ZAWSUA 6:1 - Mara Bible RV (BSI)

¹ Izarei sawzy vâta Zerikô khihpi cha a chhôh lâ chhao khôtho lâ chhao khaw khaipa châ ta, ahy hmah pua leipa ei ta, ahy hmah a ngia hra veih ei.

ZAWSUA 6:1 ပူးပေါင်းရင်းမြစ်များ

2 SAMUELA 10:5

Cha kyh cha Dâvi chho ei ta, a chyhsa tuapazy ama no a za ngaitapa vâta, Dâvi cha âmo dy awpa ta chyhsa tuah ta. Abei ta, “Nama kâhhmi a seih hlâlei cha Zerikô liata vaw y chy u la, cha khai tawhta a vy lah vâ ei chi,” tah ta.

2 ABEIZY 17:4

Hôsia ta Izi bei Sô lâ lyuhchâpa tuah ta, Asuria bei hnohta a kô charei ta râhpaw a pie tyhpa cha pie khao leipa ta. Cha hawhta Hôsia ta a dôveina cha Asuria bei ta pahno ha ta. Chavâta Asuria bei ta Hôsia cha patu ta, chahryna chôta patâhna o liata khô ta.

2 ABEIZY 2:4

Elaizâh ta Elaisâh hnohta, “Elaisâh y, ngiachhiepa ta he liata vaw y mah y. Kei cha Abeipa ta Zerikô lâ sie awpa ta eina tuah,” tah ta. Elaisâh ta, “Abeipa hrona nata na hrona reipa ta ei reih, cha ysai cheita aw va na,” tah ta. Chatanachata Zerikô cha kei tlô ei ta.

HLAZY 127:1

Abeipa ta o a sa vei khiahta la, A satuhpazy ama hriapasa thlâhthli. Abeipa ta khihpi a vaih vei khiahta la, A vaituhpa cha â hra thlâhthli.

ZAWSUA 16:7

Zanô tawhta Atarô nata Nârâ lâta chô ta, Zerikô tlô ta, Zawdâh liata a kaw pua.

ZAWSUA 18:21

Hezy he Benzami chi ta a pho pho ta ama to awpa khihpizy a châ: Zerikô, Behôkalâ, Emekezezi,

ZAWSUA 2:1

Nunâ sawchapawpa Zawsua ta mohparutuhpa pano Siti tawhta arulâta tuah ta, ama hnohta, “Sie u la, râh kaw moh u la, a eih pachaipa ta Zerikô khihpi kaw moh muh vy,” tah ta. Mohparutuhpazy cha sie ei ta, Rahâbi ama tahpa âzuahnô o liata a ngia ei ta, cha liata tlô ei ta.

ZAWSUA 2:24

Zawsua hnohta, “Abeipa ta râh zydua eima ku liata miah a vaw pie ha tlai na. Cha râh liata a pahrâpa zydua keimo vâta ama zao khai haw,” tah ei ta.

ZAWSUA 2:7

Zerikô bei chyhsazy ta Zawdâh chakana su taihta mohparutuhpazy cha a chadai ei ta. Chadaituhpazy ama puapata nahta, thokhy chhikao khaw ha ei ta.

ZAWSUA 5:15

Abeipa pheisaihzy hyutuhpa ta Zawsua hnohta, “Na pheiky kha pahluh teh. Nâ duana su kha su pathaihpa a châ,” tah ta. Cha hawhna chata Zawsua ta a pheiky cha pahluh ta.

ZAWSUA 6:2

Abeipa ta Zawsua hnohta, “Moh teh, Zerikô khihpi cha a khih bei nata a chyhsa thatlô riahphapazy chhaota na ku liata ei cha pie haw.