ZAWSUA 4:23 - Mara Bible RV (BSI)

²³ Zehôvâh Khazohpa ta eima chaka khai hlâlei Tilaipi Saihpa pakua ta, Tilaipi Saihpa chô liata a taopa hawhna khata, Zehôvâh Khazohpa ta nama chaka khai hlâlei Zawdâh tizy a cha pakuapa ei.

ZAWSUA 4:23 ပူးပေါင်းရင်းမြစ်များ

1 ABEIZY 8:43

na pahrâna su vârâh liata vaw nathlie la, chihropa ta a cha hiapa cha taopa mah y. Chatanachata khizaw phopi zydua ta na moh pahno aw ei ta, Izarei sawzy ta eima cha chipa hawhta, âmo chhao ta cha chi aw ei ta, o ei sapa he na moh a phaohpa a châ tahpa ama pahno aw.

NEHEMIAH 9:11

Ama hmiakô liata tilaipi pachhaih chi ta, tilaipi liah liata alei hipa liata sie ei ta, âmo a chadaituhpazy cha, ti thatlô ngaitapa liata alô pathlapa hawhta, ti a thu ngaitapa liata na pathla ha ei.

HLAZY 78:13

Tilaipi pachhaihpa ta âmo cha pasiesa ta, Tizy toh ta a chalihsa.

PUASAINA 14:21

Mawsi ta tilaipi chô liata a ku pazawh ta, Abeipa ta azozâkhihdei ta nochhi thlih ru ngaitapa vaw pathlisa ta, tizy hnoh lâ a sy ei ta, tilaipi cha alei hipa lâta pachâsa ta. Chatanachata tizy cha a pachhaih ta.

PUASAINA 15:19

Phiraoh arâzy, talailihzy nata arâ a kiahpazy tilaipi chhôh lâ amâ ngia khai nahta, Abeipa ta tilaipi tizy cha vaw pakuasa ta, âmo cha a vao ha ei. Izarei sawzy deikua cha, tilaipi chhôh alei hipa liata ama sie.

ISAI 43:16

Tilaipi liata lâpi tao ta, Tisaihzy liata lâthlôh a taopa;