ta, ama parupazy cha ama hmo hry liata ama nyu.

ZAWSUA 7:16

Zawsua cha mydi ta thyu ta, Izarei cha a chi chi ta vaw paluahsa ta, Zudâh chi chakhipa a châ.

RYUREITUHPAZY 20:10

Pheisaihzy niedo a hlâ awpa ta, Izarei chi zydua hry tawhta chyhsa za kha liata pahrawh, sâh kha liata za kha, thy kha liata sâh kha lymâ ta eima la aw. Chatanachata pheisaihzy ta Benzami chi Kibia khihpi cha siehnao aw ei ta, Izarei liata hmo pasichhih ngaitapa ama taopa cha viari ama vaw thô aw,” tah ei ta.

RYUREITUHPAZY 20:5

Kibia chhituhpazy ta thie nâ chhuah ei ta, zâ ta nâ vyhnaopa ta, ei tlôna o vaw dôh ei ta. Ei nôtho patupakhi ei ta, a thina taihta ama ykhei.

RYUREITUHPAZY 20:6

Hmo pasichhihpa nata nozachhihpa Izarei liata ama taopa vâta, ei nôtho ri cha la na ta, a vyuh vyuh ta pachhaih na ta, Izarei ryuto râh zydua lâ ei paphao ei.

1 SAMUELA 26:21

Sawla ta, “Ei vaw molei ha na. Vaw kua ha mah y, ei sawchapawpa Davi. Ei hrona he na mohmô liata tanoh sôh ngaita ta, chavâta kheihta hmahta cha tah khao aw va na. Moh teh, hru kawpa ta hmo vaw tao na ta, ei vaw tao chhei ngaita,” tah ta.