ZAWSUA 5:1 - Mara Bible RV (BSI)

¹ Izarei sawzy Zawdâh ama chaka khai hlâlei Abeipa ta Izarei sawzy hmiakô liata Zawdâh tizy a pakua tahpa thâtih cha, Zawdâh haosâ notla lâta a ypa Amawri bei zydua nata tilaipi kiah liata a ypa Kâna bei zydua ta ama thei nahta, Izarei sawzy vâta ama pathipalôh zao khaipa ta, ama thlah a hua khai ha ta.

ZAWSUA 5:1 ပူးပေါင်းရင်းမြစ်များ

ÂTHAONA 12:6

Abarâ cha râh chahryh ta, Sekhe su liata Môre thokô laipa taihta chahryh ta. Cha daihti liata, cha râh liata a pahrâpazy cha Kâna mozy ama châ.

ÂTHAONA 48:22

Cha dei châ vei, nâ cha na unawhzy tovyuh hlâta tovyuh miakha ta hluh viapa ta cha pie na ta, ei zaozi nata ei libaw ta Amawri mo ku tawhta ei lapa râh cha nâ ei cha pie,” tah ta.

2 SAMUELA 21:2

Abei ta Kibiô mo cha aw ta, bie a chho ta. Kibiô mo he Izarei pathlazy châ leipa ei ta, Amawri mo laibâhpazy châ ei ta. Âmo he cha pahlôh awpa ta Izarei sawzy ta bie amâ vaw taih hapa a châ. Sawla ta Izarei pathlazy nata Zudâh pathlazy châta phahnai â ngiah tuna liata Kibiô mo cha pamua khai ha awpa â vaw chhuahpa a châ.

1 ABEIZY 10:5

a tlâhkhai liata niedo, a beimachâzy atyuna paryhzie, a chakaotuhpazy chakaozie nata amâ tobizie, a nyu hlâtuhpazy nata Abeipa o liata raopa hlâna a hlâpazy a hmôpa cha, a huhiah chhao so pha thei khao leipa ta.

EZRÂ 9:1

Cha hmozy taopa a châ khai nahta, beimachâzy kei lâ a vy ei ta, ei hnohta, “Izarei sawzy nata theihthaipazy nata Livai pathlazy ta he râh liata a vaw pahrâpa phopizy tawhta a panano leipa ei ta, Kâna mo, Hiti mo, Perizi mo, Zebu mo, Amawna mo, Môabâ mo, Izi mo nata Amawri mo hmotaopa pasichhihpazy ama tao hra.

HLAZY 135:11

Amawri bei Sihaw, Bâsanâ bei Ôkâ nata Kâna bei zydua a thietuhpa kha Abeipa a châ.

PUASAINA 23:28

Na hmia lâta kheipangiah tuah aw na ta, cha chata Hivi mo, Kâna mo nata Hiti mozy na hmia lâta â chadai aw ei.

ISAI 41:5

Tilaipi kiah râhzy ta hmô ei ta, Ama chi ngaita; Khizaw kaokih a chalyu ei ta, A vaw hnia ei ta amâ vy.

EZEKIA 16:3

a hnohta, ‘Abeipa Zehôvâh ta Zerusale hnohta hetana heta a tah: Na puana râh nata na pina râh cha Kâna râh châ ta, na paw cha Amawri chyhsa châ ta, na nô cha Hiti chyhsa a châ.

EZEKIA 21:7

‘Khazia nâ hrô?’ ama cha tah khiahta cha, ‘Thâtih a vaw tlô haipa vâta a châ. Cha tita cha palôh to dua aw ta, ku zydua thazeipa ta a y aw. Hro to panao aw ta, pakhu zydua ti hawhta a nai aw. Moh teh, cha daihti cha vaw tlô hai ta, cha hmo cha patlôpa a châ aw, Abeipa Zehôvâh ta a tah,’ tahpa ta reih mah y,” tah ta.

DÂNIAH 5:6

Abei cha a hmia vaw hlâh khai ha ta, a palôh thata a tymâ ta, a pheizy a chalyupa ta a pakhuzy a chakhyh ta.

