ZAWSUA 6:18 - Mara Bible RV (BSI)

¹⁸ Pahleipadia awpa hmo kheihawhpa hmah namâ la awpa châ vei. Pahleipadia awpa hmozy namâ la khiahta cha, nâmosasyh ta nama chô liata chhiesana patlôsa aw ei chi ta, Izarei riehmo chhiesapa ta tao aw ei chi ta, nôpopa ta nama soh pathlei aw.

ZAWSUA 6:18 ပူးပေါင်းရင်းမြစ်များ

2 SAMUELA 21:1

Dâvi ryureina daihti liata, â zaopa ta kô thôh chakâhna tlô ta. Dâvi ta Abeipa hmia pado ta. Abeipa ta, “Sawla ta Kibiô mo a thiepa vâta, ano nata a chhôhkha chô liata thisaih maoh a y,” tah ta.

BIECHHOTUHPA 9:18

Sona cha adyuhna chariah chhaichhizy hlâta pha via ta, châhrasala moleipa pakha ta hmo phapa hluhpi a parao tyh.

ZAWNA 1:12

Zawna ta ama hnohta, “Na chalo u la, tilaipi lâ na pazaw syulyu ha teh u, chatanachata nama châta tilaipi â vaw chalih ha aw. He chothyu ru ngaitapa he keima vâta nama chô liata a vaw tlôpa a châ tahpa ei pahno,” tah ta.

RAWMA 12:9

Kyhpachâna cha haiphiana a hlao leipa châ mawh sy. Moleina a hao u la, hmo phapa khâchâ patu muh vy.

2 KAWRINI 6:17

“Chavâta ama hry tawhta pua u la, Â nano ta y teh u, Abeipa ta a tah. Hmo pathaih leipa hria khuh vy, Chatanachata ei châ ly aw ei;

EPHESI 5:11

Zohna hmotaopa a pathei beih leipazy liata a hlao leipa u la, zohna hmotaopazy cha tlao palâhâh teh u.

RYHPACHANEINA 13:17

Hraona sôh hmoziehpazy kheihawhpa hmah nama hria awpa châ vei. Chatanachata Abeipa cha a hiehâhna ru ngaitapa tawhta a palôh pananopa ta, a zawngiahna nama chô liata palâsa aw ta, châ pathlatuhpazy hnohta bie â taihpa hawhta, cha ngiachhie aw ei ta, a cha papôh aw ei.

RYHPACHANEINA 23:10

“Nama hry liata chapaw ahy tlyma, zâ ta a baoti a puapa vâta pathaih leipa a châ khiahta cha, riehmo puasai chy aw ta, riehmo lâ a ngia mâh khao aw vei.

RYHPACHANEINA 7:26

Na o chhôh liata hmo pasichhihpa nâ ngiakhei awpa châ vei. Chataleipatala nâ chhao, cha hmo hawhta pahleipadiapa na châ aw. Cha cha chhiesapa hmo a châpa vâta na pasi kaw awpa châ ta, nâ hao ngaita awpa a châ.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.

ZAWSUA 7:1

Châhrasala Izarei sawzy ta pahleipadia awpa hmozy kyh liata hmo parao ei ta. Zudâh chi Zerâ sawchapawpa Zabidi, Zabidi sawchapawpa Kâmi, Kâmi sawchapawpa Âkhâ ta pahleipadia awpa hmo vaw la ha ta. Chavâta Abeipa cha Izarei sawzy chô liata a pathi ia ta.

ZAWSUA 7:13

Thyu teh! Zawpi kha pathaisa la, ama hnohta, ‘Mylâ châta a pathai teh u. Abeipa, Izarei Khazohpa ta hetana heta a tah: “Hy Izarei, pahleipadia awpa hmozy nama hry liata y ta, chazy cha nama hry tawhta nama pahleipadia hlâlei nama chariahzy hmiakô liata a duah thei aw veih ei chi,”’ tah teh.

ZAWSUA 7:15

Ahy rai châ sala, pahleipadia awpa hmo a hnohta hmôpa a châ khiahta cha, Abeipa biehrai parao ta, Izarei liata hmo pha lei ngaitapa a taopa vâta, cha chyhsa cha, a chhôhkha nata a hneipa zydua chhaota mei ta rao awpa a châ,” tah ta.

ZAWSUA 7:25

Zawsua ta, “Khazia nôpopa ta miah na paysa? Nâ chhao tanoh he Abeipa ta nôpopa ta a cha paysa aw,” tah ta. Chatanachata Âkhâ cha Izarei saw zydua ta alô ta vawhsao ei ta. A chhôhkhazy chhao vawhsao ei ta, ama vawhsao khai tawhta mei ta rao ei ta.

1 ZAWHÂNA 5:21

Sawzy saih u, khazoh nothlahpa tawhta a panano teh u.

1 SAMUELA 15:9

Sawla nata pheisaihzy ta Akâ cha pahlôh ei ta, mietaku nata viahchao pha chaipazy, viahchaotaw nata mietakutaw thawhpazy, a phapa maih pahlôh ei ta. Chazy cha tlokhuh pahleipadia khai ha awpa pasaih leipa ei ta. A pha leipa nata ama kho leipa maih deikua cha, pahleipadia khai ha ei ta.