ZAWSUA 6:4 - Mara Bible RV (BSI)

⁴ Theihthaipa pasari ta Byh hmia lâta mietaku tôhpa ki chiahmie miasari chaba aw ei ta, noh sarina noh ta khihpi cha ei sari chahlô aw ei chi ta, theihthaipazy ta chiahmie cha ama tô aw.

ZAWSUA 6:4 ပူးပေါင်းရင်းမြစ်များ

ÂTHAONA 2:3

Chavâta Khazohpa ta noh sarina noh cha, a paysapa nata a hmotaopa zydua patlô ta â pahâna noh a châpa vâta, byhnâ pie ta, a pathaisa.

1 ABEIZY 18:43

A chakaotuhpa hnohta, “Tahmâ khy la, tilaipi lâ kei sai tua,” tah ta. Chakaotuhpa cha khy ta, sai ta, “Khâpa hmah y vei,” tah ta. Elaizâh ta, “Khy heih teh,” tahpa ta ei sari taih tuah ta.

2 ABEIZY 5:10

Elaisâh ta ano lâ lyuhchâpa tuah ta, a hnohta, “Vawh la, Zawdâh chavah liata ei sari a kei ny la, na sapa ualuapa ta y heih aw ta, na vaw pathaih ha aw,” tah ta.

2 ABEIZY 5:14

Chatanachata Nâmâ cha zu ta, Khazohpa chyhsa reipa hawhta, Zawdâh chavah liata ei sari zâ ny ta. A sapa cha hawtipa sa hawh tlai ta vaw y pathi ha ta, a vaw pathaih haw.

2 THÂTIHZYRONA 13:12

Pachâ teh u, eima hnohta y ta, keimo miah chhituhpa cha Khazohpa châ ta, a theihthaipazy ta ama chiahmiezy tô ei ta, nâmo a dyuh awpa ama pahrua. Hy Izarei sawzy saih u, Abeipa châ pathlatuhpazy Khazohpa cha a dyuh cheita khuh vy. Nama hlaotloh aw vei,” tah ta.

2 THÂTIHZYRONA 20:17

He adyuhna he nâmo a dyuh awpa byuh aw vei. Namâ duana liata â ipa ta a duah u la, Hy Zudâh mo nata Zerusale mo saih u, nâmo vyuhpa ta Abeipa pachhana cha moh teh u,’ a tah. Chavâta chi leipa u la, a ngiaroh hra khuh vy. A dyuh awpa ta mylâ pua teh u. Abeipa nama hnohta a y aw,” tah ta.

2 THÂTIHZYRONA 20:19

Livai chi Kôhâ nata Kôrâ pathlazy a vaw duah ei ta, ao paro ngaitapa ta Abeipa, Izarei Khazohpa reithai ei ta.

2 THÂTIHZYRONA 20:21

Zawpi a pasyu khai nahta, pheisaihzy hmia lâta siepa ta, Abeipa lâta hla sa ta, “Abeipa hnohta alyna bie reih teh u, A zawngiahna chhâzaw ta y tlôh ta,” tahpa ta, Abeipa pathaihna rônahzie a reithai awpazy a rao ei.

ZAWBÂ 42:8

Chavâta tahmâ viahchao tôhpa po sari nata mietaku tôhpa pô sari a chhipa ta, nâ chakaotuhpa Zawbâ lâ vawh u la, nâmo châta raopa hlâna kei hlâ muh vy. Nâ chakaotuhpa Zawbâ ta a reipa hawhta, ei thâtih â dopa ta reih leipa ei chi ta, châhrasala nâ chakaotuhpa Zawbâ ta thlah cha chhâpa aw ei ta, a thlahchhâna cha a pyh awh na ta, nama hruna hawhta nama chô liata hmo tao aw va na,” tah ta.

ISAI 27:13

Cha noh liata, chiahmie lai ngaitapa tôpa châ aw ta, Asuria râh liata a leipazy nata Izi râh lâta papuapazy a vy aw ei ta, Zerusale liata tlâh pathaihpa liata Abeipa amâ chhy aw.

THEIHTHAINA 14:16

cha liata a chachâh lâ kudy ny aw ta, a kudy ta Abeipa hmiakô liata ei sari a thia aw.

THEIHTHAINA 4:6

Theihthaipa ta thisaih liata a kudy ny aw ta, thisaih cha supathaihpa pohraipa hmia liata Abeipa hmiakô ta ei sari a thia aw.

