ZAWSUA 4:10 - Mara Bible RV (BSI)

¹⁰ Mawsi ta Zawsua bie a piepa zydua hawhta, Abeipa ta zawpi tao awpa Zawsua a chhopazy ama tao khai hlâlei, theihthaipazy cha Zawdâh chavah liah khophie liata a duah thlâh ha ei ta. Zawpizy cha a para ngaitapa ta Zawdâh chaka ei ta.

ZAWSUA 4:10 ပူးပေါင်းရင်းမြစ်များ

HLAZY 119:60

Na biepiepazy zyh awpa ta, Hawh leipa ta ei para tyh.

PUASAINA 12:39

Izi râh tawhta ama puakheipa viahdie nyhpa hmâpa ta, viahchhâ thinô pahlao leipazy cha tao ei ta. Izi râh tawhta tophipa châ ei ta, ama hâ hmâ lei awpa vâta, thinô pahlao leipa viahchhâ dei leipa ta cha, lâpi liata ama nie awpa a tao hmâ veih ei.

BIESOZY 27:1

Mylâ ta hmo a vaw y awpa a palaikhei khah y, Cha noh chata khâpa ma a vaw tlôkhei aw tahpa pahno tlôh chi va.

BIECHHOTUHPA 9:10

Na ku ta hria awpa a hmôpa maih cha, na theina zydua papuapa ta hria mah y. Na pangai haipa Athihkhih liata cha, rai tlyma, pachâna tlyma, pahnona tlyma, sona tlyma y khao aw vei.

ISAI 28:16

Abeipa Zehôvâh ta hetana heta a tah: “Moh teh u, Zaio liata alô bô na ta, Alô pasia chiehpa a châ; A ki liata alô sôhpa châ ta, Abôna a ipa a châ: ‘A ngiapâpa maih a chalyu aw veih ei.’

2 KAWRINI 6:2

Khazohpa ta, “Daihti rypaohpa liata cha nathlie na ta, Pachhana noh liata ei cha bao,” a tah. Pachâ teh u, tahmâ he daihti rypaohpa cha châ ta, tahmâ he pachhana noh cha a châ.

RYHPACHANEINA 31:9

Mawsi ta ryhpa cha roh ta, Abeipa Biehrai Byh a sytuhpa Livai sawchapaw theihthaipazy nata Izarei machâzy hnohta pie ta.

ZAWSUA 24:11

Cha khai tawhta Zawdâh chaka ei chi ta, Zerikô nama tlô. Zerikô chyhsazy ta châ vaw dyuh ei ta, Amawri mo, Perizi mo, Kâna mo, Hiti mo, Kikâsi mo, Hivi mo nata Zebu mozy chhao ta châ dyuh hra ei ta, châhrasala âmo cha nama ku liata ei cha pie ha ei.

ZAWSUA 3:13

Khizaw zydua Abeipa Zehôvâh Byh asytuhpa theihthaipazy pheipazah ta Zawdâh ti a tlypa nahta, machha lâ tawhta Zawdâh chavah ti a zâ lohpazy cha chie pachhôpa ta a toh aw ta, â duah thlâh ha aw,” tah ta.

ZAWSUA 4:11

Ama zydua ta haosâ lâ ama kia khai nahta, Abeipa Biehrai Byh nata asytuhpa theihthaipazy cha zawpi hmia lâta sie lymâ ei ta.

ZAWSUA 4:9

Alô miahrawh hleino cha, Zawsua ta Biehrai Byh asytuhpa theihthaipazy aduana su, Zawdâh chavah liah khophie liata bô ta, chazy cha tanoh taihta a y thlâh haw.