ZAWSUA 4:24 - Mara Bible RV (BSI)

²⁴ Chatanachata alei chô liata phopi zydua ta Abeipa ku cha ku thatlôpa a châ tahpa pahno aw ei ta, Abeipa nama Khazohpa cha nama chi lymâ thei aw,” tah ta.

ZAWSUA 4:24 ပူးပေါင်းရင်းမြစ်များ

1 ABEIZY 8:40

Chatanachata miah pathlatuhpazy na piepa râh liata ama pahrâ chhôh zydua ta ama cha chi lymâ aw.

1 ABEIZY 8:60

Chatanachata khizaw phopi zydua ta Abeipa deita he Khazohpa cha a châ, Khazoh hropa y veih ei, tahpa ama pahno aw.

2 ABEIZY 19:19

Chavâta Hy Abeipa eima Khazohpa y, nâma deita he Zehôvâh Khazohpa cha na châ tahpa alei chô liata khinarâh zydua ta ama pahno thei nawpa ta, ngiachhiepa ta Senâkeri ku tawhtapa he miah pachha tlai mah y,” tah ta.

2 ABEIZY 5:15

Chatawhcha Nâmâ cha a sahlao zydua chhaota Kha­zohpa chyhsa yna lâ a lie ta. A tlô nahta, a hmiakô liata a kei duah ta, a hnohta, “Izarei lia dei leipa ta cha, khizaw zydua liana heta Khazohpa rai y vei tahpa ei pahno haw. Chavâta châ chakaotuhpa kuhria he a hlâh mah y,” tah ta.

1 THÂTIHZYRONA 29:12

Hneirôna nata palyupalihnazy cha nâ tawhta a vypa châ ta, ato chô liata ryureituhpa na châ. Hmotaotheina nata thatlôna na ku liata y ta, chyhsa to parônahsa theina nata tha­tlôna pie theina chhao na ku liata a y.

ZAWBÂ 40:9

Khazohpa bâh hawhpa bâh na hnei ma? Ano ao hawhta tôkalôhpa a thuapa ao na papua thei ma?

HLAZY 106:8

Chatanachôta a moh vâta âmo cha pachha pyly ta, A hmotaotheina rônahpa a pahnosa ei.

HLAZY 89:13

Bâh hmotaotheipa hnei chi ta, Ku thatlôpa na hnei; Na ku chachâh lâ cheihchalopa ta a y.

HLAZY 89:7

Ano cha mopathaihpazy pakhypi liata ama chi ngaitapa châ ta, A kiapâh liata a ypa zydua hlâta ama chiza chaipa Khazohpa a châ.

PUASAINA 14:31

Abeipa ta Izi mo chô liata hmotaotheina rônah ngaitapa a hmâpa cha Izarei sawzy ta hmô ei ta, chavâta Izarei phopi ta Abeipa cha chi ngaita ei ta, chatanachata Abeipa nata a chakaotuhpa Mawsi cha a ngiapâ ha ei ta.

PUASAINA 15:16

Hy Abeipa, na phopi ama khô khai hlâlei cha, Na chaleipa phopi ama khô hlâlei cha, China nata ngiarohna ta Izi mo tla thlu ta, Na bâh thatlôna vâta alô hawhta amâ chalih.

PUASAINA 20:20

Mawsi ta zawpi hnohta, “Chi khuh vy. Cha pasia awpa ei ta Khazohpa â vy hih. Nama molei lei nawpa ta, Khazohpa china nâmo liata y mawh sy,” tah ta.

PUASAINA 9:16

Châhrasala ei hmotaotheina cha pahmôsapa ta, khizaw zydua liata ei moh pathâhsapa a châ thei nawpa ta ei cha paduapa a châ.

ISAI 52:10

Abeipa ta râh zydua mohmô liata A bâh pathaihpa chaluah ha ta, Khizaw kaokih zydua ta Eima Khazohpa pachhana cha ama hmô aw.

ZEREMIAH 32:40

Ama hnohta tlyzaw biehrai tao aw na ta, ama chô liata hmo pha taopa a heihsai khao aw va na. Ama palôh liata keima china soh aw na ta, nâ heihsai khao aw veih ei.

RYHPACHANEINA 28:10

Chatanachata Abeipa moh bipa nama châpa khizaw phopi zydua ta hmô aw ei ta, ama cha chi aw.

RYHPACHANEINA 6:2

Chatanachata Abeipa nama Khazohpa cha chipa ta, a bieraopa nata a biepiepa ei cha piepazy he nama hro chhôh zydua ta zyh aw ei chi ta, nama hro a pareih aw.

1 SAMUELA 17:46

Tanoh he Abeipa ta nâma kha ei ku liata eina pie aw. Cha thie aw na ta, na luh cha tai aw na ta, Philistinâ pheisaih rizy cha tanoh he vâ pavawzy nata râhsazy ei pie aw ei. Chatanachata khizaw zydua ta Izarei liata Khazohpa a y tahpa ama pahno aw.