ZAWSUA 6:2 - Mara Bible RV (BSI)

² Abeipa ta Zawsua hnohta, “Moh teh, Zerikô khihpi cha a khih bei nata a chyhsa thatlô riahphapazy chhaota na ku liata ei cha pie haw.

ZAWSUA 6:2 ပူးပေါင်းရင်းမြစ်များ

2 SAMUELA 5:19

Dâvi cha Abeipa a saohiah ta, “Philistinâ mo a dyuh awpa ta ei khy aw ma? Âmo cha ei ku liata eina pie aw chi ma?” tah ta. Abeipa ta Dâvi hnohta, “Khy mah y, Philistinâ mo cha na ku liata ei cha pie tlai aw,” tah ta.

NEHEMIAH 9:24

Chatanachata ama pathlazy ta a ngia ei ta, râh cha ama hnei. Râh liata a pahrâpa Kâna mozy ama hmiakô liata panawhsa chi ta, ama khopa hawhta tao awpa ta, cha râh liata phopizy nata ama beizy cha Izarei sawzy ku liata na pie ei.

DÂNIAH 2:21

Daihti nata khihchâh zy panano ta, Abeizy pabâ ta, abeizy a padua; Asopazy hnohta sona pie ta, Pahno thaipazy hnohta novâhna a pie.

DÂNIAH 2:44

“Cha abeizy daihti liana cha, parao thei lei awpa khinarâh avâ Khazohpa ta padua aw ta, cha khinarâh cha phopi hropa châta siesaipa châ aw vei. Khinarâh hropa zydua cha pakeichheih khai aw ta, ano khinarâh deikua cha tlyzaw ta â duah aw.

DÂNIAH 4:17

He pachiana bie he vaituhpazy biepiepa ta taopa châ ta, biepathlupa he mo pathaihpazy bie ta taopa a châ. Chônôchaipa cha chyhsazy khinarâh chô liata ryu a reihpa châ ta, a pie khohpa hnohta khinarâh pie ta, chyhsa nawh chaipazy chhao a pabeisa thei ei tahpa chyhsazy ta ama pahno thei nawpa ta,’ tah ta.

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

DÂNIAH 5:18

Hy abei y, Khazohpa Chônôchaipa ta na paw Nebukaneza hnohta khinarâh zy, laina zy, rônahna zy, abeina zy pie ta.

RYHPACHANEINA 7:24

Ama beizy nama ku liata hlâ aw ta, avâ ry liata ama moh y khao lei awpa ta tao aw ei chi ta, nama pahleipadia khai hlâlei cha, châ pakhâ theipa pakha hmah y aw veih ei.

ZAWSUA 12:9

Bei a pahniepazy cha Zerikô bei pakha, Bethel kiapâh ta Ai bei pakha,

ZAWSUA 2:24

Zawsua hnohta, “Abeipa ta râh zydua eima ku liata miah a vaw pie ha tlai na. Cha râh liata a pahrâpa zydua keimo vâta ama zao khai haw,” tah ei ta.

ZAWSUA 2:9

ama hnohta, “He râh he Abeipa ta a cha pie ha ei tahpa ei pahno. Nâmo china ta miah chanaoh ha ta, he râh liata a pahrâpa zydua nama hmiakô liata ama zao khai haw.

ZAWSUA 20:1

Chatawhcha Abeipa ta Zawsua hnohta,

ZAWSUA 6:1

Izarei sawzy vâta Zerikô khihpi cha a chhôh lâ chhao khôtho lâ chhao khaw khaipa châ ta, ahy hmah pua leipa ei ta, ahy hmah a ngia hra veih ei.

ZAWSUA 6:3

Pheisaih zydua ta khihpi cha ei kha chahlô tua aw ei chi ta, cha hawhna chata noh charu chhôh nama tao aw.

ZAWSUA 8:1

Abeipa ta Zawsua hnohta, “Chi leipa la, thlazohpa ta y hra khah y. Adyuhna lâ a sie thei awpa chyhsa zydua na hnohta a chhi la, thyu la, Ai khihpi lâ sie teh. Pachâ teh, Ai khih bei nata a chyhsazy, a khihpi nata a râh na ku liata ei cha pie haw.

RYUREITUHPAZY 11:21

Abeipa, Izarei Khazohpa ta Sihaw nata a chyhsa zydua cha, Izarei ku liata pie ta, âmo cha ama pahnie haw. Chavâta Izarei ta cha râh liata a pahrâpa Amawri mo râh zydua cha a hnei khai hapa a châ.

RYUREITUHPAZY 11:24

Nâ cha na khazoh Khemô ta hnei awpa ta râh a cha piepa kha na hnei awpa tlâ châ vei ma? Keimo deikua cha Abeipa eima Khazohpa ta eima hmiakô liata a chhu hapa râhzy eima hnei lymâ aw.