ZAWSUA 5:6 - Mara Bible RV (BSI)

⁶ Izarei sawzy ta Abeipa ao ama nathlie khoh leipa vâta, ama pathlatuhpazy hnohta pie awpa ta Abeipa ta bie â taihpa sâhpiti nata kheihti lona râh pahmôsa lei awpa ta Abeipa ta ama hnohta bie â taih haw. Chatanachata Izi râh tawhta a kaw puapa, chariah a dyuhpa Izarei phopi chapaw zydua ama leidia khai hlâlei, Izarei sawzy cha râhchawhpa liata kô sypalih chhôh ama viavi.

ZAWSUA 5:6 ပူးပေါင်းရင်းမြစ်များ

HLAZY 107:4

Thokha râhchawhpa nata râh raohpa liata viavi ei ta, Pahrâ nawpa khihpi lâpi hmô thei veih ei.

PUASAINA 3:17

Chavâta Izi râh pasataona tawhta châ chhi papuapa ta, Kâna mo, Hiti mo, Amawri mo, Perizi mo, Hivi mo nata Zebu mozy râh, sâhpiti nata kheihti lona râh lâ châ chhi awpa ei ta, bie ei châ taih ei,’ tahpa ta.

PUASAINA 3:8

Chavâta Izi mo ku tawhta âmo cha pachhapa ta, cha râh tawhta puakhei ta, râh phapa nata kawhpa, sâhpiti nata kheihti lona râh, Kâna mo, Hiti mo, Amawri mo, Perizi mo, Hivi mo nata Zebu mozy yna su lâ a chhi awpa ei ta ei zu haw.

ZEREMIAH 2:2

“Sie la, Zerusale nah theina liata, Abeipa ta hetana a tah,” kei tah mah y: “Na thyutlia nota na ngâchhihzie kha a thei thlâh ha na ta, Myuh hawhta kyh eina pachâzie chhao chi kha ei thei thlâh haw; Râhchawhpa liata na zi laih chi ta, Chi chei leina râh liata chhao eina zi lymâ chi.

EZEKIA 20:15

Cha dei châ vei, ama hnohta râh ei piepa ei, sâhpiti nata kheihti lona râh, râh zydua hry liata râh ngia chaipa lâ a chhi lei awpa ei ta, râhchawhpa liana khata chyhu sapa ei ta.

EZEKIA 20:6

Izi râh tawhta a chhi papuapa ta, âmo châta râh ei tlua papuapa, sâhpiti nata kheihti lona râh, râh zydua hry liata râh ngia chaipa lâ a ngiakhei awpa ei ta, ku chaluahpa ta, cha noh liata bie ei taih ei.

ZÔELA 3:18

“Cha noh liata, Tlâhpizy tawhta kresawhti thlôhpa a zâ thlaoh aw; Tlâhthlôhzy liata sâhpiti loh aw ta, Zudâh vahtiepa zydua liata tizy a loh aw; Abeipa o tawhta tihnawh vaw pua aw ta, Siti Saikao cha ti ta a bao aw.

MALUHREINA 14:23

Âmo pathlatuhpazy hnohta bie ei taihpa râh cha hmô aw veih ei; nâ mohnaopazy chhao hmô hra aw veih ei.

MALUHREINA 26:63

Chazy cha Mawsi nata theihthaipa Eliaza rei theipa maluhzy châ ei ta, chazy cha Zerikô dady Zawdâh chavah kiah Môabâ bypi liata ama reipazy ama châ.

RYHPACHANEINA 1:3

Izi râh ama puasai tawhta kô sypalihna, thla hrawh hleikhana, noh khana noh liata, Izarei sawzy kyh liata Abeipa ta a hnohta bie a piepa zydua cha, Mawsi ta Izarei sawzy chho ta.

RYHPACHANEINA 2:14

Kâdesbânia tawhta vaw pua pi ta, Zere chavah eima chakana taihta eima viavi chhôh zydua cha kô sythôh nata kô charie a châ. Cha daihti chhôh ta, Abeipa ta zikyu â râ hapa hawh ei ta, cha chhâ liata chariah a dyuh theipa pheisaih zydua riehmo tawhta ama leidia khai haw.

RYHPACHANEINA 2:7

Abeipa nama Khazohpa ta nama ku raihria zydua liata byhnâ cha pie tyh ei ta, he râhchawhpa kawh ngaitapa nama siepahliezie haipa chhao a pahno. Kô sypalih chhôh zydua Abeipa nama hnohta y ta, khâpa hmah a phahla veih ei chi,” tah mah y,’ tah ta.

RYHPACHANEINA 8:4

Kô sypalih chhôh nama chysiazy chy leipa ta, nama phei chhao thloh vei.

HEBRAI 3:11

Pathi iapa ta bie ei taihpa hawhta, ‘Ei pahâna liata a ngia aw veih ei,’” tah ta.

ZAWSUA 1:6

“Thatlôpa nata riahphapa ta y teh. He sahlao he ama pathlatuhpazy hnohta pie awpa ta bie ei taihpa râh cha ryu ta na patosa aw ei.

ZAWSUA 24:7

Châ pathlatuhpazy ta Abeipa pado ei ta, nâmo nata Izi mo likawh liata zohna vaw soh ta, Izi mo cha tilaipi ta pavaosa ta, a pamôh khai ha ei. Izi râh liata ei hmotaopa kha nama mo tlai ta hmô ta. Râhchawhpa liata bohpi nama y.

ZAWSUA 5:5

Izi râh tawhta a kaw puapa zydua cha chopaw tai chiehpa sai châ ei ta, Izi râh tawhta ama kaw pua tawhta râhchawhpa lâpi liata a pihpazy zydua deikua cha, chopawtai leipazy ama châ.

ZAWSUA 5:7

Chavâta Abeipa ta âmo vyuhpa ta a paduapa ama pathlazy cha Zawsua ta ama chopaw a taipa ei. Lâpi liata ama chopaw taipa a châ leipa vâta chopawtaileipa ta ama vaw y thlâh hapa a châ.