ZAWSUA 6:20 - Mara Bible RV (BSI)

²⁰ Chiahmie pyu a paro nahta, zawpizy cha awh ei ta. Chiahmie pyu ama theipata nahta, zawpizy cha thata awh ei ta, chatanachata thokhy cha cho ta, a phia ta alei liata a pao haw. Chatawhcha zawpizy cha âmo dady chyu ta Khihpi chhôh lâ a ngia ei ta, khihpi cha la ei ta.

ZAWSUA 6:20 ပူးပေါင်းရင်းမြစ်များ

2 THÂTIHZYRONA 13:15

Zudâh pheisaihzy cha chariah a dyuh awpa ta a pahô pahâhpa ta thata awh ei ta. Zudâh pheisaihzy ta thata ama awh nahta, Khazohpa ta Zerôbaw nata Izarei maw lâ pheisaih zydua cha Abizah nata Zudâh pheisaihzy hmiakô liata panawh ha ta.

ZEPHANIA 1:16

Thokhy khihpizy nata o sâhpazy a dyuh awpa ta, Chiahmie tôna noh châ aw ta, Hladyuh pathluahna noh a châ aw.

HEBRAI 11:30

Ngiapâna ta Zerikô thokhy cha, noh sari ama chahlô tawhta a cho haw.

ZAWSUA 6:5

Mietaku tôhpa ki cha ao pasipa ta tô aw ei ta, chiahmie pyu nama theipa nahta, zawpi zydua ao paro ngaitapa ta awh aw ei chi ta, chatanachata khihpi thokhy cha cho aw ta, zawpizy cha âmo dady chyu liata khihpi chhôh lâ amâ ngia aw,” tah ta.

1 SAMUELA 4:5

Abeipa Biehrai Byh cha riehmo a vaw tlô nahta, Izarei zydua cha alei a chalyu ngâna taihta a paro ngaitapa ta awh ei ta.