ZAWSUA 4:19 - Mara Bible RV (BSI)

¹⁹ Izarei phopi cha cha thla khana, noh hrawhna noh ta Zawdâh tawhta pua ei ta, Zerikô nochhi râhri Kilkal liata riehmo paryh ei ta.

ZAWSUA 4:19 ပူးပေါင်းရင်းမြစ်များ

2 ABEIZY 2:1

Abeipa ta Elaizâh cha khisô ta avâ lâ â chhi nawpa daihti a hnia ha ta. Elaizâh nata Elaisâh cha Kilkal tawhta hmaohkha ta sie ei ta.

AMÔSÂ 4:4

“Bethel lâ a vy u la, Vaw molei teh u; Kilkal lâ a vy u la, Moleina vaw papôh teh u. Namâ theihnazy cha, My chareih ta vaw cheih u la; Nama su hrawh su khazy cha, Noh thôhna noh ta vaw cheih teh u.

AMÔSÂ 5:5

Bethel tlua leipa u la, Kilkal lâ sie khah u; Besebâ lâ chhao kiah hra khah u. Kilkal cha sei ta sie tlai aw ta, Bethel cha hraoleipa a châ aw.”

MIKÂ 6:5

Hy ei phopi, Môabâ bei Bâlâka ta Nama chô liata tao â chhuahpazy kha a thei u la, Beô sawchapawpa Bâlâma ta  chhynazy chhao kha a thei teh u; Siti tawhta Kilkal taihta Hmo tlôpazy kha a thei teh u; Chatanachata Abeipa ta Siana ta hmo a taopazy nama pahno thei aw.”

RYHPACHANEINA 1:3

Izi râh ama puasai tawhta kô sypalihna, thla hrawh hleikhana, noh khana noh liata, Izarei sawzy kyh liata Abeipa ta a hnohta bie a piepa zydua cha, Mawsi ta Izarei sawzy chho ta.

RYHPACHANEINA 11:30

Cha tlâhzy cha Zawdâh haosâ, lâpi tawhta notla baih lâ, notla râh, Arabâ liata a ypa Kâna mo râh, Kilkal dady liata Môre thothih kiah liata a ypa tlâhzy a châ.

ZAWSUA 10:43

Cha khai tawhta Zawsua cha a hnohta a ypa Izarei saw zydua chhaota Kilkal liata riehmo lâ a lie ha ta.

ZAWSUA 10:6

Kibiô mo ta Kilkal riehmo liata a ypa Zawsua lâ chyhsa tuah ei ta, a hnohta, “Châ chakaotuhpazy he na bâh pathliah sai khah y. A chatliepa ta keimo lâ a khy la, miah kaw bao la, miah kaw pachha mah y. Tlâh râh liata a pahrâpa Amawri bei zydua a paraoh ei ta miah amâ dyuh hih,” tah ei ta.

ZAWSUA 15:7

Râhri cha Akhôrâ Saikao tawhta Debi lâta khy lymâ ta, Kilkal lâ pangaipa ta maw lâta sie ta. Cha cha saikao chho lâta a ypa Adumi mo yna lâ khyna dady liata a ypa a châ. Râhri cha Enâseme tizy chapiapa ta sie lymâ ta, Erôke liata a chhâ.

ZAWSUA 24:11

Cha khai tawhta Zawdâh chaka ei chi ta, Zerikô nama tlô. Zerikô chyhsazy ta châ vaw dyuh ei ta, Amawri mo, Perizi mo, Kâna mo, Hiti mo, Kikâsi mo, Hivi mo nata Zebu mozy chhao ta châ dyuh hra ei ta, châhrasala âmo cha nama ku liata ei cha pie ha ei.

ZAWSUA 4:18

Chatanachata Abeipa Biehrai Byh asytuhpa theihthaipazy cha Zawdâh chavah liah khophie tawhta vaw pua ei ta, theihthaipazy pheipazah ta alei hipa a tlypa nahta, Zawdâh tizy cha a lo tyhpa hawhta za loh heih ta, a bie tyhpa hawhta a kao zydua a bie khai haw.

ZAWSUA 5:10

Izarei sawzy cha Kilkal liata riehmo paryh ei ta, cha thla, noh hrawh hleipalihna noh zâlâ ta Zerikô bypizy liata zawpakhô ama chay.

ZAWSUA 5:9

Abeipa ta Zawsua hnohta, “Tanoh he Izi mo ama cha mohnaona nâmo tawhta ei pahlei haw,” tah ta. Chavâta cha su cha tahmâ taihta Kilkal tahpa a châ.

ZAWSUA 9:6

Chatanachata Kilkal liata riehmo paryhpa liata a ypa Zawsua lâ vawh ei ta, ano nata Izarei chyhsazy hnohta, “Râh hlapi tawhta a vypa châ pi ta, chavâta eima hnohta aryhna bie hraih teh u,” tah ei ta.

1 SAMUELA 10:8

Ei hmia lâta siepa ta Kilkal lâ zu aw chi ta, kei chhao raopa hlânazy nata aryhna hlâna atheihnazy hlâ awpa ta nâma lâ ei zu aw. Nâma lâ a zu aw na ta, na tao awpa ei cha chho hlâlei cha, noh sari na vaw y awpa a châ,” tah ta.

1 SAMUELA 15:33

Samuela ta, “Na zaozi ta chanôzy saw leipa ta a taopa hawhta, Na nô chhao chanôzy hry liata saw leipa a châ aw,” tah ta. Chatanachata Samuela ta Akâ cha, a pôhpa â pachhaih khaina taihta Abeipa hmiakô ta Kilkal liata chhawh ta a thie haw.