ZAWSUA 6:23 - Mara Bible RV (BSI)

²³ Mohparutuhpa satliazy cha a kei ngia ei ta, Rahâbi cha a nô nata a paw nata a rilâhpazy nata a chhôhkha zydua chhaota puakhei ei ta, Izarei riehmo khôtho liata ama paysa haw.

ZAWSUA 6:23 ပူးပေါင်းရင်းမြစ်များ

ÂTHAONA 12:2

“Phopi rônahpa ta cha tao aw na ta, Byhnâ ei cha pie aw; Na moh parônahsa aw na ta, Byhnâ na châ aw.

ÂTHAONA 18:24

Khihpi liata mosiapa sypangawh chhâ y ei sala, khihpi cha na pahleipadia pyly aw ma? Cha liata a ypa mosiapa sypangawh vâta khihpi cha pahlôh aw va chi ma?

ÂTHAONA 19:29

Khazohpa ta bypi khihpizy a parao nota, Khazohpa ta Abarahâ cha a thei thlâh ha ta. Chatanachata Lawta pahrâna khihpizy a parao nota, Lawta cha a rao haipa hry tawhta â chhi papua haw.

MALUHREINA 31:19

Riehmo khôtho lâ noh sari a rie aw ei chi ta, ahy rai chyhsa a thiepa nata ama thiepa a hriapa maih, nâmo chhao, nama seizy chhao, noh thôhna noh nata noh sarina noh ta namâ pathaisa aw.

HMOTAOPAZY 10:28

Ama hnohta, “Zu chyhsa châta chihropa chyhsa a pahlaopa nata a o liata chareipa cha ânapa hmo a chânazie nâmo chhao ta nama pahno. Châhrasala ahy hmah ânapa nata pathaih leipa ei tah awpa a châ leizie Khazohpa ta eina pahmôsa.

HMOTAOPAZY 27:24

ei hnohta, ‘Pawla, chi khah y, Kaisarâ hmiakô liata nâ duah awpa a châ. Moh teh, na hnohta balyh liata a siepa zydua chhao kha, Khazohpa ta a cha pie,’ eina tah.

1 KAWRINI 5:12

Awnanopa khôtho lâta chyhsazy cha ei pachia awpa chi a châ rai ma? Awnanopa chhôh liata chyhsazy cha nâmo pachia awpa châ vei ma?

EPHESI 2:12

Kha nona kha, Krista a hlao leipa ta y ei chi ta, Izarei râh nata a maniahpa ta, bietai biehraizy liata khichhaipa châpa ta, hnabeiseihna hnei leipa nata Khazohpa hnei leipa ta khizaw liata nama y.

HEBRAI 11:31

Ngiapâna ta âzuahnô Rahâbi cha, mohparutuhpazy a phapa ta â lypa vâta, ngiapâleipazy hry liata leidia vei.

HEBRAI 11:7

Ngiapâna ta Nôah cha hmo a lâ leipazy kyh liata Khazohpa zikyurâna cha pachâ peimawh ta, Khazohpa chizapa ta, a chhôhkhazy pachha nawpa ta balyh a tu. Â ngiapâna ta khizaw thailei pachâsa ta, ngiapâna vâta hmôpa siana ryutotuhpa a vaw châ haw.

ZAWSUA 2:13

Chatanachata ei nô nata ei paw, ei rilâhpazy, ei narôzy nata ama chhôhkha zydua pahlôhpa châ aw ei ta, thina tawhta eima hrona miah nama pachha ha aw,” tah ta.

ZAWSUA 2:16

Ama hnohta, “Tlâhpi lâ khi pangaipa ta sie muh vy. Chataleipatala châ chadaituhpazy khata ama cha hmô pathlei aw. Châ chadaituhpazy ama kua heih hlâlei, cha liata noh thôh a nyu chy aw ei chi ta, cha khai tawhta nama sie nawpa lâ nama sie aw,” tah ta.

ZAWSUA 2:18

Nathlie teh, he râh eimâ vaw ngia tita, pala saihpa he miah na pangiehna opy liana he vaw chahry aw chi ta, na nô nata na paw, na rilâhpazy nata na paw chhôhkha zydua cha na o chhôh liata na paysa khai aw ei.

RYUREITUHPAZY 1:25

Khihpi chhôh lâ angiana cha âmo chho ta. Chatanachata zaozi ta khihpi cha a dyuh ei ta, cha chyhsa nata a chhôhkha zydua deikua pahlôh ei ta.