ZEKARIA 4:2

“Khâpa ma na hmô?” na tah ta. Kei ta, “Ngôh suapa ta taopa meiôh tôh, a pawhmao liata a beikoh y ta, beikoh tawhta pâthao miasari kaw pua ta, cha chô liata meiôh miasari a ypa hmô na ta,

ZEKARIA 4:6

Ano ei hnohta: “He he Zerubâbe châta Abeipa bie a châ: ‘Thatlôna vâta châ leipa ta, biehneina vâta châ hra leipa ta, ei Thlahpa ta tlao châ mawh sy,’ Pheisaihzy Abeipa ta a tah.

MALUHREINA 23:1

Bâlâma ta Bâlâka hnohta, “He liata maisâh miasari na taopa la, viahchao tôhpa pô sari nata mietaku tôhpa pô sari nâ chhuanohpa teh,” tah ta.

ZAWSUA 6:13

Mietaku tôhpa ki chiahmie miasari a chabapa theihthaipa pasarizy cha, Abeipa Byh hmia lâta sie ei ta, â zaopa ta chiahmie tô ei ta. Chariah chhaichhi a tobipa pheisaihzy âmo hmia lâta sie ei ta, hnôh lâta vaituhpazy ta Abeipa Byh pazi ei ta, theihthaipazy ta â zaopa ta chiahmie tô ei ta.

ZAWSUA 6:3

Pheisaih zydua ta khihpi cha ei kha chahlô tua aw ei chi ta, cha hawhna chata noh charu chhôh nama tao aw.

ZAWSUA 6:5

Mietaku tôhpa ki cha ao pasipa ta tô aw ei ta, chiahmie pyu nama theipa nahta, zawpi zydua ao paro ngaitapa ta awh aw ei chi ta, chatanachata khihpi thokhy cha cho aw ta, zawpizy cha âmo dady chyu liata khihpi chhôh lâ amâ ngia aw,” tah ta.

BIEPHUAH 1:20

Ei ku chachâh lâta awhsi miasari na hmôpazy nata ngôh meiôh patyuna miasari na hmôpazy kyh liata bienyupa cha he he a châ: Awhsi miasarizy cha awnanopa hlao sarizy châta vâlyuhchâpazy châ ei ta, meiôh patyuna miasarizy cha awnanopa hlao sarizy ama châ,” tah ta.

BIEPHUAH 1:4

Kei, Zawhâna ta Asia râh liata awnanopa hlao sarizy ei châ naoh ei. Khazohpa a y haipa, a y hapa nata a vaw y awpa tawhta nata a beidyuchhai hmiakô liata thlahpa miasari a ypazy tawhta ngiachhiena nata thlalôhna nama hnohta y sala,

BIEPHUAH 10:3

Chakeibarôhneipa a rôhpa hawhta ao paro ngaitapa ta awh ta, a awh khai nahta, tôkalôhpa miasari a vaw thua ta.

BIEPHUAH 15:1

Chatawhcha avâ liata ngiana hropa, ngiana rônahpa nata noâhchhihpa hmô na ta. Cha cha vâlyuhchâpa pasari nata potlana miasari a châ. Cha potlanazy cha potlana hnôhchaipazy a châ. Cha potlanazy liata Khazohpa hiehâhna cha a chhâ haw.

BIEPHUAH 15:7

Hmohrohneipa miapalihzy hry liata miakha ta vâlyuhchâpa pasarizy hnohta, chhâzaw nata tlyzaw ta hroh thlâhpa Khazohpa hiehâhna ta a biepa ngôh biebuh miasari vaw pie ta.

BIEPHUAH 16:1

Chatawhcha Achhyna o tawhta ao paro ngaitapa thei na ta, ao chata vâlyuhchâpa pasarizy hnohta, “Sie u la, Khazohpa hiehâhna biebuh miasari alei liata patlai teh u,” tah ta.

BIEPHUAH 5:1

Chatawhcha beidyuchhai liata a tyuhpa ku chachâh lâta châ chatypa, a hmia a hnôh ta ropa, chahnaona miasari ta chahnaopa hmô na ta.

BIEPHUAH 5:6

Chatawhcha beidyuchhai nata hmohrohneipa miapalihzy likawh liata machâzy hry liata Mietakutaw a duahpa hmô na ta, Mietakutaw cha thie chiehpa lyu ta, ki miasari nata mokhaoh miasari a hnei. Mokhaoh miasarizy cha, alei chô zydua liata tuapa Khazohpa Thlahpa pasarizy ama châ.

BIEPHUAH 8:2

Chatawhcha Khazohpa hmiakô liata a duah tyhpa vâlyuhchâpa pasarizy hmô na ta, ama hnohta chiahmie miasari piepa châ ei ta.

BIEPHUAH 8:6

Chatawhcha vâlyuhchâpa pasarizy ta chiahmie miasari amâ chabapazy tô awpa ta a pachyh ei ta.