ZAWSUA 7:12 - Mara Bible RV (BSI)

¹² Chavâta Izarei sawzy cha ama chariahzy hmiakô liata a duah thei khao veih ei. Ama chariahzy hmiakô tawhta a râpai ei ta, âmo chhao pahleipadia awpa ta raopa ama châ. Chavâta pahleipadia awpa hmozy cha nama hry tawhtapa nama pahleipadia leipa khiahta cha, nama hnohta y khao aw va na.

ZAWSUA 7:12 ပူးပေါင်းရင်းမြစ်များ

HLAZY 44:10

Eima khakhaipazy tawhta a râpai awpa ta miah tao chi ta, Miah a haotuhpazy ta miah ama hrao haw.

HLAZY 60:10

Hy Khazohpa, miah dytha ha va chi ma? Hy Khazohpa, eima pheisaihzy hnohta na sie khao vei he zaw.

BIESOZY 28:1

Ahy ta hmah ama chadai leipa chhao ta, Moleipazy cha a râpai ei ta; Mosiapazy deikua cha, Chakeibarôhneipa hawhta ama riah a pha.

ISAI 59:2

Châhrasala nama paraonazy ta Nama Khazohpa nata cha pachhaih ei ta; Nama moleinazy ta A hmia a khu haw; Chavâta nama thlahchhâna thei vei.

ZEREMIAH 23:33

“He phopi hry tawhta ahy ta tlyma, hrohso­pa ta tlyma, theihthaipa ta tlyma, ‘Abeipa phaohri cha khâpa ma a châ,’ tahpa ta ama cha hiahri khiahta cha, ‘Nâmo he phaohri cha châ ei chi ta, chavâta ei cha thy aw ei, Abeipa ta a tah,’ tahpa ta nâ chhy aw ei.

ZEREMIAH 6:8

Hy Zerusale, zikyurâna he a papeisa mah y; Chataleipatala cha siesaipa ta, Roryhrapa ta cha tao aw na ta, Pahrâ tlâh leipa râh ta ei cha tao pathlei aw na.”

HÔSIA 9:12

Saw amâ pyhpa chhao ta, Pakha hmah ama y khao leina taihta Mâchhie ei pasasa lymâ aw ei. Ei heihsai ti ei ta cha, Ama hu a po tlai aw.

HABAKU 1:13

Na mo cha moleina mo nawpa ta pathaih tu ha ta, Paraonazy moh thei vei. Chyhsa ta piehpie kawpa ta hmo a tao nota, Khazia na y molo thlâh haw? Moleipa ta ano hlâta chyhsa sia viapa a palâ nota, Khazia nâ chalih thlah haw?

MALUHREINA 14:39

Mawsi ta cha biezy cha Izarei saw zydua chho ta, zawpizy cha pachârôhpa ta mâchhiesa ei ta.

MALUHREINA 14:42

Khy hlei khah u, nama hry liata Abeipa y khao tlôh leipa ta, nama chariahzy ta ama cha thie khai pathlei aw.

MALUHREINA 14:43

Nama hmia liata Amale mo nata Kâna mozy y ei ta, zaozi ta nama pao aw; Abeipa nama tleisai hapa vâta, nama hnohta Abeipa y khao aw vei,” tah ta.

MALUHREINA 14:45

Chatanachata tlâh râh liata a pahrâpa Amale mo nata Kâna mozy cha a zu ei ta, âmo cha thie ei ta, Hômâ tlâh taihta a chadai ei ta.

RYHPACHANEINA 7:26

Na o chhôh liata hmo pasichhihpa nâ ngiakhei awpa châ vei. Chataleipatala nâ chhao, cha hmo hawhta pahleipadiapa na châ aw. Cha cha chhiesapa hmo a châpa vâta na pasi kaw awpa châ ta, nâ hao ngaita awpa a châ.

ZAWSUA 6:18

Pahleipadia awpa hmo kheihawhpa hmah namâ la awpa châ vei. Pahleipadia awpa hmozy namâ la khiahta cha, nâmosasyh ta nama chô liata chhiesana patlôsa aw ei chi ta, Izarei riehmo chhiesapa ta tao aw ei chi ta, nôpopa ta nama soh pathlei aw.

RYUREITUHPAZY 16:20

Delilâ ta a hnohta, “Sâsawna, Philistinâ mo ta ama cha vaw siehnao!” tah ta. Â môpa cha a kaw hra ta, “Noh hrozy hawhna khata pua aw na ta, ei tlieh papua thlâh heih awh,” tahpa ta pachâ ta. Abeipa ta a siesai hapa pahno vei.

RYUREITUHPAZY 2:14

Chavâta Abeipa cha Izarei chô liata a pathi ia ta, hraotuhpazy lâta âmo cha pie ta, ama hrao haw. Ama chheipâh chariahzy ku liata âmo cha zuah ta, ama chariahzy hmiakô liata a duah thei khao veih ei.

RYUREITUHPAZY 2:4

Cha biezy cha Abeipa vâlyuhchâpa ta Izarei saw zydua hnohta a rei khaipa nahta, zawpizy cha aoh tlili ta cha ei ta.

1 SAMUELA 14:38

Chatawhcha Sawla ta, “Nâmo Izarei phopi chhituhpa zydua kha he lâ a vaw hnia u la, tanoh he khâpa moleina ma eima tao haw tahpa a laichadai u la, pahno a chhuah teh u.