ZAWSUA 4:14 - Mara Bible RV (BSI)

¹⁴ Cha noh liata, Abeipa ta Izarei zydua mohmô ta Zawsua cha cheihchalo ta. Mawsi ama zapa hawhta, Izarei zawpi ta Zawsua cha a hrochhôh zydua ama za lymâ.

ZAWSUA 4:14 ပူးပေါင်းရင်းမြစ်များ

1 ABEIZY 3:28

Izarei saw zydua ta abei ta bietluna a taozie cha thei ei ta, ryureina dopa siekhei nawpa ta Khazohpa sona a chô liata a ypa ama hmôpa vâta, abei cha chi ngaita ei ta.

2 ABEIZY 2:15

Zerikô liata hrohsopa sahlao sawchapaw ano dady ta a ypazy ta, ama hmô nahta, “Elaizâh thlahpa cha Elaisâh chô liata â choh ha tlai na,” tah ei ta. Ano dy awpa ta vawh ei ta, a hmiakô liata alei lâ a bôhpa ta, a naoh ei ta.

1 THÂTIHZYRONA 29:25

Abeipa ta Sawlawmaw cha Izarei saw zydua mohmô liata thata parônahsa ta, Izarei râ liata ano hlâta a bei tuapa ahy hmahta ama to thei leipa, bei rônah ngaitapa châna a patosa.

2 THÂTIHZYRONA 30:12

Abei nata beimachâzy ta Abeipa bie hawhta bie ama piepa cha tao awpa ta, Khazohpa ku cha Zudâh chô liata y ta, Zudâh pathlazy cha palôh miakha paphaosa ta.

PUASAINA 11:3

Abeipa ta Izarei phopi cha Izi mo hmiakô liata ngiachhiena pahlaosa ta. Cha dei châ vei, Mawsi cha Izi râh liata Phiraoh chakaotuhpazy pachâzie nata zawpi pachâzie liata chyhsa rônah ngaitapa châ ta.

PUASAINA 14:31

Abeipa ta Izi mo chô liata hmotaotheina rônah ngaitapa a hmâpa cha Izarei sawzy ta hmô ei ta, chavâta Izarei phopi ta Abeipa cha chi ngaita ei ta, chatanachata Abeipa nata a chakaotuhpa Mawsi cha a ngiapâ ha ei ta.

BIESOZY 24:21

Ei sawchapawpa y, Abeipa chipa ta abei chhao chi la, Cha hawhta a y leipazy cha a pahlao khah y.

RAWMA 13:4

Ano cha na pha nawpa ta Khazohpa chakaotuhpa a châ. Hmo moleipa na tao khiah deikua cha, chi kaw mah y, zaozi cha a chaba thlâhthli vei. Ano cha Khazohpa chakaotuhpa châ ta, hmo paraotuhpa chô liata Khazohpa hiehâhna phuhlatuhpa a châ.

1 KAWRINI 10:2

Ama zydua ta meihdo nata tilaipi liata Mawsi hnohta a ngiarihpa ta bâti ama châ.

ZAWSUA 3:7

Abeipa ta Zawsua hnohta, “Mawsi hnohta ei ypa hawhna khata na hnohta chhao ei y aw tahpa ama pahno thei nawpa ta, Izarei saw zydua mohmô liata tanoh tawhta ei cha cheihchalo pathao aw.

ZAWSUA 4:13

A dyuh awpa ta a mâ chiehpa pheisaih 40,000 ta Abeipa hmiakô liata Zawdâh cha chaka ei ta, Zerikô bypi lâ ama pangai.

ZAWSUA 4:15

Abeipa ta Zawsua hnohta,

1 SAMUELA 12:18

Samuela ta Abeipa cha aw ta, Abeipa ta cha noh liata, tôkalôhpa pathuasapa ta, avâ pasuasa ta. Zawpi zydua ta Abeipa nata Samuela cha chi ngaita ei ta.