AMÔSÂ 2:9

“Chatanachôta sidy tho hawhta a sâh ei ta, Ôkâ tho hawhta a chyupa Amawri mo Ama hmiakô liata a pahleipadiapa kha keima ei châ; Chô lâta a thei pahleipadia na ta, Ry lâta a tharizy ei pahleipadia khai haw.

MALUHREINA 13:29

Amale mo chho lâ râh liata pahrâ ei ta, Hiti mo, Zebu mo nata Amawri mozy cha tlâh râh liata pahrâ ei ta, Kâna mo cha tilaipi kiah nata Zawdâh kao zy liata ama pahrâ,” tah ei ta.

ZAWSUA 17:12

Châhrasala Kâna mo ta cha râh liata pahrâ khâchâ amâ chhuah hapa vâta, cha khihpizy cha Manase pathlazy ta hnei thei veih ei.

ZAWSUA 17:18

Tlâh râh khi nâmo eih a châ aw. Râhmâhpa châ hra sala, pathai aw ei chi ta, a râh zydua nama eih a châ aw. Kâna mo cha thua talailihzy hneipa ta ama thatlô kaw hra sala nama papua thei aw,” tah ta.

ZAWSUA 24:15

Abeipa chakaopa cha a pha lei awpa hawhta nama pahno khiahta cha, tanoh he ahy ma nama chakao aw, a tlyh teh u. Châ pathlatuhpazy ta Chavah haosâ liata ama chakao tyhpa khazohzy kha ma, nama pahrâ haipa râh Amawri mo khazohzy he ma, a tlyh teh u. Kei nata ei chhôhkha ta la Abeipa eima chakao aw,’” tah ta.

ZAWSUA 3:16

machha lâ tawhta ti a zâ loh haipa cha a duah ta, lâhlapi taihta, Zarethâ kiapâh ta a ypa Âdâh khihpi taihta â sâh pi ta a opa ta a toh ta, Tilaipi Iahpa, Arabâ Tilaipi lâta a lohpa ti cha chie pachhô ta, zawpizy cha Zerikô khih dady liata Zawdâh haosâ lâ ama pua haw.

ZAWSUA 3:17

Izarei saw zydua ta chavah cha alei hipa liata chaka ei ta, Izarei phopi zydua ta Zawdâh ama chaka khai hlâlei, Abeipa Biehrai Byh asytuhpa theihthaipazy cha Zawdâh chavah liah khophie alei hipa liata a duah thlâh ha ei ta.

BIEPHUAH 18:10

A pasataona chipa ta, lâhlapi ta a duah aw ei ta, hetana heta ama tah aw: “Cha rimâ cha! Cha rimâ cha! Nâ, khihpi rônahpa, Nâ, khihpi thatlôpa, Hy Babylaw khihpi! Dawh kha chhôh ta, Na rao khai ha he zaw.”

RYUREITUHPAZY 1:1

Zawsua a thi tawhta Izarei sawzy ta, “Kâna mo siehnao awpa ta ahy eima châta sie tua chai aw ta, âmo cha a kaw dyuh aw?” tahpa ta Abeipa hiahri ei ta.

RYUREITUHPAZY 11:23

Abeipa, Izarei Khazohpa ta ano phopi Izarei hmiakô liata Amawri mo cha ama râh a chhu hapa châ ta, cha râhzy cha nâ ta na hnei nawpa kyh a y ma?

RYUREITUHPAZY 3:3

Phopi pahlôhpazy cha, Philistinâ bei papangawh, Kâna mo zydua, Sidaw mo zydua nata Lebanaw Tlâh nata Bâlâhâmaw Tlâh tawhta Lebôhamâ taihta a pahrâpa Hivi mo zydua ama châ.

RYUREITUHPAZY 4:2

Chavâta Abeipa ta âmo cha Hâzaw liata ryu a reihpa Kâna bei Zabi hnohta a zuah ha ei. Zabi pheisaihzy hyutuhpa cha Hârôse Hâkôi liata a pahrâpa Siserâ a châ.

1 SAMUELA 25:37

Mydi ta, Nâbâ cha Kresawhti a paripa a pai nahta, a lapinô ta hmo yziezy chho ta, a châh-ao a chalihpa ta, alô hawhta vaw y ha ta.